पनीर लॉलीपॉप - Paneer Lollypop

Paneer Lollypop in English

वेळ: ३० मिनिटे
वाढणी: ४ जणांसाठी

साहित्य:
१ कप पनीर, किसलेले
२ मध्यम बटाटे, उकडलेले
दिड टीस्पून आले, किसलेले
१ टीस्पून लसूणपेस्ट
२ टीस्पून लाइट सोय सॉस
१/४ कप कोथिंबीर, बारीक चिरून
१ टेस्पून कॉर्न स्टार्च
१/२ टीस्पून पांढरी मिरपूड
२ ते ३ हिरव्या मिरच्या, बारीक चिरून
१/४ कप कांदा, बारीक चिरून
३ टेस्पून मैदा,
चवीपुरते मीठ
तळण्यासाठी तेल
८ ते १० लाकडी स्टिकस किंवा बेबी कॉर्न्स

कृती:
१) बटाटे सोलून व्यवस्थित कुस्करून घ्यावे. गुठळ्या राहू देऊ नयेत.
२) मैदा सोडून सर्व साहित्य एकत्र करून छान मळून घ्यावे. मध्यम आकाराचे ८ ते ९ गोळे बनवावे.
३) १ गोळा घेऊन तो नीट दाबून घट्ट करावा व त्यात लाकडी स्टिक एका बाजूने घालावी. मुठीने नीट आवळून नीट बांधून घ्यावा, जेणेकरून तेलात सोडल्यावर गोळा सुटणार नाही. अशाप्रकारे सर्व लॉलीपॉप बनवून घ्यावे.
४) तयार लॉलीपॉप कोरड्या मैद्यामध्ये घोळवून घ्यावे. किंचित हलवून जास्तीचा मैदा काढून टाकावा.
५) पुरेसे तेल तापवून आच मध्यम करावी आणि सर्व लॉलीपॉप तळून घ्यावे. तळताना मध्येमध्ये लॉलीपॉप झाऱ्याने फिरवावेत, म्हणजे सगळीकडून नीट तळले जातील.
गरमागरम लॉलीपॉप शेझवान सॉस किंवा टोमाटो केचप बरोबर सर्व्ह करावेत.

टीपा:
१) जे बटाटे शिजल्यावर चिकट होतात असे बटाटे वापरू नयेत.
२) आवडीनुसार हिरव्या मिरचीचे प्रमाण कमी जास्त करावे.
३) आईसक्रीम कॅन्डीला जी लाकडी स्टिक असते ती वापरावी. प्लास्टिक किवा इतर मटेरियल वापरू नये जे तेलात जळू शकेल.

नूडल्स थीन सूप - Vegetable Noodles soup

Vegetable noodles soup in English

३ ते ४ जणांसाठी
वेळ: २० मिनिटे

साहित्य:
२ ते ३ मश्रूम्स
३ टेस्पून गाजर, पातळ काप
३ टेस्पून भोपळी मिरची, पातळ काप
२ टेस्पून कोबी, एकदम बारीक चिरून
२ ते ३ बेबी कॉर्न, १ इंचाचे तुकडे
१ हिरवी मिरची, बारीक चिरून
दीड टीस्पून लसूण पेस्ट
१ टीस्पून तेल
४ कप व्हेजिटेबल स्टॉक
३० ग्राम नूडल्स
१/४ टीस्पून पांढरी मिरपूड
१ टीस्पून व्हिनेगर
१ पाती कांद्याची काडी, बारीक चिरून पांढरा आणि हिरवा भाग वेगवेगळा ठेवावा.
चवीपुरते मीठ

कृती:
१) पुरेसे पाणी उकळवून नूडल्स शिजवून घ्याव्यात. शिजवताना १ टीस्पून मीठ घालावे. नुद्लेस शिजल्यावर गार पाण्यात घालून ठेवाव्यात.
२) कढईत तेल घेऊन लसूण पेस्ट आणि हिरवी मिरची घालावी. नंतर गाजर, भोपळी मिरची, कोबी, बेबी कॉर्न, मश्रुम्स आणि पाती कांद्याचा पांढरा भाग घालून एक दोन मिनिटे परतावे. नंतर व्हेजिटेबल स्टॉक घालून उकळी काढावी.
३) व्हेजिटेबल स्टॉक उकळायला लागला कि त्यात व्हिनेगर आणि चवीपुरते मीठ घालावे. १-२ मिनिटे उकळून नुडल्स घालाव्यात आणि अजून एक-दोन मिनिटे उकळी काढावी. मिरपूड घालून मिक्स करावे.
सर्व्हिंग बोलमध्ये वाढावे आणि पती कांद्याने सजवून सर्व्ह करावे.

टीप:
१) जर व्हेजिटेबल स्टॉक नसेल तर पाणी वापरले तरी चालेल. तसेच जर चिकन स्टॉक वापरायचा असेल तरीही आवडीनुसार वापरू शकतो.

नूडल्स फ्रॅंकी - Noodles Frankie

Noodles Frankie in English

लहान मुलांसाठी हि रेसिपी बनवण्यापुर्वी तळटीप वाचा.

वेळ: ४० मिनीटे
नग: ६ ते ८ मध्यम फ्रॅंकीज

साहित्य:
नूडल्स स्टफिंग
१ मिडीयम नूडल्स केक (५० ते ७० ग्राम)
१ कप कोबी, पातळ उभी चिरून
१/२ कप गाजर, पातळ उभे कापून
१ लहान पाती कांद्याची जुडी
१/२ कप भोपळी मिरची, पातळ उभे काप
१ टिस्पून तेल
१ टिस्पून आले पेस्ट
१ टिस्पून लसूण पेस्ट
२ हिरव्या मिरच्या, बारीक चिरून
१ टिस्पून रेड चिली सॉस
१ टिस्पून ग्रिन चिली सॉस
१/२ टिस्पून सोयासॉस
फ्रॅंकी रॅप्स
३/४ कप मैदा
२ टेस्पून तेल
१/२ टिस्पून मिठ

कृती:
१) ४ कप पाणी उकळण्यास ठेवावे. पाणी उकळले कि नूडल्स शिजवून घ्याव्यात. नूडल्स शिजल्या कि गरम पाण्यातून काढून गार पाण्यात टाकाव्यात.
२) पॅनमध्ये १ टिस्पून तेल गरम करावे. त्यात आलेलसूण पेस्ट आणि हिरवी मिरची घालून ५ सेकंद परतावे. आता भोपळी मिरची, गाजर, कोबी घालून परतावे. लगेच रेड चिली सॉस, ग्रिन चिली सॉस, सोयासॉस आणि मिठ घालून मिक्स करावे. खुप जास्तवेळ परतू नये, नाहीतर भाज्या मऊ होतात. आता नूडल्स घालून मिक्स करावे. हे मिश्रण एका वाडग्यात काढून ठेवावे. गरम पॅनमध्ये नूडल्स तशाच ठेवल्या तर नूडल्स जास्त शिजून चिकट होतात.
३) मैदा, २ टेस्पून तेल, मिठ आणि पाणी घालून एकदम मऊ मळून घ्यावे.
४) मळलेले पिठ ६ समान भागात आणि नूडल्स ६ भागात विभागून घ्यावे. मळलेल्या पिठाची पातळसर पोळी लाटून घ्यावी. तोडे तेल घालून निट भाजून घ्यावी. १ भाग नूडल्स पोळीच्या मधे उभट पसरवावी. नंतर दोन्ही बाजू एकावर एक ठेवून फ्रॅंकी तयार करावी. कालथ्याने थोडे प्रेस करून थोडे गरम होवू द्यावे.
गरम फ्रॅंकी टोमॅटो केचपबरोबर सर्व्ह करावी.

