लसूण चटणी - Garlic Chutney

Garlic Chutney in English

वेळ: १० मिनिटे
साधारण १/२ कप चटणी

साहित्य:
१० मोठ्या लसूण पाकळ्या किंवा १ मध्यम लसणीचा गड्डा
चवीपुरते मीठ (साधारण १/२ टीस्पून)
४ ते ५ टेस्पून भाजलेल्या शेंगदाण्याचा कूट (भरड)
१/२ टीस्पून आमचूर पावडर
१ टीस्पून लाल तिखट
२ टेस्पून तेल

कृती:
१) लसूण सोलून चिरून घ्यावी. खलबत्ता तयार ठेवावा. त्यात १ टीस्पून लाल तिखट घालून ठेवावे.
२) फोडणीसाठी लहान कढले घेऊन त्यात तेल गरम करावे. तेलात लसूण घालून लसूण थोडी ब्राऊन होईस्तोवर परतावी. हि फोडणी लाल तिखटावर घालावी आणि चमच्याने ढवळावे. (टीप १)
३) या मिश्रणात मीठ, शेंगदाणे कूट, आमचूर पावडर घालावी आणि चांगले कुटून काढावे.
हि चटणी पराठा, डोसा, किंवा नेहमीच्या जेवणात तोंडीलावणी म्हणून खाऊ शकतो.

टीप:
१) लाल तिखट फोडणीत घालू नये कारण तेल आणि कढले दोन्ही गरम असल्याने लाल तिखट करपण्याची शक्यता असते. म्हणून लाल तिखट खलबत्त्यात घालून त्यावर तेल ओतावे.

फ्रुट सलाड - Fruit Salad

Fruit Salad in English

वेळ: २० ते २५ मिनीटे
वाढणी: ४ ते ५ जणांसाठी

साहित्य:
१ मध्यम केळं
१ लहान सफरचंद
१ मध्यम संत्र
१/२ कप द्राक्षं
१/२ कप पिकलेल्या पपईचे मध्यम तुकडे
ड्राय फ्रुट्स: २ टेस्पून बदामाचे काप, १ टेस्पून पिस्त्याचे काप, २ टेस्पून बेदाणे, १ टेस्पून काजू
१/२ कप कंडेंन्स मिल्क
१/२ कप दूध

कृती:
१) फळांची तयारी
द्राक्षं: द्राक्षांचा आकार लहान असेल तर अख्खी द्राक्षं वापरावी. मोठी द्राक्षं असतील तर प्रत्येकाचे दोन भाग करून घ्यावे.
संत्र: संत्र्याचे साल काढून आतील फोडी विलग कराव्यात. प्रत्येक फोड सोलून घ्यावी आणि आतील गर फक्त वापरावा.
पपई: पपई सोलून आतील बिया फेकून द्याव्यात. पपईचे मध्यम तुकडे करावे.
केळं: केळं सोलून त्याच्या मध्यम आकाराच्या फोडी कराव्यात.
सफरचंद: नेहमी सफरचंद शेवटी कापावे म्हणजे काळे पडत नाही. सफरचंदातील बिया काढून टाकाव्यात आणि सफरचंदाचे बारीक किंवा मध्यम तुकडे करावेत.

२) सर्व फळं एकत्र करावीत. त्यात कंडेंन्स मिल्क आणि साधे दुध घालून मिक्स करावे. [दूध आणि कंडेंन्स मिल्कचे प्रमाण कमी-जास्त होवू शकते. म्हणून आधी १/४ कप दूध आणि १/४ कप कंडेंन्स मिल्क एकत्र करून फळांमध्ये घालावे. मिक्स करून चव पाहावी. जर गोडपणा बरोबर असेल पण फ्रुट सलाड जास्त घट्ट झाले असेल तर थोडे साधे दुध घालावे.]
ड्रायफ्रुट्स घालून मिक्स करावे. (थोडे बेदाणे, पिस्ता, बदाम सजावटीसाठी ठेवावे)
फ्रिजमध्ये गार करून जेवणानंतर किंवा जेवणाबरोबर सर्व्ह करावे.

