पनीर लॉलीपॉप - Paneer Lollypop

Paneer Lollypop in English

वेळ: ३० मिनिटे
वाढणी: ४ जणांसाठी

साहित्य:
१ कप पनीर, किसलेले
२ मध्यम बटाटे, उकडलेले
दिड टीस्पून आले, किसलेले
१ टीस्पून लसूणपेस्ट
२ टीस्पून लाइट सोय सॉस
१/४ कप कोथिंबीर, बारीक चिरून
१ टेस्पून कॉर्न स्टार्च
१/२ टीस्पून पांढरी मिरपूड
२ ते ३ हिरव्या मिरच्या, बारीक चिरून
१/४ कप कांदा, बारीक चिरून
३ टेस्पून मैदा,
चवीपुरते मीठ
तळण्यासाठी तेल
८ ते १० लाकडी स्टिकस किंवा बेबी कॉर्न्स

कृती:
१) बटाटे सोलून व्यवस्थित कुस्करून घ्यावे. गुठळ्या राहू देऊ नयेत.
२) मैदा सोडून सर्व साहित्य एकत्र करून छान मळून घ्यावे. मध्यम आकाराचे ८ ते ९ गोळे बनवावे.
३) १ गोळा घेऊन तो नीट दाबून घट्ट करावा व त्यात लाकडी स्टिक एका बाजूने घालावी. मुठीने नीट आवळून नीट बांधून घ्यावा, जेणेकरून तेलात सोडल्यावर गोळा सुटणार नाही. अशाप्रकारे सर्व लॉलीपॉप बनवून घ्यावे.
४) तयार लॉलीपॉप कोरड्या मैद्यामध्ये घोळवून घ्यावे. किंचित हलवून जास्तीचा मैदा काढून टाकावा.
५) पुरेसे तेल तापवून आच मध्यम करावी आणि सर्व लॉलीपॉप तळून घ्यावे. तळताना मध्येमध्ये लॉलीपॉप झाऱ्याने फिरवावेत, म्हणजे सगळीकडून नीट तळले जातील.
गरमागरम लॉलीपॉप शेझवान सॉस किंवा टोमाटो केचप बरोबर सर्व्ह करावेत.

टीपा:
१) जे बटाटे शिजल्यावर चिकट होतात असे बटाटे वापरू नयेत.
२) आवडीनुसार हिरव्या मिरचीचे प्रमाण कमी जास्त करावे.
३) आईसक्रीम कॅन्डीला जी लाकडी स्टिक असते ती वापरावी. प्लास्टिक किवा इतर मटेरियल वापरू नये जे तेलात जळू शकेल.

मलाई कोफ्ता - Malai Kofta

Malai Kofta in English

वेळ: साधारण दीड तास
३ जणांसाठी

साहित्य:
कोफ्ता आवरणासाठी:
३ मध्यम बटाटे
२ टेस्पून कॉर्न फ्लोर
चवीपुरते मीठ (१/४ चमचा)
तळणीसाठी तेल
सारणासाठी:
१/२ कप किसलेले पनीर
२ चिमटी मीठ
१/२ टीस्पून साखर
१ हिरवी मिरची, बारीक चिरून
२५ बेदाणे
२ टीस्पून बारीक चिरलेली कोथिंबीर
ग्रेव्हीसाठी:
१ मोठा पांढरा कांदा, मधोमध अर्धा चिरून सोलून घ्यावा
२ टीस्पून बटर
२ हिरव्या मिरच्या
३ मोठ्या लसणीच्या पाकळ्यांची पेस्ट
१/२ टीस्पून आलेपेस्ट
अख्खा गरम मसाला:- २ तमालपत्र, २-३ लवंग, ३ मिरी दाणे, १ लहान दालचीनी, २ वेलची
२ टेस्पून दाटसर काजूपेस्ट
१/२ कप हाफ अँड हाफ (टीप ५)
चवीपुरते मीठ
कृती:
कोफ्ता:
१) बटाटे उकडून घ्यावेत. सोलून व्यवस्थित मॅश करून घ्यावेत. गुठळी अजिबात राहू देवू नये. यामध्ये २ टेस्पून कॉर्न फ्लोर आणि चवीपुरते मीठ घालून माळून घ्यावे. या मिश्रणाचे साधारण ८ समान भाग करावेत.
२) सारणाचे सर्व जिन्नस एकत्र करून मिक्स करावे. याचेही ८ समान भाग करावेत.
३) बटाट्याचे मिश्रण घेउन हातानेच चपटे करून परी तयार करावी (साधारण अडीच ते ३ इंच). मधोमध सारण ठेवून सर्व कडा एकत्र आणाव्यात आणि सीलबंद करावे. अशाप्रकारे सर्व कोफ्ते तळण्यासाठी तयार करावेत. कोफ्त्याचा सरफेस एकदम स्मूथ असावा. भेग पडली असेल तर नीट बंद करावी. कारण तळताना सारण बाहेर येउन कोफ्ता फुटतो.
४) सर्व कोफ्ते मध्यम आचेवर गोल्डन रंगावर तळून घ्यावे. टिपकागदावर काढून ठेवावे.
ग्रेव्ही:
५) कांदा उकडून घ्यावा. (मी प्रेशर कुकरमध्ये २ शिट्ट्या करून कांदा उकडला होता). उकडलेल्या कांद्याची बारीक पेस्ट करावी.
६) पॅनमध्ये बटर गरम करून त्यात अख्खे गरम मसाले घालावेत. नंतर हिरवी मिरची आणि आलेलसूण पेस्ट घालावी. १५ सेकंद परतावे. आता कांद्याची पेस्ट आणि मीठ घालून हाय हिटवर परतावे. जोवर रंग किंचित गुलाबी होईतोवर सतत ढवळावे.
७) काजू पेस्ट घालावी. तळापासून ढवळत राहावे, कारण काजू पेस्ट तळाला चिकटू शकते. किंचित पाणी घालावे. झाकण ठेवून काजूचा कच्चट वास जाईस्तोवर मध्यम आचेवर शिजवावे (३ ते ४ मिनिटे) (टीप)
८) आच एकदम कमी करावी आणि उष्णता थोडी कमी होईस्तोवर थांबावे. आता हाफ अँड हाफ घालून जोरजोरात ढवळावे. कारण कांदा आणि मीठ यामुळे हाफ अँड हाफ फुटण्याची शक्यता असते. एकदा का व्यवस्थित मिक्स झाले कि आच मिडीयम वर ठेवावी आणि काही मिनिटे शिजवावे.
कोफ्त्यावर हि गरमागरम ग्रेव्ही घालून लगेच सर्व्ह करावे.

टीपा:
१) स्टेप ७ मध्ये, काजूपेस्ट व्यवस्थित शिजल्यावर मी अख्खे गरम मसाले काढून टाकले होते. नंतर हि ग्रेव्ही एकदा मिस्करमध्ये बारीक केली ज्यामुळे ती एकदम स्मूथ झाली. हि ग्रेव्ही मी परत पॅनमध्ये घेतली आणि स्टेप ८ फॉलो केली.
२) बटाटे व्यवस्थित मॅश करावेत. गुठळी राहिली तर कोफ्ते गरम तेलात फुटण्याची शक्यता असते.
३) जर गरम मसाला किवा इतर कुठलाही मसाला घातल्यास ग्रेव्हीचा रंग बदलेल. म्हणून अख्खे गरम मसाले वापरले आहेत, ज्यामुळे ग्रेव्हीला मसाल्यांचा हलकासा स्वाद येतो आणि ग्रेव्हीचा रंगही बदलत नाही.
४) सारणामध्ये काजू बदाम पिस्ता यांचे तुकडे घालू शकतो.
५) हाफ अँड हाफ म्हणजे १ भाग क्रीम आणि १ भाग दुध (होल मिल्क) यांचे मिश्रण.