टीप:
वरील रेसिपी लहान मुलांसाठी बनवायची असल्यास रेड चिली सॉस, ग्रिन चिली सॉस आणि हिरवी मिरची घालू नये. त्याऐवजी थोडा टोमॅटो केचप घालावा.

मनचाव सूप - Manchow Soup

Manchow Soup in English

वेळ: २५ मिनीटे
वाढणी: ३ जणांसाठी

साहित्य:
१ टेस्पून तेल
५ मोठ्या लसूण पाकळ्या, एकदम बारीक चिरून
१ इंच आल्याचा तुकडा, सोलून बारीक चिरून
१ ते २ हिरव्या मिरच्या
१ कप भाज्या,एकदम बारीक चिरलेल्या - भोपळी मिरची, गाजर, मश्रुम, पाती कांद्याचा पांढरा भाग
३ कप व्हेजिटेबल स्टॉक - कृतीसाठी इथे क्लिक करा
१ टेस्पून सोया सॉस
१/२ टिस्पून व्हिनेगर
१/२ टेस्पून टोमॅटो केचप
१/२ टेस्पून मॅगी चिली मसाला सॉस
१ टेस्पून कॉर्न स्टार्च किंवा कॉर्न फ्लोअर
२ चिमटी व्हाईट पेपर पावडर
चवीपुरते मिठ
सजावटीसाठी पाती कांद्याचा हिरवा भाग
१/४ कप शेवया (ऐच्छिक)

कृती:
शेवया: चायनीज नुडल्स पाण्यात उकळवून साधारण ८० ते ९० % शिजवून घ्याव्यात. शिजवलेल्या शेवयांपैकी अर्ध्या शेवया तेलात कुरकूरीत होईस्तोवर तळाव्यात.
१) कढईत १ टेस्पून तेल गरम करावे. त्यात बारीक चिरलेले आले आणि लसूण ४ ते ५ सेकंद परतावे. मिरची घालून परतावे. त्यावर चिरलेल्या भाज्या घालून अर्ध्या कच्च्या शिजवाव्यात. मिठ घालावे.
२) भाज्या अर्धवट शिजल्या कि ३ कप वेजिटेबल स्टॉक घालावा. एक उकळी आली कि १ टेस्पून सोया सॉस (light soy sauce), टोमॅटो केचप आणि मॅगी चिली मसाला सॉस घालून उकळवावे. चव पाहावी. लागल्यास मिठ घालावे. व्हाईट पेपर पावडर घालावी.
३) १ टेस्पून कॉर्न स्टार्च १/४ कप पाण्यात मिक्स करून सूपमध्ये घालावे. २-४ मिनीटे उकळी काढून व्हिनेगर घालावे. शेवया वापरणार असाल तर फक्त शिजवलेल्या शेवया घालाव्यात.
सर्व्ह करताना बोलमध्ये आधी सूप घालावे, त्यावर बारीक चिरलेला पाती कांद्याचा हिरवा भाग आणि तळलेल्या शेवया घालाव्यात.

टीप:
१) जर अगदीच व्हेजिटेबल स्टॉक नाही मिळाला किंवा बनवायला वेळ नाही झाला तर साधे पाणीसुद्धा वापरू शकतो.

हक्का नुडल्स - Hakka Noodles

Hakk Noodles in English

वेळ: ३० मिनीटे
वाढणी: २ जणांसाठी

साहित्य:
२ नूडल्स केक्स (५० ग्राम प्रत्येकी)
१ टेस्पून तेल
१/२ टेस्पून सोया सॉस
५ मोठ्या लसूण पाकळ्या
१/२ इंच आलं
१ टेस्पून मसाला चिली सॉस (मी मॅगी मसाला चिली सॉस वापरला होता) (टीप १ व २)
१ टेस्पून टोमॅटो पेस्ट
चवीपुरते मिठ
१/२ टिस्पून व्हिनेगर
भाज्या: भोपळी मिरची, गाजर, कोबी, मश्रुम, पाती कांदा - पातळ उभे चिरून
(भाज्या सममसान घ्याव्या तसेच शिजलेल्या नूडल्सच्या १/३ प्रमाणात असाव्यात)
२ ते ३ टेस्पून पाती कांदा, बारीक चिरून

कृती:
१) जवळजवळ ६ कप पाणी मोठ्या पातेल्यात उकळत ठेवावे. त्यात १-२ चमचे मिठ घालावे. पाणी उकळले कि नूडल्स घालाव्यात आणि शिजू द्याव्यात. नूडल्स ९०% शिजल्या कि लगेच गार पाण्यात घालाव्यात.
२) लसूण+आलं+चिली सॉस+टोमॅटो पेस्ट एकत्र करून बारीक पेस्ट बनवून घ्यावी.
३) कढईत तेल तापवावे. त्यात तयार केलेली पेस्ट घालून परतावे. काही सेकंद परतावे.
४) भाज्या घालून साधारण १० ते १२ सेकंद, मोठ्या आचेवर परतावे. नंतर नूडल्स मधील पाणी काढून त्या घालाव्यात. सोया सॉस घालून निट मिक्स करावे. शेवटी व्हिनेगर घालून मिक्स करावे. लागल्यास थोडे मिठ घालावे. पाती कांदा वरती सजवावा व गरमा गरम सर्व्ह करावे.

टीपा:
१) लहान मुलांसाठी बनवताना चिली सॉस न वापरता साधा टोमॅटो सॉस वापरावा. तसेच आलं लसूणसुद्धा तिखटपणा वाढवते. त्याचे प्रमाण कमी करावे.
२) मसाला चिली सॉस बर्‍यापैकी तिखट असतो. पण अजून तिखटपणा वाढवायचा असल्यास चिमूटभर रेड चिली फ्लेक्स नूडल्सवर पेरावे.

पनीर फिंगर पकोडा - Paneer Finger Pakoda

Paneer Pakoda in English

वेळ: १५ ते २० मिनीटे
नग: १० ते १२ पिसेस

साहित्य:
२०० ग्राम पनीर, बोटाच्या आकाराचे उभे काप
१ टेस्पून कॉर्न फ्लोअर
१ टेस्पून मैदा
चवीपुरते मिठ
१ टिस्पून लाल तिखट
::::मॅरीनेशनसाठी::::
२ टिस्पून चिली सॉस
२ टिस्पून सोयासॉस
तळण्यासाठी तेल

लहान मुलांसाठी बनवताना लाल तिखट अजिबात घालू नये तसेच मॅरीनेशनमध्ये चिली सॉस अगदी कमी घालावा किंवा तो न घालता टोमॅटो केचप घालावा.