टीप:
१) आवडीनुसार तसेच अव्हेलेबल असल्यास चिकू, डाळींब, स्ट्रॉबेरी, हापूस आंबा, पेरू (कमी बियांचे) इत्यादींचे लहान तुकडे फ्रुट सलाडमध्ये घालू शकतो. (तसेच इतर आंबटगोड किंवा फक्त गोड रसाळ अशी फळे वापरता येतील)

हराभरा कबाब - Hara Bhara Kabab

Hara Bhara Kabab in English

वेळ: ४० मिनीटे
नग: १० ते १२ मध्यम कबाब

साहित्य:
१५ ते २० पालकाची पाने
२ मध्यम बटाटे, उकडून सोललेले व मॅश केलेले
३/४ कप मटार, वाफवलेले
२ ते ३ हिरव्या मिरच्या, एकदम बारीक चिरून
२ टेस्पून कॉर्न फ्लोअर
१/२ टिस्पून आले पेस्ट
१ टिस्पून धणेपूड
१/२ टिस्पून जिरेपूड
१/२ टिस्पून गरम मसाला
१/२ टिस्पून आमचूर पावडर
चवीपुरते मिठ
तळणासाठी तेल
८ ते १० काजू पाकळ्या (विलग करून) (ऐच्छिक)

कृती:
१) सर्वप्रथम पालकाची पाने ब्लांच करून घ्यावीत. - साधारण २ ते ३ कप पाणी उकळण्यास ठेवावे. पाणी उकळले कि पालकाची पानं घालावी आणि २ मिनीटे चमच्याने ढवळावे. नंतर पानं गरम पाण्यातून काढून गार पाण्यात बुडवावीत.
२) हलकेच पालकातील पाणी पिळून घ्यावे. नंतर लहान मिक्सीमध्ये घालावीत. त्यात वाफवलेले मटार, हिरव्या मिरच्याही घालाव्यात. पाणी न घालता किंचीत भरडसर वाटून घ्यावे.
३) हे वाटण मध्यम वाडग्यात घालावे. यात आलं, मॅश केलेले बटाटे, धणेपूड, जिरेपूड, गरम मसाला, आमचूर पावडर, कॉर्न फ्लोअर आणि मिठ घालून मिक्स करावे.
४) हाताला तेल लावून घ्यावे आणि मिश्रणाचे मध्यमसर समान गोळे करून गोल आकार द्यावा. पृष्ठभाग (सरफेस) एकदम प्लेन असावा. तयार कबाब किंचीत दाबून चपटे करावे आणि एका बाजूला काजू चिकटवावा. मिडीयम-हाय आचेवर गुलाबीसर रंग येईस्तोवर तळावे.

टीप:
१) बटाटे व्यवस्थित मॅश करून घ्यावे, गुठळी राहू देवू नये.
२) मिश्रण गरजेइतके कोरडे राहण्यासाठी पालक निट पिळून घ्या. तसेच मटार वाफवल्यावर व्यवस्थित निथळून घ्या. कारण मिश्रण ओलसट झाले तर जास्त कॉर्न फ्लोअर घालावे लागेल आणि त्यामुळे चव बिघडेल.
३) जर एकदम हिरवेगार कबाब हवे असतील तर किंचीत (लहान चिमटी) खायचा हिरवा रंगही घालू शकतो.

गवारीची भाजी - Gawarichi Bhaji

Gawarichi Bhaji in English

वेळ: पूर्वतयारी १५ मिनीटे । पाकृसाठी २० मिनीटे
वाढणी: २ ते ३ जणांसाठी

साहित्य:
पाव किलो गवार
फोडणीसाठी:- १ टेस्पून तेल, २ चिमटी मोहोरी, १ चिमटी जिरे, २ चिमटी हिंग, १/४ टिस्पून हळद, १/४ टिस्पून लाल तिखट
१ मध्यम बटाटा, सोलून मध्यम फोडी कराव्यात (टीप १ व २)
२ ते ४ टेस्पून ताजा नारळ
१ टेस्पून दाण्याचा कूट
२ टिस्पून गूळ किंवा चवीपुरता
१/२ टिस्पून गोडा मसाला
चवीपुरते मिठ