खोया पनीर मटर - Khoya paneer Matar

Khoya matar Paneer in English

वेळ: ३५ ते ४० मिनीटे
वाढणी: २ ते ३ जणांसाठी


साहित्य:
३/४ कप मटार (फ्रोझन)
३/४ कप खवा, भाजलेला
१५० ग्राम पनीर, लहान चौकोनी तुकडे (टीप १)
३/४ कप टोमॅटो प्युरी,
१/२ कप दुध/ पाणी
१ टिस्पून तूप
१ लहान आल्याचा तुकडा, बारीक किसून
१/२ टिस्पून लाल तिखट
१/२ टिस्पून जिरे (ऐच्छिक)
१ टिस्पून धणेपुड
१/२ टिस्पून जिरेपूड
७ ते ८ काजू बी, (थोडे सजावटीसाठी ठेवावे)
१ टेस्पून बेदाणे + अजून थोडे सजावटीसाठी
१ टिस्पून साखर
चवीपुरते मिठ
अख्खा गरम मसाला= १ तमाल पत्र, २ लवंगा, ३ ते ४ मिरीदाणे, २ हिरवी वेलची, १ लहान दालचिनीची काडी किंवा १/२ टिस्पून दालचिनी पावडर

कृती:
१) कढई गरम करून त्यात आख्खे गरम मसाले हलके भाजून घ्यावे. भाजले गेल्यावर लवंगा फुगतात आणि वेलची फुगून फुटते. हे सर्व मसाले कुटून घ्यावे किंवा मिक्सरमध्ये बारीक करावे.
२) कढईत तूप गरम करावे. त्यात काजू, जिरे, आलं आणि टोमॅटो प्युरी घालावी. कढईवर झाकण ठेवून २-३ मिनीटे शिजू द्यावे.
३) भाजलेला खवा घालून मिक्स करावे. जमतील तेवढ्या गुठळ्या फोडाव्यात. तरी, बारीक बारीक गुठळ्या आणि रवाळ टेक्स्चर अपेक्षित आहे. चांगले मिळून येईस्तोवर परतावे (३-४ मिनीटे)
४) आता मटार आणि दुध/ पाणी घालावे. मिक्स करून झाकण ठेवावे व ४-५ मिनीटे शिजू द्यावे.
५) धणे-जिरेपूड, साखर, लाल तिखट, बेदाणे आणि मिठ घालून मिक्स करावे. २-३ मिनीटे उकळी काढावी.
६) शेवटी पनीर घालून १-२ मिनीटे उकळी काढावी.
गरमच सर्व्ह करावी.

टीपा:
१) जेव्हा विकतचे पनीर वापरत असाल तेव्हा पनीरचे लहान चौकोनी तुकडे करावेत. गरम पाण्यात २ मिनीटे बुडवून ठेवावेत. पनीर छान मऊसुत होईल आणि तळायला लागणार नाही.
२) जर टोमॅटोला आंबटपणा नसेल तर थोडीशी आमचूर पावडर घालावी.
३) दुध घातल्यावर ग्रेव्ही व्यवस्थित मिक्स करावी नाहीतर दुध फुटते आणि ग्रेव्ही चोथापाणी होते.
४) जर दालचिनी पावडर वापरणार असाल तर ती इतर मसाल्यांबरोबर भाजू नये, भाजल्यास करपते. म्हणून धणे-जिरेपूड बरोबर दालचिनी पावडर भाजीत घालावी.

मेथी पनीर - Methi Paneer

Methi Paneer in English

वाढणी: २ ते ३ जणांसाठी
वेळ: २५ ते ३० मिनीटे


साहित्य:
१ मोठी जुडी मेथी, पानं खुडून धुवून घ्यावी.
१५० ग्राम पनीर, लहान तुकडे (टीप)
१ लहान कांदा, पातळ उभा कापून
१ मध्यम टोमॅटो, मध्यमसर चौकोनी तुकडे
१/२ इंच आलं
३ ते ४ मोठ्या लसूण पाकळ्या, चिरून
२ ते ४ काळी मिरी
१ टेस्पून दही
१/२ कप क्रिम (टीप)
फोडणीसाठी: १ + १ टेस्पून तेल, चिमूटभर हळद
१ टिस्पून धणे पावडर
चवीपुरते मिठ

कृती:
१) १ टेस्पून तेल पॅनमध्ये गरम करावे. त्यात काळी मिरी, आले, लसूण आणि कांदा घालावा. कांदा लालसर होईस्तोवर परतावे. आता चिरलेला टोमॅटो घालून मऊ होईस्तोवर शिजवावा. गॅस बंद करून हे मिश्रण थंड होवू द्यावे. थंड झाले कि पाणी न घालता प्युरी करून घ्यावी.
२) मेथीची पाने बारीक चिरून घ्यावी. १ टेस्पून तेल पॅनमध्ये गरम करावे. हळद आणि मेथी घालावी बरोबर २-३ चिमटी मिठही घालावे. झाकण न ठेवता मेथी परतावी.
३) मेथीतील पाण्याचा अंश निघून कोरडी झाली कि कांदा-टोमॅटोची प्युरी आणि दही घालावे. निट ढवळून थोडावेळ शिजू द्यावे. धणेपुड आणि गरजेपुरते मिठ घालावे, मिक्स करावे.
४) गॅस अगदी मंद करावा (टीप). पनीर आणि क्रिम घालावे. तसेच लागल्यास थोडे पाणी घालून ढवळावे. खुप पाणी घालू नये कारण मिश्रण जास्त उकळवायचे नाहीये, फक्त खुप घट्ट वाटल्यासच पाणी घालावे.
तयार भाजी पोळी, नान बरोबर सर्व्ह करावी.

टीप्स:
१) रेडीमेड पनीर वापरत असाल तर पनीरचे लहान चौकोनी तुकडे करून गरम पाण्यात २-३ मिनीटे बुडवून ठेवावे. यामुळे पनीर नरम होते.
२) जर क्रिम उपलब्ध नसेल तर, १/२ कप मिल्क पावडर १/४ कप पाण्यात मिक्स करून वापरली तरीही चालेल.
३) गॅसची आच एकदम मंद करूनच क्रिम भाजीत घालावे तसेच एकदा क्रिम घातले कि भाजी जास्तवेळ गरम करू नये. यामुळे क्रिम भाजीत फुटते.

स्टफ पनीर पराठा - Stuffed Paneer Paratha

Stuffed Paneer Paratha in English

वेळ: ४० मिनीटे
नग: ६ ते ८ मध्यम पराठे

साहित्य:
स्टफिंग
२ कप किसलेले पनीर
३-४ हिरव्या मिरच्या, एकदम बारीक चिरून किंवा पेस्ट करून
१/४ कप कोथिंबीर, बारीक चिरून
१/२ टिस्पून जिरेपूड, १ टिस्पून धणेपूड, १/२ टिस्पून आमचूर पावडर, १/२ ते १ टिस्पून किसलेले आले
चवीपुरते मिठ
आवरणासाठी
३/४ कप मैदा
१ कप गव्हाचे पिठ
१/४ टिस्पून जिरे, १/४ टिस्पून हळद, १/४ टिस्पून लाल तिखट
१/४ कप दही
गरजेनुसार पाणी
२ टेस्पून तेल
२ टेस्पून कोथिंबीर, बारीक चिरलेली
१/२ टिस्पून मिठ
इतर साहित्य
बटर किंवा तेल पराठे भाजण्यासाठी
पराठे लाटायला थोडे कोरडे पिठ

कृती:
१) किसलेले पनीर एका बोलमध्ये घ्यावे. त्यात मिरची, कोथिंबीर, धणे-जिरेपूड, आमचूर, आलं आणि मिठ घालून हलक्या हाताने मिक्स करावे.
२) बाहेरील कव्हरसाठी मैदा, कणिक, जिरे, हळद, लाल तिखट, दही, कोथिंबीर, तेल आणि मिठ घालून मिक्स करावे. गरजेनुसार पाणी घालून मध्यमसर मळून घ्यावे. १५ मिनीटे झाकून ठेवावे.
३) कणकेचे ६ किंवा ८ समान गोळे करावेत. मिश्रणाचेसुद्धा तितकेच समान भाग करावेत.
४) कणकेचा १ गोळा ३ ते साडेतीन इंचाचा लाटून घ्यावा. त्याच्या मध्यभागी १ भाग मिश्रणाचा ठेवावा. सर्व बाजू एकत्र वरती आणाव्यात आणि गोळा बंद करावा. थोड्या पिठावर लाटून तेलावर किंवा बटरवर दोन्ही बाजूंनी भाजून घ्यावा.
गरमागरम पराठे चटणीबरोबर सर्व्ह करावे.