कृती:
१) चिली सॉस आणि सोयासॉस एका मध्यम बाऊलमध्ये मिक्स करावे. पनीरचे तुकडे या मिश्रणात ५ मिनीटे मॅरीनेट करून ठेवावे.
२) दुसर्‍या एका भांड्यात कॉर्न फ्लोअर, मैदा, मीठ आणि लाल तिखट मिक्स करावे. पनीरचे मॅरीनेट केलेले तुकडे कॉर्न फ्लोअर-मैद्याच्या मिश्रणात घोळवून घ्यावे. आणि तेल गरम करून त्यात सोनेरी रंगावर तळून घ्यावे.
चिली सॉसबरोबर गरमागरम सर्व्ह करावेत.

Labels:
Paneer Pakoda, Paneer Appetizer

मंचुरीयन मश्रुम करी - Mushroom Curry

Mushroom Curry in English

३ जणांसाठी
वेळ: ३० मिनीटे

साहित्य:
मश्रुम करीसाठी:
१२ बटन मश्रुम, उभे मध्यम काप
२ टिस्पून तेल
१ पाती कांदा, बारीक चिरून (थोडा हिरवा भाग सजावटीसाठी)
३ लसूण पाकळ्या, ठेचलेले
२ टिस्पून आलेपेस्ट
१ लहान हिरवी मिरची, उभी चिरून
१ टिस्पून सोया सॉस (मी ching's chilli sauce' वापरला होता)
१/४ टिस्पून विनिगर
दिड कप पाणी किंवा वेजिटेबल स्टॉक
२ टेस्पून कॉर्न स्टार्च किंवा कॉर्न फ्लोर
चवीपुरते मिठ
भातासाठी:
१ कप तांदूळ
१/२ टिस्पून मिठ
२ ऑलस्पाइस बॉल्स

कृती:
१) तांदूळ धुवून घ्यावे आणि १५ मिनीटे निथळत ठेवावे. २ कप पाणी गरम करून त्यात मिठ आणि फ्लेवरसाठी ऑलस्पाइस बॉल्स घालावेत. पाणी उकळले कि त्यात तांदूळ घालून मोकळा भात शिजवून घ्यावा.
२) पॅनमध्ये तेल गरम करून त्यात आले पेस्ट, हिरवी मिरची आणि लसूण घालून परतावे. पाती कांद्याचा पांढरा भाग घालून काही सेकंद परतावे. नंतर सोया सॉस आणि वेजिटेबल स्टॉकमधील १ कप स्टॉक घालून उकळी येऊ द्यावी.
३) वेजिटेबल स्टॉकला उकळी येईस्तोवर एका बोलमध्ये उरलेला १/२ कप स्टॉक आणि कॉर्न स्टार्च घालून मिक्स करावे. वेजिटेबल स्टॉकला उकळी आली कि त्यात हे मिश्रण घालून मध्यम आचेवर गरम होवू द्यावे. जर तुम्हाला हा सॉस घट्ट करायचा असेल तर २ टेस्पून पाण्यात १ टिस्पून कॉर्न स्टार्च घालून हे मिश्रण गरम सॉसमध्ये घालून थोडावेळ उकळी येऊ द्यावी.
४) या करीमध्ये मश्रुम आणि किंचीत मिठ घालावे. विनीगर घालून १ ते २ मिनीटं शिजू द्यावे.
एका बोलमध्ये गरम भात घालावा त्यावर तयार मश्रुम करी घालावी. पातीकांद्याने सजवून सर्व्ह करावे.

Labels:
Mushroom Curry, Indian Chinese Mushroom Curry

सिंगापूर नूडल्स राईस - Singapore Noodles Rice

Singapore Noodles Rice in English

वाढणी: २ जणांसाठी
वेळ: ३५ मिनीटे

साहित्य:
३/४ कप तांदूळ (बासमती)
५० ग्राम नुडल्स
१/४ कप गाजराचे लहान चौकोनी तुकडे
१/४ कप भोपळी मिरची, लहान चौकोनी तुकडे
१/४ कप वाटाणे
१/४ कप कांदा, उभा पातळ चिरून
१ पाती कांद्याची काडी, बारीक चिरून (हिरवा भाग सजावटीसाठी)
१ इंच आले, किसून
५ ते ६ लसूण पाकळ्या, ठेचून
२ हिरव्या मिरच्या, उभ्या चिरून
१ टिस्पून सोयासॉस
१ टिस्पून व्हिनेगर
१/४ टिस्पून मिरपूड
१ टिस्पून साखर
१ टेस्पून करी पावडर (मी मद्रास करी पावडर वापरली होती)
२ टेस्पून तेल
चवीपुरते मिठ

कृती:
१) तांदूळ धुवून घ्यावा आणि १५ मिनीटे निथळत ठेवावा. पातेल्यात साधारण ४ कप पाणी उकळावे त्यात १ टिस्पून मिठ घालावे. पाणी उकळायला लागले कि धुतलेला तांदूळ त्यात घालून मोठ्या आचेवरच तांदूळ ९० % शिजेस्तोवर उकळू द्यावे. तांदूळ शिजला कि चाळणीत ओतून त्यातील पाणी काढून टाकावे आणि हलकेच गार पाणी सोडावे. भात तसाच चाळणीत निथळत ठेवावा.
२) नूडल्स हाताने थोड्या क्रश करून घ्याव्यात, साधारण १ ते २ इंचाचे तुकडे करावेत. २ ते ३ कप पाणी उकळण्यास ठेवावे. नूडल्स पाकिटावरील सुचना वाचून नुडल्स शिजवाव्यात. शिजलेल्या नुडल्स गाळून घ्याव्यात.
३) पॅनमध्ये १ टेस्पून तेल गरम करावे. त्यात आले, लसूण, हिरव्या मिरच्या आणि कांदा साधारण २० ते ३० सेकंद परतावा. नंतर त्यात गाजर घालून मिनीटभर परतावे. त्यात भोपळी मिरचीचे तुकडे घालून साधारण ३० सेकंद परतावे. लगेच पातीकांदा घालून थोडावेळ परतावे.
४) परतलेल्या भाज्यांमध्ये १ टेस्पून तेल घालून गरम होवू द्यावे. त्यात करी पावडर घालून ढवळावे. निट मिक्स करावे. आता भात, सोयासॉस, मिरपूड, व्हिनेगर, आणि साखर घालून मिक्स करावे. भाताची शिते मोडणार नाहीत याची काळजी घ्यावी. नंतर शिजलेल्या नूडल्सही घालाव्यात. लागल्यास थोडे मिठ घालावे. भाज्या आणि मसाला भाताला सर्व ठिकाणी लागेल अशाप्रकारे मिक्स करावे.
पातीकांद्याने सजवावे आणि गरमागरम सर्व्ह करावे.

