वाढणी: ४ जणांसाठी
वेळ: २० मिनीटे
साहित्य:१ मोठी कैरी
गूळ (टीप)
१ टिस्पून तूप
१/४ टिस्पून जिरे
२ चिमूटभर हिंग
३ ते ४ कढीपत्ता पाने
२ हिरव्या मिरच्या, ठेचून घ्याव्यात
१/४ कप कोथिंबीर
चवीपुरते मिठ
कृती:
१) कैरी कूकरमध्ये २ शिट्ट्या करून वाफवून घ्यावी. कूकरची वाफ जिरल्यावर वाफवलेली कैरी बाहेर काढून कोमटसर असतानाच सोलून घ्यावी. नंतर आतील गर घट्ट असेल तर किसून घ्यावा.
२) जेवढा गर असेल तेवढा गूळ घालावा (किंचीत कमी चालेल). हे मिश्रण मिक्सरमध्ये बारीक करावे. कैरीच्या गराला दोरे असतील तर गर गाळून घ्यावा.
३) कढईत तूप, जिरे, हिंग, कढीपत्ता आणि मिरचीचा ठेचा घालून फोडणी करावी. त्यामध्ये कैरीचा गर घालून गरजेइतपत पाणी घालावे. मिठ घालून उकळी काढावी.
उकळी काढून झाल्यावर चिरलेली कोथिंबीर घालून गरमागरम सर्व्ह करावे.
हे कैरीचे सार गरमागरम तूप-भाताबरोबर छान लागते. तसेच नुसते प्यायलाही मस्तच!!
टीप:
१) कैरीला आंबटपणा कमी असेल तर गूळाचे प्रमाण कमी करावे.
Labels:
Green Mango Soup, Sweet and sour mango soup, Kairiche saar
No comments:
Post a Comment