टीपा:
१) कोथिंबीरीबरोबर आवडत असल्यास पुदीन्याची पाने बारीक चिरून घातली तरी छान स्वाद लागतो.
२) जिरे घालण्याऐवजी ओवा घातला तरी चांगली चव येते.

पनीर बिर्याणी - Paneer Biryani

Paneer Biryani In English

वाढणी : ५ ते ६ जणांसाठी
वेळ: साधारण १ ते दिड तास

साहित्य:
२ कप बासमती तांदूळ
३-४ वेलची, ३-४ तमालपत्र, ३-४ लवंगा, १ लहान दालचिनीची काडी
चवीपुरते मिठ
पनीर मॅरीनेशन
२५० ग्राम पनीर, १/२ कप दही, १ टिस्पून आलेलसूण पेस्ट, १/४ टिस्पून मिठ
ग्रेव्ही
१ कप कांदा, उभा पातळ चिरून
५ टोमॅटो, २ टिस्पून आलेलसूण पेस्ट, २ टिस्पून तूप
खडा गरम मसाला - २ वेलची, ३-४ लवंगा, ३-४ मिरीदाणे, २-३ तमालपत्र
१ टिस्पून धणेपूड, १ टिस्पून जिरेपूड, १ टिस्पून गरम मसाला, १/२ टिस्पून लाल तिखट
१ कप मिल्क पावडर (किंवा १/२ कप क्रिम) (टीप ५)
चवीपुरते मिठ
साधारण पाऊण ते एक कप भाज्यांचे तुकडे :- मटार + गाजर लहान तुकडे + फरसबी तुकडे
इतर साहित्य
४ टेस्पून तूप + अजून तूप ऐच्छिक, १ कप कांद्याचे पातळ उभे काप, ८ ते १० काजूबी, ८ ते १० बेदाणे, १/४ कप पुदीना बारीक चिरून, १/४ कप कोथिंबीर बारीक चिरून, २ टिस्पून दूध + ३ ते ४ केशराच्या काड्या (टीप ६)

कृती:
पनीर
दही फेटून घ्यावे. त्यात आलेलसूण पेस्ट आणि मिठ घालून मिक्स करावे. पनीरचे तुकडे या मिश्रणात १/२ तास घोळवून ठेवावे.
भात
१) तांदूळ स्वच्छ धुवून १/२ तास निथळत ठेवावेत. पातेल्यात ६ कप पाणी गरम करण्यास ठेवावे. त्यात वेलची, लवंगा, दालचिनी, तमालपत्र आणि मिठ घालून पाण्याला उकळी येऊ द्यावी. पाणी उकळले कि त्यात धुतलेले तांदूळ घालावे. भात साधारण ६० ते ७० % शिजला कि चाळणीमध्ये ओतावा आणि अधिकचे पाणी काढून टाकावे. तयार भात परातीत मोकळा करून गार होण्यास ठेवावा.
ग्रेव्ही
१) पाणी उकळवावे. त्यात टोमॅटो घालून २ मिनीटांनी गार पाण्यात सोडावे. सालं सुटली कि काढून टाकावी. आतील गराच्या मध्यम फोडी कराव्यात.
२) कढईत २ टिस्पून तूप गरम करून त्यात खडा गरम मसाला काही सेकंद परतावा. आलेलसूण पेस्ट परतावी. कांदा घालून तो गुलाबी रंग येईस्तोवर परतावा. नंतर चिरलेल्या टोमॅटोच्या फोडी घालून त्या नरम होईस्तोवर परतावे. लाल तिखट घालावे.
३) हे मिश्रण थोडे गार होवू द्यावे. मिक्सरमध्ये पाणी न घालता प्युरी करावी.
४) कढईत साधारण २ टेस्पून तूप गरम करावे. यामध्ये काजूबी आणि बेदाणे परतून बाजूला काढून ठेवावे. याच तुपात हि प्युरी परत कढईत घ्यावी. मध्यम आचेवर गरम करण्यास ठेवावी. त्यात धणेजिरेपूड, गरम मसाला घालावा. मिल्क पावडर घालावी. भाज्या घालाव्यात. निट ढवळून हे मिश्रण घट्टसर करावे. चवीपुरते मिठ घालावे. हि ग्रेव्ही एकदम पातळ किंवा एकदम घट्टही नसावी (टीप १). ग्रेव्ही दाटसर होत आली कि पनीरचे मॅरीनेट केलेले तुकडे घालून थोडा वेळ उकळी काढावी.
तळलेला कांदा
तुपात किंवा तेलात कांद्याचे पातळ काप (१ कप) खरपूस तळून काढावेत. हा तळलेला कांदा सजावटीसाठी वापरावा.
बिर्याणी (टीप २, ३, ४)
एकदा भात आणि ग्रेव्ही तयार झाली कि भाताचे ४ आणि ग्रेव्हीचे ३ असे समसमान भाग करून घ्यावे. एका खोलगट नॉनस्टिक पॅनमध्ये पहिले तूप सोडावे आणि पसरवून घ्यावे. प्रथम भाताचा एक भाग घेऊन समान पसरावा. त्यावर ग्रेव्हीचा १ भाग समान पसरवून घ्यावा. थोडा चिरलेला पुदीना आणि कोथिंबीर घालावी. ३-४ काजू, बेदाणे घालावे. अशाप्रकारे सर्व थर पूर्ण करावे. भाताचा शेवटचा थर दिला कि त्यावर तळलेला कांदा, उरलेले काजू बेदाणे आणि दूधात कालवलेले केशर असे पसरावे. वरती घट्ट झाकण ठेवावे, वाफ बाहेर जाता कामा नये. एकदम मंद आचेवर १५ ते २० मिनीटे वाफ काढावी. गरम गरम बिर्याणी रायत्याबरोबर सर्व्ह करावी.

टीप:
१) ग्रेव्ही पातळ नसावी. पातळ ग्रेव्हीमुळे बिर्याणी बनवताना भाताची शिते मोडतात आणि भात मोकळा न होता ओलसट आणि गच्च होतो. बिर्याणीचे थर करताना पसरता येईल इतपत दाट ठेवावी.
२) जर ओव्हनमध्ये बिर्याणीला वाफ काढायची असेल ओव्हन २५० डीग्री F वर प्रिहीट करावा. नंतर बेकिंग पॅनमध्ये वरीलप्रमाणेच थर करावे. वरती ओव्हनसेफ झाकण ठेवावे किंवा अल्युमिनीयम फॉईलने घट्ट सिल करावे आणि १५-२० मिनीटे वाफ काढावी.
३) जर नॉनस्टिक पॅन नसेल तर जाड बुडाच्या पातेल्यात तूप घालून वरीलप्रमाणेच थर करावे. आणि डायरेक्ट गॅसवर न ठेवता खाली एक तवा ठेवावा त्यावर भांडे ठेवावे म्हणजे भात करपणार नाही.
४) प्रत्येक थरामध्ये पातळ केलेले तूप गरजेनुसार घालावे. यामुळे बिर्याणीला खुपच छान चव येते.
५) शक्यतो मिल्क पावडर वापरावी म्हणजे ग्रेव्हीला दाटपणा लगेच येतो. तसेच क्रिम वापरणार असाल तर क्रिम घातल्यावर ते ग्रेव्हीमध्ये निट मिक्स होईस्तोवर ढवळा म्हणजे ते ग्रेव्हीत फुटणार नाही.
६) जर केशर नसेल तर चिमूटभर खायचा केशरी रंग २ टिस्पून दूधात घालून तो वापरावा.

पनीर फिंगर पकोडा - Paneer Finger Pakoda

Paneer Pakoda in English

वेळ: १५ ते २० मिनीटे
नग: १० ते १२ पिसेस

साहित्य:
२०० ग्राम पनीर, बोटाच्या आकाराचे उभे काप
१ टेस्पून कॉर्न फ्लोअर
१ टेस्पून मैदा
चवीपुरते मिठ
१ टिस्पून लाल तिखट
::::मॅरीनेशनसाठी::::
२ टिस्पून चिली सॉस
२ टिस्पून सोयासॉस
तळण्यासाठी तेल

लहान मुलांसाठी बनवताना लाल तिखट अजिबात घालू नये तसेच मॅरीनेशनमध्ये चिली सॉस अगदी कमी घालावा किंवा तो न घालता टोमॅटो केचप घालावा.