Labels:
Singapore fried Rice, Singapore Noodles rice, Asian Rice recipes

पनीर सिक्टी फाईव्ह - Paneer 65

Paneer 65 in English

साधारण २ जणांसाठी
वेळ: ४० मिनीटे

साहित्य:
१ टेस्पून तेल
१ टेस्पून बारीक चिरलेले लसूण
१ टेस्पून बारीक चिरलेले आले
२ हिरव्या मिरच्या
१ टिस्पून लाल तिखट
१ टिस्पून जिरेपूड
१ टेस्पून कोथिंबीर
चिली गार्लिक पेस्ट: ५ सुक्या लाल मिरच्या + ३ मोठ्या लसणीच्या पाकळ्या + १ टेस्पून विनेगर
१ टेस्पून सोयासॉस
चवीपुरते मिठ
१/२ कप भोपळी मिरची, पातळ उभी चिरून
२०० ग्राम पनीर, उभे तुकडे
मॅरीनेशनसाठी: १ टेस्पून कॉर्न फ्लोअर + २ टेस्पून पाणी + २ टिस्पून आलेलसूण पेस्ट
तळण्यासाठी तेल
६ ते ७ कढीपत्ता पाने (तळलेली)
१ टेस्पून पाती कांदा, बारीक चिरून

कृती:
१) लाल मिरच्या विनेगरमध्ये १ तास भिजवून ठेवाव्यात. नंतर विनेगर, भिजवलेल्या मिरच्या आणि ३ लसूण पाकळ्या मिक्सरमध्ये बारीक करावा.
२) पनीर मॅरीनेट करण्यासाठी १ टेस्पून कॉर्न फ्लोअर, २ टेस्पून पाणी, आणि २ टिस्पून आलेलसूण पेस्ट मिक्स करावे. पनीर मॅरीनेट करून डिप फ्राय करून घ्यावे. खुप जास्त ब्राऊन करू नयेत. गुलाबीसर रंग येईस्तोवर तळावेत.
३) एका पॅनमध्ये १ टेस्पून तेल गरम करावे. त्यात चिरलेले आले, लसूण आणि हिरव्या मिरच्या घालाव्यात. आले लसूण ब्राऊन होईस्तोवर परतावे.
४) नंतर लाल तिखट, जिरेपूड आणि कोथिंबीर घालून परतावे. नंतर चिली गार्लिक पेस्ट, सोयासॉस, आणि १ टेस्पून उरलेले मॅरीनेशन घालून ढवळावे. चवीनुसार मिठ घालावे.
५) आता भोपळी मिरची घालून १ मिनीटभर परतावे. नंतर पनीरचे तळलेले तुकडे घालावेत आणि साधारण ३० ते ४० सेकंद परतावे, पनीरचे तुकडे मसाल्यामध्ये चांगले घोळले गेले पाहिजेत. सर्व्हींग प्लेटमध्ये सर्व्ह करून थोडी काळी मिरी घालावी. पाती कांदा आणि तळलेला कढीपत्ता घालून डीश सजवावी.

labels:
Paneer 65, Spicy paneer recipe, Paneer chinese recipe

वेजिटेबल सूप - Vegetable Coriander Soup

Vegetable Coriander Soup in English

वाढणी: प्रत्येकी साधारण १ कप (३ ते ४ जणांसाठी)

साहित्य:
२ टेस्पून किसलेले गाजर
२ टेस्पून कॉलीफ्लॉवर,एकदम बारीक चिरून
२ टेस्पून कोबी, एकदम बारीक चिरून
२ टिस्पून लसूण पेस्ट
२ टिस्पून तेल
३ टेस्पून कोथिंबीर, बारीक चिरून
४ टेस्पून पाती कांदयाची हिरवी पात बारीक चिरून
चवीपुरते मिठ
१/४ टिस्पून मिरपूड
१ टिस्पून विनेगर किंवा लिंबाचा रस
२ टेस्पून कॉर्न स्टार्च
४ कप पाणी
१ टिस्पून सोयासॉस (ऐच्छिक)

कृती:
१) कढईत तेल गरम करावे त्यात लसूण पेस्ट घालून गुलाबी रंग येईस्तोवर परतावी, जास्त ब्राऊन करू नये.
२) त्यात कॉलीफ्लॉवर, गाजर आणि कोबी घालून ३० ते ४० सेकंद मोठ्या आचेवर परतावे. नंतर ४ टेस्पूनपैकी २ टेस्पून कांद्याची पात घालून १० ते १५ सेकंद परतावे. लगेच ४ पैकी साडे तीन कप पाणी घालावे. चवीपुरते मिठ घालावे.
३) सूपला घट्टपणा येण्यासाठी आपण कॉर्न स्टार्च वापरणार आहोत. तेव्हा सूपला उकळी येईस्तोवर उरलेल्या १/२ कप पाण्यात २ टेस्पून कॉर्न स्टार्च निट मिक्स करून ते मिश्रण उकळत्या सूपमध्ये घालावे. घालताना सारखे ढवळावे म्हणजे गुठळ्या होणार नाहीत.
४) सूप १ ते २ मिनीट उकळू द्यावे म्हणजे कॉर्न स्टार्च कच्चा राहणार नाही. त्यानंतर गॅस बंद करून त्यात विनेगर आणि कोथिंबीर घालून ढवळावे. बोलमध्ये सर्व्ह करावे. सर्व्ह करताना वरून थोडी मिरपूड आणि पाती कांदा घालावा. तसेच १/४ टिस्पून सोयासॉसही घालू शकतो.

टीप:
१) या सूपमध्ये विनेगर जास्त चांगले लागते पण विनेगरचा वास आवडत नसेल तर लिंबाचा रसही वापरू शकतो.
२) सूपचा घट्टपणा अडजस्ट करण्यासाठी गरजेनुसार पाण्याचे प्रमाण कमीजास्त करावे.

Labels:
Coriander Soup, Vegetable Soup

पाइनॅपल फ्राईड राईस - Pineapple Fried Rice

Pineapple Fried Rice in English

वाढणी: २ ते ३ जणांसाठी

साहित्य:
३/४ कप बासमती तांदूळ
१/२ टिस्पून + १ टेस्पून तेल
१ टेस्पून किसलेले आले
१-२ हिरव्या मिरच्या
३ पाती कांदा बारीक चिरून (चिरलेल्यातील थोडा पातीकांदा गार्निशींगसाठी ठेवावा)
१/२ कप अननसाचे बारीक तुकडे
१ टिस्पून सोयासॉस
१/२ वेजिटेबल स्टॉकची क्युब (ऑप्शनल) वेजिटेबल स्टॉक बनवण्यासाठी

हा भात चायनिज स्टर फ्राईड वेजिटेबल्स बरोबर छान लागतो.

कृती:
१) बासमती तांदूळ धुवून घ्यावा. एका पातेल्यात तांदूळाच्या दुप्पट ते सव्वा दोनपट पाणी गरम करत ठेवावे. त्यात उपलब्ध असल्यास वेजिटेबल स्टॉकची १/२ क्युब घालावी. ती विरघळली कि तांदूळ घालावे. थोडे मिठ आणि १/२ टिस्पून तेल घालावे. भात मोकळा शिजवावा.
२) शिजवलेला भात एका ताटात काढून थंड होवू द्यावा. आणि भाताच्या ताटावर दुसरे ताट ठेवून हा भात थोडा वेळ (२० मिनीटे) फ्रिजमध्ये ठेवावा. म्हणजे भाताला चिकटपणा येणार नाही आणि अजून मोकळा होईल.
३) नंतर कढईत १ टेस्पून तेल गरम करून त्यात १/२ टेस्पून किसलेले आले घालावे, उभ्या चिरलेल्या मिरच्या घालाव्यात. पाती कांदा घालून अगदी १० सेकंद परतावे. सोयासॉस घालून लगेच भात घालावा. १-२ मिनीटे परतावे. गरजेनुसार मिठ घालावे.
४) गॅस मंद करून त्यात अननसाचे तुकडे घालून मिनीटभर परतावे. उरलेले आले घालून मिक्स करावे.
हा भात गरम गरम सर्व्ह करावा. सर्व्ह करताना गार्निशींगसाठी वरून थोडा चिरलेला पाती कांदा घालावा.