कृती:
१) गवार स्वच्छ धुवून घ्यावी. प्रत्येक गवारीची दोन्ही बाजूची देठं मोडावीत आणि शिर असेल तर काढून टाकावी. गवारीचे १/२ ते १ इंचाचे तुकडे मोडून घ्यावेत.
२) गवार कूकरमध्ये २ शिट्ट्या करून वाफवून घ्यावी. वाफवताना गवारीमध्ये पाणी घालू नये. (वाफवण्यासाठी कूकरच्या तळाशी १ इंच पाणी असावे. गवार कूकरच्या आतील डब्यात ठेवावी व या डब्यात पाणी घालू नये.)
३) कढईत तेल गरम करावे. मोहोरी, जिरे, हिंग, हळद घालून फोडणी करावी. प्रथम बटाटे फोडणीस टाकावे. २-३ वाफा काढून बटाटा शिजू द्यावा. बटाटा ८० ते ९० % शिजला कि वाफवलेली गवार घालावी. निट मिक्स करावे.
४) लाल तिखट, गोडा मसाला, नारळ, दाण्याचा कूट आणि थोडे मिठ घालावे. मध्यम आचेवर १-२ वाफा काढाव्यात. नंतर गूळ घालून १ वाफ काढावी.
हि भाजी पोळीबरोबर किंवा गरमगरम तूप-वरण-भाताबरोबर झकास लागते.

टीप:
१) शिजवलेला बटाटाही वापरू शकतो. फक्त बटाटा शिजवून थोडावेळ फ्रिजमध्ये ठेवावा. गवार आणि बटाटा एकत्रच फोडणीस घालावे, बटाटा शिजलेला असल्या कारणाने अजून शिजवायची गरज नाही.
२) बटाट्याऐवजी काळे वाटाणे गवारीच्या भाजीत अधिक छान लागतात. जर काळे वाटाणे वापरायचे असतील तर ७-८ तास वाटाणे पाण्यात भिजत ठेवावेत व कूकरमध्ये शिजवून घ्यावेत.
३) हि भाजी थेट कूकरमध्येही फोडणीस टाकू शकतो, म्हणजे गवार वेगळी शिजवायची गरज नाही. लहान कूकरमध्ये फोडणी करून घ्यावी. त्यात मोडलेली गवार, बटाटा/ भिजवलेले काळे वाटाणे फोडणीस टाकावे. इतर साहित्यही घालावे व थोडे पाणी घालावे. २ ते ३ शिट्ट्या होवू द्याव्यात. वाफ मुरली कि कूकर उघडून वाटल्यास १ उकळी काढावी.

हक्का नुडल्स - Hakka Noodles

Hakk Noodles in English

वेळ: ३० मिनीटे
वाढणी: २ जणांसाठी

साहित्य:
२ नूडल्स केक्स (५० ग्राम प्रत्येकी)
१ टेस्पून तेल
१/२ टेस्पून सोया सॉस
५ मोठ्या लसूण पाकळ्या
१/२ इंच आलं
१ टेस्पून मसाला चिली सॉस (मी मॅगी मसाला चिली सॉस वापरला होता) (टीप १ व २)
१ टेस्पून टोमॅटो पेस्ट
चवीपुरते मिठ
१/२ टिस्पून व्हिनेगर
भाज्या: भोपळी मिरची, गाजर, कोबी, मश्रुम, पाती कांदा - पातळ उभे चिरून
(भाज्या सममसान घ्याव्या तसेच शिजलेल्या नूडल्सच्या १/३ प्रमाणात असाव्यात)
२ ते ३ टेस्पून पाती कांदा, बारीक चिरून

कृती:
१) जवळजवळ ६ कप पाणी मोठ्या पातेल्यात उकळत ठेवावे. त्यात १-२ चमचे मिठ घालावे. पाणी उकळले कि नूडल्स घालाव्यात आणि शिजू द्याव्यात. नूडल्स ९०% शिजल्या कि लगेच गार पाण्यात घालाव्यात.
२) लसूण+आलं+चिली सॉस+टोमॅटो पेस्ट एकत्र करून बारीक पेस्ट बनवून घ्यावी.
३) कढईत तेल तापवावे. त्यात तयार केलेली पेस्ट घालून परतावे. काही सेकंद परतावे.
४) भाज्या घालून साधारण १० ते १२ सेकंद, मोठ्या आचेवर परतावे. नंतर नूडल्स मधील पाणी काढून त्या घालाव्यात. सोया सॉस घालून निट मिक्स करावे. शेवटी व्हिनेगर घालून मिक्स करावे. लागल्यास थोडे मिठ घालावे. पाती कांदा वरती सजवावा व गरमा गरम सर्व्ह करावे.