कृती:
१) चिली सॉस आणि सोयासॉस एका मध्यम बाऊलमध्ये मिक्स करावे. पनीरचे तुकडे या मिश्रणात ५ मिनीटे मॅरीनेट करून ठेवावे.
२) दुसर्‍या एका भांड्यात कॉर्न फ्लोअर, मैदा, मीठ आणि लाल तिखट मिक्स करावे. पनीरचे मॅरीनेट केलेले तुकडे कॉर्न फ्लोअर-मैद्याच्या मिश्रणात घोळवून घ्यावे. आणि तेल गरम करून त्यात सोनेरी रंगावर तळून घ्यावे.
चिली सॉसबरोबर गरमागरम सर्व्ह करावेत.

Labels:
Paneer Pakoda, Paneer Appetizer

पनीर मखनी - Paneer Makhani

Paneer Makhani in English

२ ते ३ जणांसाठी
वेळ: ३५ ते ४० मिनीटे

साहित्य:
२५० ग्राम पनीर
१/४ कप कांद्याची पेस्ट (टीप ५)
अर्धा ते पाऊण कप टोमॅटो प्युरी (टीप २)
१ टिस्पून आलेलसूण पेस्ट
१ टेस्पून काजूची पेस्ट
अख्खा गरम मसाला - ४ मिरीदाणे, १ तमाल पत्र, १ वेलची, २ लवंगा, १ लहान दालचिनीचा तुकडा
२ चिमटी कसूरी मेथी
१ टिस्पून धणेजिरेपूड
१/२ टिस्पून गरम मसाला
१ टिस्पून लाल तिखट
३ टेस्पून बटर
३ टेस्पून क्रिम किंवा एवेपोरेटेड मिल्क (टीप)
चवीपुरते मिठ

कृती:
१) पनीरचे मध्यम आकाराचे चौकोनी तुकडे किंवा २ इंचाचे लांबडे तुकडे करा. तेलामध्ये डिपफ्राय किंवा शालोफ्राय करून घ्या. (टीप ४)
२) अख्खा गरम मसाल्याचे जे जिन्नस आहेत ते अगदी हलके, कोरडेच भाजून घ्यावे. खलबत्त्यात हे सर्व मसाले एकत्र कुटून घ्यावे.
३) पॅनमध्ये २ टेस्पून बटर गरम करावे. त्यात कुटलेला मसाला घालून काही सेकंद परतावे.
४) त्यात कांद्याची पेस्ट आणि आलेलसूण पेस्ट घालावी. मध्यम आचेवर कांदा शिजेस्तोवर परतावे. (साधारण ४ ते ५ मिनीटे)
५) कांदा शिजला आणि थोडा रंग बदलला कि टोमॅटो प्युरी घालून मध्यम आचेवर काही मिनीटे शिजवावे.
६) टोमॅटो प्युरी शिजल्यावर त्यात कसूरी मेथी, धणेजिरेपूड, गरम मसाला पावडर, लाल तिखट आणि चवीपुरते मिठ घालून मिक्स करावे.
७) आच एकदम मंद करावी. काजू पेस्ट आणि क्रिम घालून जोरजोरात ढवळावे म्हणजे क्रिम फुटणार नाही. थोडे बटर घाला.
एकदा क्रिम निट मिक्स झाले कि तळलेले पनीर घालावे. साधारण ३० सेकंद मंद आचेवर गरम करावे. सर्व्हिंग प्लेटमध्ये भाजी वाढून त्यावर थोडे क्रिम घालून सजवावे.
पोळी किंवा नान बरोबर सर्व्ह करावे.

टीपा:
१) व्यवस्थित पिकलेले आणि लालबुंद टोमॅटो वापरावेत.
२) टोमॅटो प्युरी बनवण्यासाठी, टोमॅटो काचेच्या भांड्यात ठेवावे (साधारण ३-४ मध्यम). टोमॅटो बुडेस्तोवर पाणी घालावे आणि मायक्रोवेव्हमध्ये ४ ते ५ मिनीटे शिजवावे. नंतर टोमॅटो मिक्सरमध्ये एकदम बारीक वाटावे आणि तयार प्युरी चाळणीतून गाळून घ्यावी.
३) जर क्रिम किंवा एवेपोरेटेड मिल्क नसेल तर १/२ ते ३/४ कप मिल्क पावडर घ्यावी त्यात साधारण १/४ कप पाणी घालून दाटसर मिश्रण बनवावे. हे मिश्रण क्रिमऐवजी वापरले तरीही चालते.
४) जर पनीर तळायचे नसेल तर गरम पाण्यात पनीरचे तुकडे काही मिनीटे बुडवून ठेवावे. पनीर छान मऊसर होते.
५) कांद्याच्या पेस्टऐवजी कांदा पातळ उभा चिरून घ्यावा व तेलात चांगला खरपूस तळून घ्यावा. हा तळलेला कांद मिक्सरमध्ये बारीक वाटून मग वरीलप्रमाणेच कृती फॉलो करा.

Labels:
Paneer makhanwala, paneer makhani, butter paneer, paneer butter masala.

पनीर टीक्का मसाला - Paneer Tikka Masala

Paneer Tikka Masala in English

वाढणी: १ प्लेट (साधारण २ ते ३ जणांपुरती)
वेळ: ४० मिनीटे

साहित्य:
कांदा पेस्ट
२ मध्यम कांदे
२ टिस्पून तेल
काजूपेस्ट
१/२ कप काजू
१/४ कप मगज बी
टोमॅटो प्युरी
३ लालबुंद टोमॅटो
इतर जिन्नस
१ टिस्पून धणेपूड
१ टिस्पून जिरेपूड
२ चिमूटभर कसूरी मेथी
१ टिस्पून लाल तिखट
चवीपुरते मिठ
१ टेस्पून बटर
१ टेस्पून आलेलसूण पेस्ट
पनीर टिक्काच्या रेसिपीसाठी इथे क्लिक करा

कृती:
प्रथम सर्व पेस्ट तयार करून घ्याव्यात.
कांदा पेस्ट
कच्च्या कांद्याची पेस्ट - १ कांदा मोठे तुकडे करून मिक्सरवर पेस्ट करून घ्यावी.
परतलेल्या कांद्याची पेस्ट - १ कांदा पातळ उभे काप करून तेलामध्ये मोठ्या आचेवर परतून घ्यावे. कांदा निट परतला कि किंचीत पाणी घालून मिक्सरमध्ये बारीक पेस्ट करून घ्यावी.
काजू पेस्ट
काजू, मगज बी, आणि १/४ कप पाणी घालून मिक्सरमध्ये बारीक पेस्ट करावी.
टोमॅटो प्युरी
३ टोमॅटो गरम पाण्यात २ ते ३ मिनीटे उकळून घ्यावे. लगेच गार पाण्यात घालावे म्हणजे साले सुटायला मदत होईल. साले काढून मिक्सरमध्ये प्युरी करावी.
मुख्य कृती
१) पॅनमध्ये बटर गरम करून त्यात आलेलसणाची पेस्ट परतावी. लगेच कच्च्या कांद्याची पेस्ट घालून मोठ्या आचेवर कांदा ब्राऊन होईस्तोवर परतावे.
२) टोमॅटोची प्युरी घालून मध्यम आचेवर टोमॅटोचा कच्चा वास जाईस्तोवर परतावे. नंतर परतलेल्या कांद्याची पेस्ट आणि काजूची पेस्ट घालून मिक्स करावे.
३) यात धणे-जिरेपूड, कसूरीमेथी, लाल तिखट आणि चवीपुरते मिठ घालून दाटसर ग्रेव्ही बनवावी.
गरमागरम ग्रेव्ही, पनीर व्हेजिटेबल टिक्क्यावर घालून सर्व्ह करावी.

