मश्रुम मटर - Mushroom Matar

Mushroom Matar in English

वाढणी: २ ते ३ जणांसाठी
वेळ: ३० ते ३५ मिनीटे

साहित्य:
१२ ते १५ बटण मश्रुम (मध्यम आकाराचे)
१/२ ते ३/४ कप मटार (मी फ्रोजन वापरले होते)
२ टेस्पून बटर
१ टिस्पून लाल तिखट
१/२ कप कांद्याची पेस्ट
३/४ कप टोमॅटो प्युरी
२ टिस्पून आले-लसूण पेस्ट
अख्खा गरम मसाला - २ वेलची, २ लवंगा, १/२ इंच दालचिनी, ४ मिरी दाणे
१/२ टिस्पून गरम मसाला पावडर
२ ते ३ टेस्पून क्रिम
चवीपुरते मिठ

कृती:
१) कढई गरम करावी त्यात वेलची सोडून बाकिचे अख्खा गरम मसाल्याचे जिन्नस घालून कोरडेच भाजावेत. खलबत्त्यात कुटून बारीक पूड करावी. मश्रुमचे उभे पातळ स्लाईस करावे.
२) कढईत बटर गरम करून त्यात कुटलेली मसाला पूड घालावी. वेलची घालावी. नंतर कांद्याची पेस्ट, आले लसूण पेस्ट आणि लाल तिखट घालावे.
३) कांदा छान परतला गेला कि टोमॅटो प्युरी घालावी. एक उकळी काढून त्यात मटार घालून मध्यम आचेवर ३ ते ४ मिनीटे वाफ काढावी. लागल्यास थोडे पाणी घालावे. मिठ आणि गरम मसाला पावडर घालावी.
४) मटार शिजले कि चिरलेले बटन मश्रुम घालावे. एक-दोन मिनीटं मश्रुम शिजू द्यावे. गॅस बंद करावा आणि क्रिम घालून पटपट ढवळावे.
गरम भाजी पोळीबरोबर सर्व्ह करावी.

मंचुरीयन मश्रुम करी - Mushroom Curry

Mushroom Curry in English

३ जणांसाठी
वेळ: ३० मिनीटे

साहित्य:
मश्रुम करीसाठी:
१२ बटन मश्रुम, उभे मध्यम काप
२ टिस्पून तेल
१ पाती कांदा, बारीक चिरून (थोडा हिरवा भाग सजावटीसाठी)
३ लसूण पाकळ्या, ठेचलेले
२ टिस्पून आलेपेस्ट
१ लहान हिरवी मिरची, उभी चिरून
१ टिस्पून सोया सॉस (मी ching's chilli sauce' वापरला होता)
१/४ टिस्पून विनिगर
दिड कप पाणी किंवा वेजिटेबल स्टॉक
२ टेस्पून कॉर्न स्टार्च किंवा कॉर्न फ्लोर
चवीपुरते मिठ
भातासाठी:
१ कप तांदूळ
१/२ टिस्पून मिठ
२ ऑलस्पाइस बॉल्स

कृती:
१) तांदूळ धुवून घ्यावे आणि १५ मिनीटे निथळत ठेवावे. २ कप पाणी गरम करून त्यात मिठ आणि फ्लेवरसाठी ऑलस्पाइस बॉल्स घालावेत. पाणी उकळले कि त्यात तांदूळ घालून मोकळा भात शिजवून घ्यावा.
२) पॅनमध्ये तेल गरम करून त्यात आले पेस्ट, हिरवी मिरची आणि लसूण घालून परतावे. पाती कांद्याचा पांढरा भाग घालून काही सेकंद परतावे. नंतर सोया सॉस आणि वेजिटेबल स्टॉकमधील १ कप स्टॉक घालून उकळी येऊ द्यावी.
३) वेजिटेबल स्टॉकला उकळी येईस्तोवर एका बोलमध्ये उरलेला १/२ कप स्टॉक आणि कॉर्न स्टार्च घालून मिक्स करावे. वेजिटेबल स्टॉकला उकळी आली कि त्यात हे मिश्रण घालून मध्यम आचेवर गरम होवू द्यावे. जर तुम्हाला हा सॉस घट्ट करायचा असेल तर २ टेस्पून पाण्यात १ टिस्पून कॉर्न स्टार्च घालून हे मिश्रण गरम सॉसमध्ये घालून थोडावेळ उकळी येऊ द्यावी.
४) या करीमध्ये मश्रुम आणि किंचीत मिठ घालावे. विनीगर घालून १ ते २ मिनीटं शिजू द्यावे.
एका बोलमध्ये गरम भात घालावा त्यावर तयार मश्रुम करी घालावी. पातीकांद्याने सजवून सर्व्ह करावे.