Labels:
Pineapple fried Rice, Fried Rice recipe

शेजवान पोटॅटो - Schezwan Potato

Schezwan Potato in English

वाढणी: ४ जणांसाठी

साहित्य:
३ मध्यम बटाटे (Know more - Is Potato bad for health?)
२ टिस्पून तिळ
२ टेस्पून शेंगदाणे
१/२ टिस्पून जिरे
१/२ टिस्पून विनेगर
१/४ टिस्पून सोयासॉस
१ टेस्पून शेजवान सॉस किंवा २ टेस्पून Ching's Secret Schezwan sauce (रेडीमेड)
४ टेस्पून तेल
१/२ टिस्पून लाल तिखट
२ लाल मिरच्या
मिठ चवीनुसार
१ टेस्पून कांद्याची हिरवी पात सजावटीसाठी

कृती:
१) बटाटे शिजवून सोलून घ्यावेत. प्रत्येक बटाट्याचे मोठे तुकडे करून घ्यावेत (प्रत्येकाचे ६ ते ८ तुकडे). नॉनस्टिक पॅनमध्ये तेल गरम करावे, त्यात बटाट्याचे तुकडे घालून परतावे. बटाटे चांगले ब्राऊन रंगावर शालो फ्राय करून घ्यावेत, करपू देवू नयेत. बटाटे शालो फ्राय करून झाले कि पेपर टॉवेलवर काढून ठेवावेत. गरम असतानाच यावर मिठ आणि लाल तिखट (टीप १) भुरभूरवावे आणि हलक्या हातांनी मिक्स करावे.
२) मध्य्म आचेवर उरलेल्या तेलात शेंगदाणे घालून तळून घ्यावेत. शेंगदाणे पेपर टॉवेलवर काढून ठेवावेत आणि त्याच तेलात जिरे आणि तिळ घालावेत. तिळ थोडे गुलाबी रंगाचे झाले कि लगेच लाल मिरच्या (टीप १) आणि फ्राय केलेले बटाटे घालावेत आणि मिक्स करावे. वरून शेजवान सॉस, सोयासॉस आणि विनेगर घालून मिक्स करावे. गॅस बंद करावा. सजावटीसाठी १ टेस्पून कांद्याची हिरवी पात बारीक चिरून घालावी.

टीप:
१) जर घरगुती शेजवान सॉस (दिलेल्या कृतीनुसार) वापरणार असाल तर लाल तिखट किंवा लाल मिरच्या वापरू नयेत कारण घरगुती सॉस व्यवस्थित तिखट असल्याने अजून तिखटपणा वाढवावा लागणार नाही.

शेजवान सॉस










Labels:
Schezwan Potato, Shezwan Sauce Potato

ड्राय गोभी मंचुरियन - Dry Gobhi Manchurian

Gobhi Manchurian in English

वाढणी: २ जणांसाठी

साहित्य:
दिड कप कॉलिफ्लॉवर (छोटे फ्लोरेट्स)
१/२ टिस्पून मिठ
२ चिमूट हळद
::::तळताना आवरणासाठी::::
१/४ ते १/२ कप कॉर्न स्टार्च
१ टेस्पून मैदा (ऐच्छिक)
१/२ टिस्पून लाल तिखट
१/४ टिस्पून मिरपूड
मिठ चवीनुसार
तळण्यासाठी तेल
:::सॉससाठी:::
१ टेस्पून तेल,
१ टेस्पून आलेपेस्ट, १ टेस्पून लसूणपेस्ट
२ टेस्पून सोयासॉस
१/२ टिस्पून साखर
१/२ कप कांदा, एकदम बारीक चिरून
२ हिरव्या मिरच्या, बारीक चिरून
१/२ टिस्पून चिली फ्लेक्स
१ टेस्पून विनेगर
१ टिस्पून कॉर्न स्टार्च
साधारण १/२ कप किंवा गरजेनुसार पाणी
चवीनुसार मिठ
गार्निशिंगसाठी: २ टेस्पून पातीकांदा बारीक चिरून, १/४ कप कोबी पातळ चिरून (ऑप्शनल)

कृती:
१) आधी सॉस बनवून घ्यावा. त्यासाठी मोठ्या आचेवर नॉनस्टिक पॅन गरम करावा, तेल गरम करावे. आलेलसूण पेस्ट परतून घ्यावी. मिरच्या घालाव्यात. नंतर साखर आणि सोयासॉस घालून काही सेकंद परतावे.
२) लगेच कांदा घालावा. कांदा निट शिजू द्यावा. कांदा निट परतला गेला कि १ टिस्पून कॉर्न स्टार्च, १/४ कप पाण्यात मिक्स करून हे मिश्रण परतलेल्या कांद्यात घालावे. चिली फ्लेक्स, विनेगर आणि मिठ घालावे. गरजेनुसार पाणी वाढवून साधारण १-२ मिनीटे कॉर्न स्टार्च शिजू द्यावा. हा सॉस दाटसरच असतो त्यामुळे बेताचेच पाणी वाढवावे.
३) आता कॉलिफ्लॉवरचे मंचुरीयन नगेट्स बनवावेत. एका मध्यम पातेल्यात पाणी गरम करावे त्यात थोडे मिठ आणि किंचीत हळद घालून उकळू द्यावे. उकळत्या पाण्यात कॉलिफ्लॉवरचे छोटे फ्लोरेट्स घालावेत आणि अगदी अर्धवट शिजवून घ्यावेत (साधारण ३ मिनीटे). शिजवताना झाकण ठेवू नये.
४) हे उकळवलेले फ्लोरेट्स पेपर टॉवेलवर थोडावेळ काढून ठेवावेत. तोवर तळणाची तयारी करावी. कॉर्न स्टार्च व मैदा एकत्र करून त्यात पाणी घालून मध्यम दाटसर पिठ भिजवून घ्यावे. लाल तिखट, मिरपूड आणि चवीपुरते मिठ घालून मिक्स करावे.
५) तेल तापत ठेवावे. तेल तापले कि आच मध्यम करावी. कॉलिफ्लॉवरचे फ्लोरेट्स भिजवलेल्या पिठात बुडवून लाईट ब्राऊन रंगावर तळून घ्यावेत.
६) या तळलेल्या फ्लोरेट्सवर थोडे लाल तिखट भुरभुरावे. तयार केलेला सॉस गरम करून त्यात पातीकांदा व कोबी घालून मिक्स करावे. त्यात तळलेले फ्लोरेट्स घोळवून गरमागरम सर्व्ह करावेत.