टीप:
१) लालसर रंग येण्यासाठी अगदी किंचीत लाल रंग १ चमचा पाण्यात मिसळून ग्रेव्ही उकळताना घालावा.
२) काजूपेस्ट घालताना एकदम सगळी घालू नये. आधी २ ते ३ टेस्पून घालून ढवळावे. काजूची पेस्ट जास्त झाल्यास ग्रेव्हीची चव बदलते. चव पाहूनच अजून काजूपेस्ट घालावी.

Labels:
Paneer Tikka Masala, Vegetable Paneer Tikka, Punjabi Paneer Tikka

पनीर टिक्का - Paneer Tikka

Paneer Tikka in English

Few more Paneer Recipes - Paneer Frankie | Paneer Paratha | Paneer Kadhai | Paneer Pizza | Palak Paneer | Paneer Kofta Curry

३ ते ४ जणांसाठी
वेळ: साधारण ३० मिनीटे

साहित्य:
३ ते ४ स्क्यूअर्स (लाकडी किंवा लोखंडी)
३ ते ४ लहान रंगीत भोपळी मिरच्या (लाल, हिरवा, पिवळा, केशरी)
३ ते ४ छोटे कांदे
८ ते १० छोटे लाल टोमॅटो (चेरी टोमॅटो)
२०० ग्राम पनीर
तेलाचे ब्रशिंग
२ टेस्पून तेल
१/२ टिस्पून धणेपूड
१/२ टिस्पून जिरेपूड
१/२ टिस्पून लाल तिखट
चिमूटभर मिठ
चिमूटभर कसूरी मेथी
पनीर मॅरीनेशनसाठी
५ टेस्पून घट्ट दही
१ टेस्पून कॉर्नस्टार्च
१/४ टिस्पून हळद
१ टिस्पून लाल तिखट
१ टिस्पून आलेलसूण पेस्ट
१ टिस्पून धणेजिरेपूड
२ चिमूटभर कसूरी मेथी
चवीपुरते मिठ

कृती:
१) जर लाकडी स्क्यूअर्स वापरणार असाल तर १/२ तास गार पाण्यात भिजवून ठेवा म्हणजे ओव्हनमध्ये बेक करताना जळणार नाहीत.
२) मॅरीनेशनसाठीचे सर्व साहित्य एकत्र करून त्यात पनीरचे दिड इंचाचे तुकडे करून १५ मिनीटे मॅरीनेट करून ठेवावे.
३) भोपळी मिरच्यांचे १ इंचाचे चौकोनी तुकडे करावे. कांदे जर किंचीत मोठे असतील तर त्यांची साले काढून अर्धे करून घ्यावेत.
४) भाज्या चिरून झाल्या कि स्क्युअरमध्ये प्रथम एक टोमॅटो ओवून घ्यावा. नंतर २-४ तुकडे भाज्या आणि १ तुकडा पनीर असे ओवून सर्वात शेवटी परत टोमॅटो ओवावा. असे सर्व स्क्युअर्स तयार करून घ्यावे. (वरील प्रमाणाला ३ ते ४ स्क्युअर्स लागतील.)
५) ओव्हन ब्रोईलवर २ ते ३ मिनीटे प्रिहीट करावे. तोवर भाज्यांना तेल+मसाला मिश्रणाचे ब्रशिंग करावे. २ टेस्पून तेल, १/२ टिस्पून धणेपूड, १/२ टिस्पून जिरेपूड, १/२ टिस्पून लाल तिखट, चिमूटभर मिठ, चिमूटभर कसूरी मेथी असे साहित्य एकत्र करून भाज्यांना अलगद हाताने किंवा पेस्ट्री ब्रशने लावावे.
६) तयार स्क्युअर्स ओव्हनसेफ प्लेटला तेल लावून त्यावर ठेवावे (मी बिडाचा तवा वापरला होता) आणि साधारण २ ते ४ मिनीटे बेक करावे. खुपवेळ ब्रोईल करू नये त्यामुळे पनीर वितळते. पनीर आणि भाज्या थोड्या ब्राऊन झाल्या कि ओव्हन बंद करून लगेच बाहेर काढाव्यात.
६) स्क्युअर्स वरील भाज्या आणि पनीर हलक्या हाताने प्लेटमध्ये काढाव्यात आणि त्यावर गरमागरम टीक्का मसाला घालून सर्व्ह करावे.

टीप:
१) पनीर बेक करण्यासाठी त्याला थोडा घट्टपणा आणावा लागतो. म्हणून पनीर घरी बनवताना त्यात थोडा मैदा घालावा. पनीर बनवले कि आधी पनीर गाळून घेतल्यावर फडक्यातच पिळावे म्हणजे अधिकचे पाणी निघून जाईल. पनीर एका ताटलीत काढावे. या पनीरच्या चुर्‍यात २ ते ३ चमचे मैदा घालून थोडे मळावे. खुप मळू नये, आपल्याला फक्त मैदा सर्व पनीरला लावायचा आहे. मळल्यावर परत फडक्यात गच्च बांधून, वरती जड वस्तू ठेवून पनीरची वडी बनण्यासाठी सेट करावे.
२) पनीरचे तुकडे खुपवेळ मॅरीनेट करू नयेत. मऊ पडतात आणि बेक केल्यावर वितळतात.
३) जर ओव्हन नसेल तर मॅरीनेट पनीर तळून घ्यावे किंवा शालो फ्राय करावे आणि भाज्यांना तेल लावून कढईत मोठ्या आचेवर २ मिनीटे परतावे. पण बेक करून किंवा तंदूरमध्ये भाजून चव खुप छान येते.
४) पनीरचे तुकडे जरा मोठेच ठेवावे कारण लहान तुकडे स्क्युअरमध्ये ओवताना तुटतात.

Labels:
Paneer Tikka Masala, Punjabi Paneer Tikka recipe, Tikka Paneer recipe

पनीर फ्रॅन्की - Paneer Frankie

Paneer Frankie in English

Paneer is a very versatile ingredient. It can be used in sweet as well as savoury dishes. Though paneer is more popular in main dishes like Paneer Masala, Palak Paneer, Paneer Kofta etc. , it can be used to make healthy and delicious snack like the recipe posted below. This is a filling, kid friendly and nutritious snack. For preparing this dish, fresh made Paneer from milk is highly recommended. The wraps will be very tasty if the Paneer is fresh. Sometimes, the ready made paneer contains all purpose flour to make it firm and more suitable for Tikka and Sabjis. Wraps, Soups and Salads taste well with soft fresh paneer.

६ ते ७ पनीर फ्रॅन्की
वेळ: ४५ मिनीटे

साहित्य:
दिड कप पनीर, छोटे तुकडे
१ मोठा टोमॅटो, बारीक चिरून
१/४ कप कांदा, पातळ उभे काप
१/४ कप भोपळी मिरची, बारीक चिरून
१ टेस्पून तेल
मॅरीनेशन
१/४ कप दही
१ टिस्पून लाल तिखट
१/४ टिस्पून हळद
१/२ टिस्पून आले-लसूण पेस्ट
१ टेस्पून तांदूळ पिठ
२ चिमूटभर कसूरी मेथी
१/२ टिस्पून गरम मसाला
१/२ टिस्पून चाट मसाला
चवीपुरते मिठ
रॅप्स
१ कप कणिक
१/४ कप दुध
चवीपुरते मिठ
१ टेस्पून बटर, वितळलेले
मिंट चटणी (ऐच्छिक)