Labels:
Mushroom Curry, Indian Chinese Mushroom Curry

मश्रुम मसाला - Mushroom Masala

Mushroom Masala in English

दोन जणांसाठी

Health Tip: Prevent Breast cancer with Mushrooms

साहित्य:
१५० ग्राम बटण मश्रुम
३ मध्यम कांदे, किसून
३ लालबुंद टोमॅटो, बारीक चिरून
६ ते ७ काजू पाकळ्या
४ ते ५ लसूण पाकळ्या, ठेचून
१ टिस्पून किसलेले आले
२ टेस्पून तेल
१ टिस्पून जिरे
१ टेस्पून धणेजिरेपूड
१ टिस्पून गरम मसाला
१/२ टिस्पून हळद
१ टिस्पून लाल तिखट
२ टेस्पून चिरलेली कोथिंबीर
चवीपुरते मिठ

कृती:
१) मश्रुम स्वच्छ धुवून घ्यावेत. जर मश्रुम मोठे असतील तर दोन तुकडे करावेत.
२) तेल गरम करून त्यात जिरे, हळद, लाल तिखट घालून फोडणी करावी. आले-लसूण घालावे. त्यात किसलेले कांदे घालून परतावे. काजू घालावेत. कांदा परतला कि त्यात टोमॅटो घालावे. मध्यम आचेवर तेल सुटेस्तोवर परतावे. मीठ, धणेजिरेपूड आणि गरम मसाला घालून मिक्स करावे.
३) त्यात मश्रुम घालून झाकण ठेवून मध्यम आचेवर वाफ काढावी. साधारण २० ते २५ मिनीटे वाफ काढावी.
मश्रुम शिजल्यावर त्यात कोथिंबीर घालून सजवावे.

टीप:
१) जर एकदम फाईन ग्रेव्ही हवी असेल तर टोमॅटोसुद्धा किसून किंवा मिक्सरमध्ये प्युरी करून घ्यावी. फक्त हि ग्रेव्ही चांगली घट्टसर बनवावी.

Labels:
Mushroom Recipes, Mushroom Masala, Spicy Mushroom curry

मश्रुम कढाई - Mushroom Kadhai

Mushroom Kadhai (English Version)


Serves : 2 to 3 persons


साहित्य:
२०० ग्राम मश्रुम
२ मध्यम कांदे (१ बारीक चिरणे, १ मोठ्या चौकोनी फोडी करणे)
१ लहान भोपळी मिरची
२ मध्यम टोमॅटो
२ चमचे आले लसूण पेस्ट
२ चमचे लाल तिखट
धणे पूड
जिरे पूड
गरम मसाला पावडर
तेल
मीठ
मिरपूड
कोथिंबीर

कृती:
१) १ कांदा बारीक चिरून घ्यावा. ३-४ चमचे तेलावर परतून घ्यावा. कांदा परतला कि त्यात त्यात आलेलसूण पेस्ट घालावी.
२) आले लसणीचा छान गंध सुटला कि त्यात लाल तिखट घालावे. ढवळून बारीक चिरलेला टोमॅटो घालावा. मिडीयम हाय हिटवर टोमॅटो शिजू द्यावा. थोडे पाणी घालून ढवळत राहावे ज्यामुळे मिश्रण एकजीव होईल. मिश्रण खुप पातळ करू नये.
३) टोमॅटो शिजला कि त्यात १ चमचा धणेपूड १ चमचा जिरे पूड, १ चमचा गरम मसाला पावडर, २ चिमटी मिरपूड, चवीपुरते मिठ घालून ढवळावे. १ उकळी काढावी. ३-४ मिनीटांनी गॅस बंद करावा.
४) मश्रुम चिरून घ्यावा. प्रत्येक मश्रुम अधिक चिन्हात चिरून चार चार तुकडे करावे. १ कांद्याच्या आणि भोपळी मिरचीच्या मोठ्या चौकोनी फोडी कराव्यात.
५) मश्रुमचे तुकडे तेल न वापरता फ्राईंग पॅनमध्ये थोडे मिठ घालून १/२ ते १ मिनीट परतून घ्यावेत.
६) दुसर्या कढईत ग्रेव्ही घ्यावी. कांदा भोपळी मिरचीचे मोठे तुकडे ग्रेव्हीत घालावेत. १-२ मिनीटानंतर मश्रुमचे तुकडे, गरज असल्यास मिठ आणि थोडी धणे-जिरेपूड घालावी. वरून कोथिंबीर पेरावी.

Labels:
Mushroom kadhai, Kadai recipe, North Indian Food, Indian Spicy Curry recipe, Mushroom Curry recipe

मशरूम आणि कॉर्न सूप - Mushroom Corn Soup

Mushroom & Corn Soup in English

साहित्य:

१/२ कप मशरूम उभे चिरून

३/४ कप स्विट कॉर्न (boiled & mashed)

१/२ कप कांदा बरीक उभा चिरून

१ हिरवी मिरची

मिरपूड

१ तमालपत्र

१ All Spice सीड (लवंग, दालचिनी आणि जायफळ याचे Combination)

गार्लिक पावडर किंवा १/४ चमचा लसूण पेस्ट
३ टेबलस्पून दूध

१/२ कप पाणी

१/२ चमचा बटर

चवीपुरते मीठ

कृती:

१) मध्यम आचेवर पातेल्यात बटर घालावे. बटर वितळल्यावर त्यात All Spice आणि तमालपत्र घालावे. थोडेसे परतून त्यात कांदा घालावा.

२) कांदा परतल्यावर त्यात मशरूम घालावे. दोन तीन मिनिटे परतून त्यात स्विट कॉर्न घालावे आणि १/२ कप पाणी घालून एक उकळी काढावी. नंतर त्यातील All Spice आणि तमालपत्र काढून टाकावे. नाहितर सूप उग्र होते.
३) मीठ आणि गार्लिक पावडर घालून उकळी काढावी. मंद गॅसवर ढवळत असताना दूध घालावे. १ मिनीटानंतर हिरवी मिरची बारीक चिरून घालावी. सर्व्ह करताना वरून चिमूटभर मिरपूड घालावी.

Labels:
Mushroom Corn Soup, Hot Corn soup recipe