Labels:
Gobhi Manchurian, Dry Gobhi Manchurian, Cauliflower Manchurian

शेजवान सॉस - Schezwan Sauce

Schezwan Sauce in English

वाढणी : साधारण अर्धा कप

हा शेजवान सॉस चायनिज स्टर फ्राईड वेजिटेबल्स बरोबर सर्व्ह करावा तसेच इतर चायनिज पदार्थातही याचा वापर करता येतो.


साहित्य:
१ टिस्पून लसूण पेस्ट
२ टिस्पून चिरलेले लसूण
२ टेस्पून पाती कांदा
१ टेस्पून पाती कांद्याची पाती
१ टेस्पून चिरलेली कोथिंबीर
१ टेस्पून चुरडलेल्या लाल मिरच्या
दिड टेस्पून लाल तिखट
१/३ कप टोमॅटो प्युरी
१ टेस्पून सोया सॉस
दिड टेस्पून व्हिनेगर
२ टेस्पून तेल
१ टिस्पून कॉर्न फ्लोअर
१/४ टिस्पून साखर
१/४ टिस्पून मिरपूड
चवीनुसार मिठ

शेजवान सॉस याही पद्धतीने करता येईल - Schezwan Sauce

कृती:
१) कढईत तेल गरम करावे. त्यात लसूण फोडणीस घालावे, थोडा रंग बदलला पाती कांदा, कोथिंबीर आणि चुरडलेल्या लाल मिरचीची पूड घालून मिक्स करावे. १ ते २ मिनीटे परतावे.
२) नंतर लाल तिखट, टोमॅटो प्युरी, सोया सॉस, व्हिनेगर घालून निट मिक्स करावे. साखर, मिरपूड आणि मिठ घालावे. सर्व एकत्र ढवळून घ्यावे.
३) १ टिस्पून कॉर्न फ्लोअरमध्ये २ टेस्पून पाणी घालावे आणि मिक्स करावे. हे मिश्रण सॉसमध्ये घालावे व ढवळून मध्यम आचेवर १-२ मिनीटे उकळू द्यावे.
सॉस दाटसर झाला कि गॅसवरून उतरवावा. वरून चिरलेल्या पाती घालून मिक्स करावे.

टीप:
१) हा सॉस खुप तिखट असतो त्यामुळे वापरताना गरजेपुरताच वापरावा किंवा लाल तिखटाचे प्रमाण कमी करावे.
२) उरलेला शेजवान सॉस लहान डब्यात भरून फ्रिजमध्ये ६-७ दिवस सहज टिकतो.

Labels:
Schezwan Sauce, szechwan, Sichuan sauce, Chinese Food

चायनिज स्टर फ्राय वेजिटेबल विथ राईस - Chinese Stir fried vegetables with Rice

Chinese Stir Fried Vegetable with white Rice (English Version)

वाढणी : २ जण



साहित्य:
::::भातासाठी::::
पाउण कप बासमती तांदूळ
दिड ते दोन कप पाणी
चवीपुरते मिठ
१ चमचा तेल
::::भाजीसाठी::::
दिड ते पाऊणेदोन कप भाज्या (गाजर, कांदा, भोपळी मिरच्या, बेबी कॉर्न, फ्लॉवर इत्यादी)
मी घेतलेले प्रमाण:
१/२ कप भोपळी मिरची, उभी पातळ चिरून
१/४ कप बेबी कॉर्न (१/२ इंच तुकडे)
१/४ कप फ्लॉवर (लहान तुरे)
१/४ कप गाजर, उभे पातळ चिरून (१ इंच)
६ ते ७ बटाट्याच्या पातळ चकत्या
१/४ कप कांदा उभा पातळ चिरलेला
--
दिड टेस्पून सोयासॉस
१ टेस्पून कॉर्न स्टार्च/कॉर्न फ्लोअर
२ टिस्पून व्हिनेगर
१ टिस्पून चिली सॉस
१ टिस्पून आले पेस्ट
१/२ टिस्पून लसूण पेस्ट
२ सुक्या लाल मिरच्या
१ टेस्पून तेल
साखर, मिठ आणि मिरपूड चवीनुसार

कृती:
१) तांदूळ धुवून घ्यावेत. अर्धा तास निथळत ठेवावे. पातेल्यात पाणी आणि धुतलेले तांदूळ घ्यावे. त्यात तेल आणि थोडे मिठ घालावे. मध्यम आचेवर तांदूळ शिजू द्यावेत. वरून शक्यतो झाकण ठेवू नये त्यामुळे भात चिकट होवू शकतो.
२) प्रथम चिरलेल्या भाज्यांपैकी बेबी कॉर्न, गाजर, फ्लॉवर, बटाट्याच्या पातळ चकत्या अर्धवट शिजवून घ्याव्यात, त्यासाठी २ कप पाणी गरम करत ठेवावे त्यात या भाज्या शिजवून उरलेले १/२ कप पाणी नंतर वापरण्यासाठी ठेवून द्यावे.
३) कढईत तेल गरम करावे. त्यात आलेलसूण पेस्ट परतावी. लाल मिरच्या तोडून घालाव्यात. कांदा घालून अगदी थोडे परतावे. कांदा पूर्ण शिजू देवू नये.
४) नंतर भोपळी मिरची घालून परतावे. अर्ध्या शिजवलेल्या भाज्या घालाव्यात. निट मिक्स करून त्यात सोयासॉस, व्हिनेगर, आणि चिली सॉस घालून ढवळावे.
५) भाज्यांचे उरलेले पाणी घ्यावे व त्यात कॉर्न फ्लोअर मिक्स करावे. हे मिश्रण भाज्यांमध्ये घालावे. यामुळे भाजीला थोडी घट्टसर ग्रेव्ही तयार होईल. नंतर आवडीनुसार मिठ, साखर आणि मिरपूड घालावी.

हि भाजी तयार भाताबरोबर सर्व्ह करावी. भाजीबरोबर शेजवान सॉसही सर्व्ह करावा.

टीप:
१) भाजीत आवडत असल्यास टोफूही वापरू शकतो

Labels:
stir fry vegetables, Chinese stir fry vegetables, stir fried vegetables

कॅबेज सलाड - Cabbage Salad

Cabbage Apple Salad (English Version)

साहित्य:
दिड कप पातळ चिरलेली कोबी
१/२ कप लाल सफरचंदाच्या फोडी
१/४ कप बारीक चिरलेला पाती कांदा
१/२ टिस्पून किसलेले आले
२ टेस्पून भाजलेले शेंगदाणे
१/२ टिस्पून सोया सॉस
१/२ टिस्पून व्हिनेगर
१ टेस्पून साखर
१ टेस्पून बारीक चिरलेली कोथिंबीर
१ टिस्पून किंचीत भाजलेले तिळ
१/४ टिस्पून सुक्या लाल मिरचीचा चुरा (ऑप्शनल)


कृती:
१) सफरचंद आधी कापून ठेवू नये. सर्वात आधी पुढीलप्रमाणे मिश्रण करून घ्यावे : १/२ टिस्पून सोया सॉस, १/२ टिस्पून व्हिनेगर, १ टेस्पून साखर, १/२ टिस्पून किसलेले आले सर्व एकत्र करून साखर विरघळेस्तोवर मिक्स करावे.
२) भाजलेल्या शेंगदाण्याची साले काढून टाकावीत. त्याची अगदी पावडर करून नये, फक्त थोडे कुटून घ्यावे.
३) एका भांड्यात पातळ कापलेली कोबी घ्यावी. सफरचंदाचे तुकडे करावेत. सफरचंदाच्या फोडींमध्ये वरील मिश्रण मिक्स करावे, आणि कोबीमध्ये मिक्स करावे.
४) वरून भाजलेले तिळ, कोथिंबीर, कुटलेले शेंगदाणे, पाती कांदा आणि लाल मिरच्यांचा चुरा घालून सलाड सजवावे.