कृती:
१) मॅरीनेशनखाली दिलेले सर्व साहित्य एका वाडग्यात मिक्स करावे. पनीरचे तुकडे घालून चमच्याने मिक्स करावे. पनीरच्या तुकड्यांना मॅरीनेशन निट लागले पाहिजे. मॅरीनेट केलेले पनीर दुसर्‍या वाडग्यात काढून उरलेल्या मॅरीनेशनमध्ये टोमॅटो घालून मिक्स करावे. पनीर २० मिनीटे झाकून ठेवावे.
२) कणिक, मिठ आणि दुध एकत्र करून कणिक मळून घ्यावी. झाकून २० मिनीटे बाजूला ठेवावे.
३) एका पॅनमध्ये १ टेस्पून तेल गरम करून त्यात कांदा ३० सेकंद परतावा. भोपळी मिरची घालून ३० सेकंद परतावे आणि मॅरीनेट केलेले पनीर आणि टोमॅटो घालून परतावे. मिनीटभरच परतावे. खुप वेळ परतू नये नाहीतर पनीर वितळते. चव पाहून वाटल्यास मिठ. तिखट घालावे. तयार स्टफींग एका वाडग्यात काढून ठेवावे.
४) कणिक ८ ते १० समान गोळ्यांमध्ये विभागून घ्यावी. पोळी लाटून तव्यावर नेहमीप्रमाणे भाजून घ्यावी. फक्त भाजताना थोडे बटर लावावे. पोळ्या मऊ राहण्यासाठी डब्यात भरून ठेवाव्यात.
५) जेव्हा पनीर फ्रॅन्की सर्व्ह करायचे असतील तेव्हा पनीरचे मिश्रण मायक्रोवेवमध्ये थोडे गरम करून घ्यावे. जर रॅप्स थोडे स्पाईसी बनवायचे असतील तर पोळीला थोडी मिंट चटणी लावावी. गरम तव्यावर हि पोळी ठेवावी. मध्यभागी दिड टेस्पून पनीरचे मिश्रण ठेवावे. आणि दोन्ही बाजू पनीरच्या मिश्रणावर ठेवून सुरळी करावी. सावकाशपणे गरम करावे आणि गरमा गरम सर्व्ह करावे. हे रॅप्स नुसतेही छान लागतात पण वाटल्यास टोमॅटो केचप आणि हिरव्या चटणीबरोबर सर्व्ह करावे.

Labels:
Paneer Frankie, Paneer wraps, Spicy Paneer Rolls

पनीर सिक्टी फाईव्ह - Paneer 65

Paneer 65 in English

साधारण २ जणांसाठी
वेळ: ४० मिनीटे

साहित्य:
१ टेस्पून तेल
१ टेस्पून बारीक चिरलेले लसूण
१ टेस्पून बारीक चिरलेले आले
२ हिरव्या मिरच्या
१ टिस्पून लाल तिखट
१ टिस्पून जिरेपूड
१ टेस्पून कोथिंबीर
चिली गार्लिक पेस्ट: ५ सुक्या लाल मिरच्या + ३ मोठ्या लसणीच्या पाकळ्या + १ टेस्पून विनेगर
१ टेस्पून सोयासॉस
चवीपुरते मिठ
१/२ कप भोपळी मिरची, पातळ उभी चिरून
२०० ग्राम पनीर, उभे तुकडे
मॅरीनेशनसाठी: १ टेस्पून कॉर्न फ्लोअर + २ टेस्पून पाणी + २ टिस्पून आलेलसूण पेस्ट
तळण्यासाठी तेल
६ ते ७ कढीपत्ता पाने (तळलेली)
१ टेस्पून पाती कांदा, बारीक चिरून

कृती:
१) लाल मिरच्या विनेगरमध्ये १ तास भिजवून ठेवाव्यात. नंतर विनेगर, भिजवलेल्या मिरच्या आणि ३ लसूण पाकळ्या मिक्सरमध्ये बारीक करावा.
२) पनीर मॅरीनेट करण्यासाठी १ टेस्पून कॉर्न फ्लोअर, २ टेस्पून पाणी, आणि २ टिस्पून आलेलसूण पेस्ट मिक्स करावे. पनीर मॅरीनेट करून डिप फ्राय करून घ्यावे. खुप जास्त ब्राऊन करू नयेत. गुलाबीसर रंग येईस्तोवर तळावेत.
३) एका पॅनमध्ये १ टेस्पून तेल गरम करावे. त्यात चिरलेले आले, लसूण आणि हिरव्या मिरच्या घालाव्यात. आले लसूण ब्राऊन होईस्तोवर परतावे.
४) नंतर लाल तिखट, जिरेपूड आणि कोथिंबीर घालून परतावे. नंतर चिली गार्लिक पेस्ट, सोयासॉस, आणि १ टेस्पून उरलेले मॅरीनेशन घालून ढवळावे. चवीनुसार मिठ घालावे.
५) आता भोपळी मिरची घालून १ मिनीटभर परतावे. नंतर पनीरचे तळलेले तुकडे घालावेत आणि साधारण ३० ते ४० सेकंद परतावे, पनीरचे तुकडे मसाल्यामध्ये चांगले घोळले गेले पाहिजेत. सर्व्हींग प्लेटमध्ये सर्व्ह करून थोडी काळी मिरी घालावी. पाती कांदा आणि तळलेला कढीपत्ता घालून डीश सजवावी.

labels:
Paneer 65, Spicy paneer recipe, Paneer chinese recipe

पालक पनीर पराठा - Palak Paneer Paratha

Palak Paneer Paratha in English

६ ते ८ मध्यम पराठे

साहित्य:
दिड कप कणिक
१ कप बारीक चिरलेला पालक
१/२ कप किसलेले पनीर
१/४ कप कांदा
१/२ कप दही
१ टिस्पून जिरेपूड
२ टिस्पून पुदीना चटणी किंवा
७ ते ८ पुदीना पाने + १/४ कप कोथिंबीर + १ लसूण पाकळी + २ लहान हिरव्या मिरच्या, सर्व बारीक चिरून किंवा बारीक वाटून
चवीपुरते मिठ
१ टिस्पून चाट मसाला
१/२ टिस्पून गरम मसाला
१ टेस्पून तेल
तूप किंवा बटर पराठे भाजण्यासाठी

कृती:
१) कणिक एका मोठ्या वाडग्यात घ्यावी त्यात चिरलेला पालक, किसलेले पनीर, कांदा, मिठ, चाट मसाला, गरम मसाला, जिरेपूड, पुदीन्याचे मिश्रण आणि तेल असे सर्व घालून मिक्स करावे. हे कणकेचे मिश्रण सुकेच मळावे.
२) नंतर यात दही घालून कणिक मळून घ्यावी. दही अंदाज घेत चमचा-चमचा घालावे आणि मळावे. मला साधारण १/२ कप दही लागले होते कणिक मळायला. मळलेले पिठ १/२ तास झाकून ठेवावे.
३) मळलेल्या कणकेचे साधारण ८ समान गोळे करावेत व गोल लाटून तव्यावर तूप किंवा बटरवर भाजावेत.
गरम पराठ्यावर लोणी घालावे आणि पुदीना चटणी, टोमॅटो सॉस किंवा कोणत्याही लोणच्याबरोबर पराठा सर्व्ह करावा.

टीप:
ऑईल फ्री वर्जन किंवा लो कॅलरी वर्जन:
१) हे पराठे ऑईल फ्री वर्जनमध्ये सुद्धा छान लागतात. कृती वरीलप्रमाणेच फक्त कणिक मळताना तेल घालू नये. तसेच पराठे कोरडेच भाजावेत तूप, तेल किंवा बटरचा वापर टाळावा.
२) दही वापरताना ’फॅट फ्री योगर्ट’ वापरावे. तसेच फॅट फ्री मिल्क पासून बनवलेले पनीर वापरावे.

Labels:
Paneer Paratha, Palak Paneer Paratha, Palak Paratha, Spinach Paratha

पनीर भुर्जी - Paneer Bhurji

Paneer Bhurji in English

वाढणी: २ जणांसाठी

साहित्य:
१ कप पनीरचा चुरा
१/२ कप बारीक चिरलेला कांदा
१/४ कप बारीक चिरलेला टोमॅटो
१ टेस्पून तेल
१/८ टिस्पून हळद
१/४ टिस्पून लाल तिखट
१/४ टिस्पून जिरे
२ हिरव्या मिरच्या, उभे दोन तुकडे
१/४ टिस्पून जिरेपूड
१/४ टिस्पून आमचूर पावडर
चिमूटभर गरम मसाला
चवीपुरते मिठ

कृती:
१) कढईत तेल गरम करावे. त्यात जिरे, हळद, लाल तिखट आणि हिरव्या मिरच्या घालून फोडणी करावी. त्यात कांदा घालून कांदा गुलाबीसर रंगावर परतुन घ्यावा.
२) कांदा परतून झाल्यावर त्यात टोमॅटो घालावे. टोमॅटो नरम होईस्तोवर परतावे, साधारण १ ते २ मिनीटं. नंतर जिरेपूड, आमचुर पावडर आणि गरम मसाला घालून निट मिक्स करावे.
३) पनीरचा चुरा घालून परतावे. त्यात चवीनुसार मिठ घालावे. मध्यम आचेवर २ मिनीटं परतावे. कोथिंबीर आणि कांद्याच्या चकत्या घालून सजवावे आणि सर्व्ह करावे.

Labels:
Paneer Bhurji, Paneer burji, Burjee

पनीर कढाई - Paneer Kadhai

Paneer Kadhai in English

Visit my other Paneer Recipes - Paneer Makhanwala | Vegetable Paneer Pizza | Paneer Kofta Curry | Paneer Hariyali | Chili Paneer | Palak Paneer | Paneer Masala | Paneer Matar



साहित्य:
२५० ग्राम ताजे पनीर (पनीरची कृती)
२ कप उभे चिरलेले कांदे
१ टेस्पून आलेपेस्ट
१ टेस्पून लसूण पेस्ट
दिड कप टोमॅटो प्युरी
१ टेस्पून लाल तिखट
१ टिस्पून गरम मसाला
२ टेस्पून तेल
२ सुक्या लाल मिरच्या
१ तमालपत्र, १ दालचिनी, ५-६ मिरे, १ टिस्पून धणे, २ वेलची, ३-४ लवंगा
१/४ कप चिरलेली कोथिंबीर

कृती:
१) प्रथम कढईत तेल गरम करावे. त्यात क्रमाने सुक्या मिरच्या, तमालपत्र, दालचिनी, मिरं, धणे, वेलची, लवंग घालावे. मध्यम आचेवर मसाल्याचा छान वास सुटेपर्यंत परतावे. नंतर त्यात चिरलेला कांदा आणि आले-लसूण पेस्ट घालावी. आणि परतावे. चवीपुरते मिठ घालावे.
२) कांदा चांगला परतला गेला कि त्यात टोमॅटो प्युरी, लाल तिखट आणि गरम मसाला घालावा आणि ढवळावे. एक उकळी आल्यावर पनीरचे चौकोनी तुकडे घालून मध्यम आचेवर गरम करावे. हलक्या हाताने ढवळावे जेणेकरून पनीर फुटणार नाही.

टीप:
१) जर पनीर फ्रोजन असेल तर आधी तेल शालो फ्राय करून घ्यावे.
२) आख्खा गरम मसाला वापरल्याने अजून छान फ्लेवर येतो. जर धणे किंवा आख्खी मिरी नसेल आणि धणेपूड किंवा मिरपूड असेल तर ती वापरू शकतो, फक्त ती ग्रेव्हीत घालावी.
जर आख्खा गरम मसाला (तमालपत्र, दालचिनी, मिरे, धणे, वेलची, लवंगा)नसेल तर रेडीमेड गरम मसाला पावडर थोडी जास्त प्रमाणात वापरावी.

Labels: Paneer Kadhai, Paneer Karai, North Indian curry, Paneer curry recip

वेज पनीर माखनवाला - Paneer Makhanwala

Veg Paneer Makhanwala in English

वाढणी: ३ जणांसाठी

खाली दिलेली कृती ज्यांना खुप मसालेदार पंजाबी भाजी आवडत नाही त्यांच्यासाठी स्पेशल आहे. चवीला खुप छान आणि सौम्य लागते.

साहित्य:
१/२ कप पनीरचे तुकडे
१/४ कप फरसबीचे तुकडे (१/२ इंच)
१/४ कप गाजर (छोटे चौकोनी तुकडे)
१/४ कप बटाटा (सोलून छोटे तुकडे)
१/४ कप फ्लॉवरचे तुकडे
१/२ कप कांदा (छोटे तुकडे)
३ टेस्पून मटार
१ कप टोमॅटोचे तुकडे (सोललेला)
१ टेस्पून टोमॅटो पेस्ट
१/२ टेस्पून जिरे
१/२ टेस्पून लाल तिखट
१/२ टिस्पून गरम मसाला
१ तमालपत्र
दिड टेस्पून दुध
दिड टेस्पून बटर
२ टेस्पून तूप
चवीपुरते मिठ

कृती:
१) २ कप पाण्यात फरसबीचे तुकडे, गाजर, बटाटा, फ्लॉवरचे तुकडे आणि मटार उकळवत ठेवावे. या पाण्यात १ तमालपत्र घालावे. भाज्या निट शिजू द्याव्यात. भाज्या शिजल्या कि उरलेले पाणी ठेवून द्यावे. तमालपत्र काढून टाकावे.
२) २ टोमॅटो पाण्यात साल सुटेस्तोवर उकळवावे. साले काढून टोमॅटोचे बारीक तुकडे करावे.
३) नॉनस्टीक पॅनमध्ये तूप गरम करून त्यात जिरे घालावे व कांदा परतावा. कांदा परतला कि १/२ टिस्पून गरम मसाला घालावा. कांदा निट शिजू द्यावा.
४) नंतर टोमॅटोचे तुकडे घालावे. तूपाचा तवंग येईस्तोवर शिजू द्यावे.
५) नंतर उकळलेल्या भाज्या घालाव्यात, भाज्या उकळून उरलेले पाणी, टोमॅटोपेस्ट घालावी, मिठ आणि तिखट घालावे. ढवळावे.
६) गॅस मंद करून दुध, बटर, पनीर घालून हळूवार ढवळावे.४ ते ५ मिनीटे मंद आचेवरच झाकून शिजू द्यावे.
गरमा-गरम भाजी नान, रोटी किंवा भाताबरोबर सर्व्ह करावी.

Labels:
Paneer Makhanwala, Vegetable Makhanwala, Punjabi Recipes

पनीर - Paneer

Paneer in English

साहित्य:
१/२ गॅलन दूध (होल मिल्क)
२ टेस्पून व्हिनेगर किंवा लिंबाचा रस
१ सुती कपडा किंवा मस्लिन क्लॉथ
१ चाळणी किंवा कोलँडर

कृती:
१) एक जाड बुडाचे पातेले घ्यावे. त्यात दूध ओतून मध्यम आचेवर दूध उकळवायला ठेवावे.
२) दुध वाफाळले कि मोठ्या चमच्याने ढवळावे. दुध पातेल्याच्या तळाला चिकटणार नाही याची काळजी घ्यावी. दुध वाफाळले कि आच मिडीयम लो वर ठेवून त्यात १ टेस्पून व्हिनेगर हळूहळू घालावे. एकाच वेळी सर्व व्हिनेगर घालू नये, थेंबथेंब करून सर्व ठिकाणी व्हिनेगर घालून ढवळत राहावे. दुध फाटण्याची क्रिया सुरू झाली कि गॅस एकदम मंद करावा आणि व्हिनेगर घालून ढवळत राहावे. हळूहळू चोथा आणि पाणी वेगळे होईल. गॅस बंद करावा. पाण्याचा पांढरट रंग गेला कि समजावे पनीर गाळण्यासाठी तयार आहे.
३) पाणी आणि पनीर वेगळे झाले कि सुती कपडा चाळणीत पसरवून ठेवावा आणि चाळणीच्या खाली पाणी जमवण्यासाठी पातेले ठेवावे. पनीरचे ग्रॅन्युल्स कपड्यातच ठेवून गार पाण्याखाली हलक्या हाताने धुवून घ्यावे, म्हणजे व्हिनेगरचा वास जाण्यास मदत होते.
४) पनीर साधारण १/२ तास टांगून ठेवावे. नंतर गच्च चौकोनी आकारात बांधून घ्यावे म्हणजे पनीरची घट्ट अशी वडी बनेल आणि छान क्युब्ज कापता येतील.
५) एखादा प्लेन सरफेस (पोळपाट, फळी, कटींग बोर्ड) तिरका ठेवावा व त्यावर बांधलेले पनीर ठेवावे आणि बांधलेल्या पनीरवर एखादी जड वस्तू ठेवावी (वरवंटा). जड काही नसेल तर कूकरमध्ये पाणी भरून झाकण लावावे आणि कूकर पडणार नाही अशा रितीने ठेवावे. पनीर तिरक्या पोझिशनमध्ये ठेवल्याने त्यातील अधिकचे पाणी निघून जाईल. जर काही लाकडी वस्तू प्लेन सरफेस म्हणून वापरणार असाल तर त्यावर प्लास्टिक किंवा अल्युमिनीयम फॉईल ठेवावी नाहीतर लाकूड तसेच पनीर खराब होवू शकते.
६) ६ ते ७ तासात पाणी निघून जाते आणि पनीरची छान वडी तयार होते.