टीप:
१) सलाडसाठी कोवळी कोबी घ्यावी तसेच आतून करकरीत असलेले लालबुंद सफरचंद घ्यावे.
२) यामध्ये मिठ घालायची गरज नसते पण जर गरज असल्यास चिमूटभर मिठ घालावे.
३) हे सलाड आयत्यावेळी बनवावे, कारण सफरचंद आधीच कापून ठेवले तर ते काळे पडेल. म्हणून क्रमांक १ मध्ये दाखवलेले मिश्रण आधीच बनवून फ्रिजमध्ये ठेवून द्यावे.

Labels:
Cabbage salad, Apple salad, Salad Recipe, healthy salad recipe

चिली पनीर - Chilli Paneer

Paneer Chili (English Version)


साहित्य:
१५० ग्राम पनीर
६-७ सुक्या लाल मिरच्या
पनीर तळण्यासाठी तेल
१ टेस्पून आले पेस्ट
१ टेस्पून लसूण पेस्ट
१ टेस्पून टोमॅटो पेस्ट
१/२ कप बारीक उभा चिरलेला कांदा
१/४ कप उभी चिरलेली भोपळी मिरची
१/४ कप बारीक चिरलेला पाती कांदा
२ टेस्पून कॉर्न स्टार्च किंवा कॉर्न फ्लोअर (टीप २)
२ टीस्पून सोया सॉस
१ टिस्पून व्हिनेगर
मिठ
१/२ टिस्पून साखर
१/२ टिस्पून मिरपूड


कृती:
::::चिली सॉस::::
१) सुक्या लाल मिरच्या तोडून घ्याव्यात. लहान पातेल्यात पाउण कप पाणी गरम करावे, त्यात तोडलेल्या मिरच्या घालाव्यात. २ मिनीटे उकळावे. गॅस बंद करून पातेल्यावर झाकण ठेवून द्यावे. मिरच्या नरम झाल्या कि त्यातील पाणी एका वाटीत काढून ठेवावे. मिरच्यांची मिक्सरवर पेस्ट करून घ्यावी. टोमॅटो पेस्ट आणि मिरच्यांची पेस्ट एकत्र करावी. १ टेस्पून तेलावर हि पेस्ट १ मिनीटभर परतून घ्यावी. नंतर दुसर्‍या भांड्यात काढून ठेवावी.

::::पनीर::::
१) पनीरचे १ इंचाचे चौकोनी तुकडे करून घ्यावे. एका वाडग्यात मिठ, १/२ टिस्पून मिरपूड आणि केलेल्या आलेलसणीच्या पेस्टपैकी एकेक चिमटी पेस्ट घालून असे मिश्रण करून घ्यावे. हे मिश्रण पनीरच्या तुकड्यांना हलक्या हाताने लावावे.
२) कॉर्न फ्लोअर एका बोलमध्ये घेऊन त्यात ४-५ चमचे पाणी घेऊन मध्यमसर पेस्ट बनवून घ्यावी. एकीकडे तळण्यासाठी तेल गरम करावे. जरा छोटी कढई वापरावी म्हणजे तेल कमी वापरले जाईल. पनीरचे मिठ, मिरपूड आणि आलेलसूण लावलेले तुकडे कॉर्न फ्लोअरच्या पेस्टमध्ये बुडवून सोनेरी रंग येईस्तोवर तळून काढावे. पेपर टॉवेलवर काढून ठेवावे.
३) उरलेल्या कॉर्न फ्लोअरच्या पेस्टमधील १ चमचा पेस्ट आणि मिरच्यांचे १/२ कप पाणी एकत्र करावे.

::::चिली पनीर::::
१) पनीरचे तळलेले तुकडे, आणि परतलेली मिरची-टोमॅटो पेस्ट तयार ठेवावी. नॉनस्टीक फ्राईंग पॅनमध्ये २-३ टिस्पून तेल तापवावे. आलेलसूण पेस्ट परतावी, कांदा परतावा. कांदा पूर्ण परतू नये. नंतर भोपळी मिरची परतावी. तयार केलेला चिली सॉस घालून परतावे. व्हिनेगर आणि सोया सॉस घालावा. मिरच्यांचे पाणी आणि कॉर्न फ्लोअरची पेस्ट एकत्र केलेले मिश्रण घालावे. १/२ टिस्पून साखर घालावी. मिश्रण जरा आटू द्यावे, आटले कि तळलेले पनीर घालावे. निट मिक्स करावे. बारीक केलेला पाती कांदा वरून भुरभुरावा. गरम गरम सर्व्ह करावे.

टीप:
१) पनीरला कॉर्न फ्लोअरचे कोटिंग करताना पेस्ट खूप दाट असू नये. पातळसरच असावे.
२) पनीर चिली बनवताना कॉर्न फ्लोअर किंवा कॉर्न स्टार्च यापैकी आपण काहीही वापरू शकता.

Labels:
paneer chili, paneer recipe, Chili paneer, chilli paneer, Starters recipe

स्प्रिंग रोल डिपींग सॉस - Spring Roll Dipping Sauce

Spring Roll Dipping Sauce (English Version)


वाढणी: साधारण एक वाटी

साहित्य:
३ चमचे तेल
४ लसणीच्या पाकळ्या
१ लहान चमचा साखर
थोडे पाणी वाटण बनवण्यासाठी
१ लहान चमचा व्हिनेगर
१ चमचा सोयासॉस
१/२ कप टोमॅटो पेस्ट
१/४ कप बारीक चिरलेला कांदा
१/४ कप बारीक चिरलेला पाती कांदा
१ लहान चमचा आले पेस्ट
४-५ लाल सुक्या मिरच्या
चवीपुरते मिठ
फ्रेश मिरपूड
गरजेनुसार लाल तिखट
स्प्रिंग रोलची कृती

कृती:
१) टोमॅटो पेस्ट, लाल मिरच्या, चिरलेल्यातील अर्धा कांदा, आले पेस्ट, लसणीच्या पाकळ्या हे सर्व साहित्य एकत्र करावे. शक्यतो कॅनमधील टोमॅटो पेस्ट किंवा बाजारातील रेडीमेड पेस्ट वापरावी. घरगुती बनवलेल्या पेस्टमुळे डिपींग सॉसला हवा तसा रंग आणि चव येत नाही. हे सर्व साहित्य मिक्सरमध्ये थोडे पाणी घालून बारीक करून घ्यावे. मिश्रण घट्टसरच हवे आहे त्यामुळे अगदी बेताचे पाणी घालावे.
२) कढईत तेल तापवावे, बाकी राहिलेला कांदा आणि पाती कांदा घालावा. आपण हा कांदा शिजवणार नाही आहोत ज्यामुळे सॉसमध्ये कांद्याचा आवश्यक असा करकरीतपणा राहील.
३) लगेच सोयासॉस घाला. त्यावर साखर घालावी. ३-४ सेकंद परतून लगेच तयार लाल पेस्ट घालावी. या पेस्टला तेल सुटेपर्यंत परतावे (साधारण १ ते २ मिनीटे).
४) पेस्टला तेल सुटले कि त्यात व्हिनेगर घालावे आणि गॅस बंद करावा.
५) सॉसची चव बघावी. हा सॉस चांगला झणझणीत आणि तिखट असावा. आवश्यकतेनुसार मिठ, व्हिनेगर आणि लाल तिखट घालावे. थोडी मिरपूड घालावी आणि मिक्स करावे.