टीप:
१) सुती कपडा एकदम घट्ट विणेचा असु नये नाहीतर गाळताना निट गाळले जात नाही, पाणी पुर्ण वाहून जात नाही.
२) लिंबाचा रस थोड्या पाण्यात मिसळून ते पाणी गरजेपुरतेच वापरावे. लिंबाचा रस जास्त घातला गेला तर पनीरला लिंबाचा स्वाद लागू शकतो.
३) गाळलेले पाणी बाटलीत भरून रेफ्रिजरेट करून नंतर पनीर बनवताना व्हिनेगरऐवजी वापरता येते.

Labels:
Paneer Recipe, how to make Indian Paneer Cheese, Homemade Paneer

पनीर वेजिटेबल पिझ्झा - Paneer Vegetable Pizza

Paneer Vegetable Pizza in English

वाढणी: १ मध्यम पिझ्झा (थिन क्रस्ट)


साहित्य:
पिझ्झा बेस:- इथे क्लिक करा

पिझ्झा सॉससाठी:- इथे क्लिक करा

टॉपिंगसाठी:
पनीर ७५ ते १०० ग्राम (साधारण १२-१५ लहान तुकडे)
१ टेस्पून दही
१/२ टिस्पून तंदूरी मसाला
१/२ टिस्पून आलेलसूण पेस्ट
१/४ ते १/२ कप कांदा, पातळ उभा चिरून
१/४ कप हिरवी भोपळी मिरची, पातळ उभी चिरून
१/४ कप लाल भोपळी मिरची, पातळ उभी चिरून
१/२ ते पाऊण कप किसलेले चिज

कृती:
पिझ्झा बेस:- इथे क्लिक करा
पिझ्झा सॉस:- इथे क्लिक करा

पनीरचे टॉपिंग
१) पनीरचे साधारण १२-१५ मध्यम तुकडे घ्यावेत.
१ टेस्पून दही + १/२ टिस्पून तंदूरी मसाला + १/२ टिस्पून आलेलसूण पेस्ट असे मिश्रण तयार करून यात पनीर घोळवून ठेवावेत साधारण १५ मिनीटे.

सर्व पदार्थांचे एकत्रिकरण (स्टेप बाय स्टेप इमेजेस)
१) सर्व पदार्थ तयार झाले कि ओव्हन ४८० F (२५० C) प्रिहिट करावे.
२) पिझ्झा बेसला तयार सॉस लावून घ्यावा त्यावर थोडे चिज घालावे.
३) त्यावर चिरलेल्या भोपळी मिरच्या आणि कांदा घालावा.( भाज्यांना आधी थोडे मिठ लावावे.)
४) नंतर मॅरिनेट केलेले पनीर घालावे, उरलेले चिज घालावे आणि साधारण ७-८ मिनीटे, किंवा चिज अगदी किंचीत ब्राऊन होईस्तोवर बेक करावे.

Labels:
Paneer Pizza, How to bake Pizza, homemade pizza, thin crust pizza recipe

पनीर कोफ्ता करी - Paneer Kofta Curry

Paneer Kofta Curry in English



साहित्य:
::::कोफ्ता::::
कोफ्त्याच्या साहित्यासाठी इथे क्लिक करा
::::करी::::
३/४ कप कांदा पेस्ट (स्टेप १)
१/२ कप टॉमेटो प्युरी (स्टेप २)
१ टेस्पून आलेलसूण पेस्ट
१/२ टिस्पून गरम मसाला
१/४ टिस्पून हळद
१/२ टिस्पून लाल तिखट
१ टिस्पून धणेपूड
१ टिस्पून जिरेपूड
१/४ कप दूध (होल मिल्क)
१ टेस्पून तेल
७-८ पनीरचे लहान तुकडे
मिठ
सजावटीसाठी:
१ टेस्पून कोथिंबीर, बारीक चिरलेली
३-४ द्राक्षं, अर्धे तुकडे करून

कृती:
कोफ्ता करी करताना आधी करी करून घ्यावी. म्हणजे कोफ्ते नरम पडणार नाहीत.
::::करी::::
१) साधारण २ कांदे प्रेशर कूकरमध्ये २-३ शिट्ट्या करून शिजवून घ्यावेत. मिक्सरमध्ये पेस्ट करून घ्यावी.
२) २ मोठे लालबुंद टॉमेटो शिजवून त्याची साले काढावीत, बिया काढून टाकाव्यात. मिक्सरमध्ये प्युरी करून घ्यावीत.
३) कढईत तेल गरम करावे. त्यात आलेलसूण पेस्ट परतावी. हळद, लाल तिखट घालावे व ढवळावे. नंतर कांद्याची पेस्ट घालून मंद आचेवर ५ मिनीटे वाफ काढावी.
४) नंतर टॉमेटो प्युरी घालून ढवळावे.धणेपूड आणि मिठ घालून मंद आचेवर कढई झाकून वाफ काढावी. शेवटी गरम मसाला टाकून वाफ काढावी.
५) अशी ग्रेव्ही तयार करून ठेवावी आणि कोफ्ते घालायच्या आधी त्यात दूध घालून मंद आचेवर ५ मिनीटे उकळवावे.

कोफ्ता
कोफ्त्याच्या कृतीसाठी इथे क्लिक करा

ग्रेव्ही मंद आचेवर गरम करावी व त्यात दूध घालून मिक्स करावे. कढईवर झाकण ठेवून ५ मिनीटे मंद आचेवर उकळू द्यावे, आयत्यावेळी पनीरचे तुकडे घालावे.

तयार कोफ्ते सर्व्हींग प्लेटमध्ये ठेवावेत त्यावर गरम ग्रेव्ही घालावी. कोथिंबीर आणि द्राक्षं घालून सजवावे. नान, रोटी किंवा पोळीबरोबर सर्व्ह करावे.

Labels:
Paneer Kofta Recipe, North Indian food, Indian Curry Recipes, Kofta recipe, Paneer Recipe

कोफ्ता - Kofta

Kofta in English


साहित्य:
१ कप शिजवून किसलेला बटाटा (साधारण २ मध्यम)
१ टेस्पून कॉर्न फ्लोअर
१/४ ते १/२ कप किसलेले पनीर
२ टेस्पून बारीक चिरलेला कांदा
१० ते १२ मनुके/बेदाणे
१ टेस्पून काजूचे तुकडे
१ हिरवी मिरची
१ टिस्पून बटर
तळण्यासाठी तेल
मिठ
कोफ्ता करीच्या रेसिपीसाठी इथे क्लिक करा

कृती:
१) एका लहान कढई मध्यम आचेवर तापवून १ टिस्पून बटर घालावे.त्यात २ टेस्पून चिरलेला कांदा घालून तो ब्राऊन होईस्तोवर परतावा. नंतर त्यात बारीक चिरलेली हिरवी मिरची, काजूचे तुकडे, मनुके घालून १ मिनीट परतावे. शेवटी पनीर आणि मिठ घालून थोडावेळ परतावे आणि हे मिश्रण एका छोट्या वाडग्यात काढावे. थोडे कोमट होवू द्यावे.
२) शिजवून किसलेले बटाटे, १ टेस्पून कॉर्न फ्लोअर आणि थोडे मिठ एकत्र करून निट मळून झाकून ठेवावे.
३) बटाट्याच्या मिश्रणाचे साधारण १० गोळे करावे (१ इंच). प्लास्टिकच्या पिशवीला तेल लावून या मिश्रणाची पुरी लाटावी किंवा हातानेच मोदकासाठी करतो तशी पारी करावी. त्यात आवश्यक तेवढे पनीरचे मिश्रण मध्यभागी ठेवून पुरी सर्व बाजूनी बंद करावी. आणि हे कोफ्ते मध्यम आचेवर गोल्डन रंगावर तळून काढावे.

Labels:
Kofta balls, Paneer Stuffed Potato Balls, Golden brown fried Indian Paneer