Labels:
Spring roll dipping sauce, recipe for dipping sauce, Asian dipping sauce, hot dipping sauce recipe, hot and spicy sauce, homemade dipping sauce

स्प्रिंग रोल - Spring Roll

Spring Roll (English Version)



वाढणी : १२ स्प्रिंग रोल

साहित्य:
कव्हरसाठी:
१/२ कप मैदा
१/२ कप तांदूळ पिठ
१/२ कप कॉंर्न स्टार्च
चवीपुरते मीठ
३ चमचे तेल
सारणासाठी:
१ कप बारीक उभी चिरलेली कोबी
१/२ कप बारीक उभी चिरलेली भोपळी मिरची
२ गाजर किसून
२-३ चमचे पातळ गोल चिरलेली फरसबी
१/२ कप बारीक उभा चिरलेला कांदा
२ पाती कांदा बारीक चिरून
(पाती १ इंच बारीक उभ्या चिराव्यात)
१ ते दिड चमचा सोया सॉस
१/४ चमचे मिरपूड
चवीनुसार मीठ
१/२ चमचे तेल
स्प्रिंग रोल डिपींग सॉसची कृती

कृती:
१) तांदूळपिठ, मैदा, कॉंर्न स्टार्च एकत्र करून त्यात ३-४ चमचे तेल कडकडीत तापवून मोहन घालावे. चवीपुरते मिठ घालावे. पाणी घालून घट्ट मळून घ्यावे. सारण तयार होईस्तोवर झाकून ठेवावे.
२) नॉनस्टीक फ्राईंग पॅनला १/२ चमचा तेल लावून घ्यावे. मोठ्या आचेवर कांदा अगदी २०-२५ सेकंद परतून घ्यावा. कांदा बाजूला काढावा.
३) भोपळी मिरची, कोबी एकत्र करून अर्धकच्च्या परतून घ्याव्यात. परतताना मिठ, सोया सॉस आणि मिरपूड घालावी. भोपळी मिरची व कोबी बाजूला काढून फरसबी, गाजर अर्ध कच्चे परतून घ्यावे. पाती कांदा १०-१५ सेकंद परतून घ्यावा. या सर्व परतलेल्या भाज्या एकत्र मिक्स कराव्यात.
४) भिजवलेल्या पिठाचे लहान गोळे करून पातळसर पोळी लाटून घ्यावी. शक्यतो चौकोनी आकारात लाटावी. जर तसे न जमल्यास मोठा गोल लाटून सुरीने कडा कापून चौकोनी करावा.
५) फोटो क्र. २ मध्ये दाखवल्याप्रमाणे १-२ चमचे तयार केलेली भाजी आवरणावर ठेवावी.



६) फोटो क्र. ३-४ मध्ये दाखवल्याप्रमाणे मुडपावे आणि पुढे गुंडाळून रोल करावा.



पाण्याचे बोट लावून शेवटचे टोक चिकटवावे. आणि मध्यम आचेवर तेलात तळून काढावे. मोठ्या आचेवर तळले तर कव्हर आतल्या बाजूने कच्चे राहू शकते.

Labels:
Spring Roll, Spring Roll recipe, vegetable spring roll, Chinese spring roll, recipe for vegetable spring roll, spring roll wrappers, spring rolls recipe

हॉट ऍन्ड सॉर सूप - Hot and sour soup

Hot And Sour Soup

साहित्य:
४ मोठे कप वेजिटेबल स्टॉक
४-५ फरसबी बारीक चिरून
अर्धी वाटी गाजर किसून
अर्धी वाटी कोबी अगदी पातळ चिरून
३-४ मश्रूम पातळ चिरून
एक लहान हिरवी भोपळी मिरची पातळ चिरून
अर्धी वाटी चिरलेला कांदा
२-३ काड्या पाती कांदा बारीक चिरून
३-४ अगदी बारीक चिरलेल्या लसूण पाकळ्या
१ चमचा बारीक चिरलेले आले
२ चमचे व्हिनेगर
२ चमचे सोया सॉस
१ चमचा कॉर्न स्टार्च/ कॉर्न फ्लोअर
२ हिरव्या मिरच्या
चवीपुरते मिठ
१/२ चमचा साखर
२ चमचे तेल
१ वाट्या जाड चपट्या शेवया

कृती:
१) पातेल्यात पाणी गरम करत ठेवावे, १ लहान चमचा मिठ घालावे. त्यात शेवया घालून पास्ताला शिजवतो तशा शिजवाव्यात. गाळून गार करत ठेवाव्यात. त्यातील पाणी निघून गेले कि २०-२५ मिनीटांनी शेवया तेलात गोल्डन ब्राउन तळून घ्याव्यात.
२) लोखंडी कढईत २ चमचे तेल गरम करावे. त्यात लसूण, आले, मिरच्या घालून परतून घ्यावे. नंतर कांदा घालून परतावे.
३) त्यात गाजर, फरसबी, कोबी घालून १-२ मिनीटे परतून घ्यावे. शेवटी मश्रूम आणि भोपळी मिरची घालून अर्धा मिनीट परतावे.
४) सोया सॉस घालून १०-१५ सेकंदांनी वेजिटेबल स्टॉक घालावा. साखर आणि मिठ घालावे. उकळी येईस्तोवर बाजूला एक वाटी पाण्यात १ चमचा कॉर्न फ्लोअर मिक्स करून घ्यावे.
५) वेजिटेबल स्टॉकला उकळी आल्यावर मध्यम आचेवर कॉर्न फ्लोअरचे पाणी हळूहळू त्यात ओतावे. सूपला हवा तेवढा घट्टपणा आल्यावर त्यात व्हिनेगर घालून ढवळावे.
६) सर्व्ह करताना किंवा खाताना गरमगरम सूप Bowl मध्ये घ्यावे त्यावर तळलेल्या शेवया घालाव्यात. गरम गरम खावे.

टीप:
१) भाज्या परतताना शक्यतो पसरट कढई घ्यावी.
२) भाज्या परतताना कढई भरपूर तापलेली असतानाच भाज्या अर्ध्या कच्च्या राहतील अशा परताव्यात.

चकली