टीपा:
१) लहान मुलांसाठी बनवताना चिली सॉस न वापरता साधा टोमॅटो सॉस वापरावा. तसेच आलं लसूणसुद्धा तिखटपणा वाढवते. त्याचे प्रमाण कमी करावे.
२) मसाला चिली सॉस बर्‍यापैकी तिखट असतो. पण अजून तिखटपणा वाढवायचा असल्यास चिमूटभर रेड चिली फ्लेक्स नूडल्सवर पेरावे.

गुळपोळी - gulpoli

Gulpoli in English

वेळ: साधारण २ तास
नग: जवळपास २५ मध्यम गुळपोळ्या

साहित्य:
सारणासाठी
१/२ किलो गूळ
१ कप बेसन
२ सुक्या नारळाच्या वाट्या
३/४ कप तिळ
१/२ कप शेंगदाणे
१/२ कप खसखस
१/२ कप तेल
आवरणासाठी
दिड कप मैदा
३/४ कप कणिक
२ टेस्पून तेल
चिमूटभर मिठ
२ टेस्पून बेसन (ऐच्छिक)

कृती:
१) सुक्या नारळाच्या वाट्या किसून घ्याव्यात. सोनेरी रंग येईस्तोवर कोरडेच भाजावे. हाताने चुरून घ्यावे. हा चुरा आपल्याला १/२ ते ३/४ कप हवा आहे. कमी असल्यास अजून थोडं खोबरं भाजून चुरा करावा.
२) तिळ व खसखस स्वतंत्र, कोरडेच भाजून घ्यावे. बारीक पूड करून घ्यावी
३) शेंगदाणे भाजून त्याची साले काढून टाकावीत आणि एकदम बारीक कूट करून घ्यावा.
४) एका मध्यम पण जाड बुडाच्या पातेल्यात १/२ कप तेल गरम करावे. त्यात १ कप बेसन खमंग भाजून घ्यावे.
५) गूळ बारीक किसणीवर किसून घ्यावा. सर्व भाजलेले जिन्नस (तिळ, खसखस, शेंगदाणे, बेसन, सुकं खोबरं) गूळामध्ये घालून मळून घ्यावे आणि घट्ट गोळा करावा.
६) मैदा, कणिक, मिठ आणि बेसन (ऐच्छिक) एकत्र करावे. २ टेस्पून तेल कडकडीत गरम करून पिठात घालावे. पाणी घालून मध्यमसर घट्ट गोळा भिजवावा. लागल्यास थोडे साधं तेल घालावे. १५ मिनीटे झाकून ठेवणे.
७) सारणाचे २३ ते २५ सारख्या आकाराचे गोळे करून घ्यावे.
८) आवरणासाठी आपल्याला "१ सारण गोळ्याला २ पिठाचे गोळे" हवे आहेत त्यानुसार सारणाच्या गोळ्यापेक्षा जरा लहान असा पिठाचा गोळा करावा.
९) २ पिठाच्या लाटयांमध्ये १ सारणाचा गोळा भरून लाटीच्या कडा सिल करून बंद करावा. हाताने हलके प्रेस करून थोड्या कोरड्या पिठावर पोळी लाटावी. गुळाची पोळी एका बाजूनेच लाटावी, बाजू पलटू नये.
१०) मिडीयम हाय हिटवर तवा तापवून दोन्ही बाजू खरपूस भाजून घ्याव्यात. कागदावर काढून किंचीत गार होवू द्याव्यात. एकदम गरम खावू नये, सारणातील गूळ गरम असल्याने चटका बसू शकतो.
गुळपोळी गार किंवा कोमट दोन्हीप्रकारे छान लागते. गुळपोळीवर नेहमी थोडे तूप घालून खावे म्हणजे उष्ण पडत नाही.

टीप्स:
१) पिठांचे प्रमाण आवडीनुसार बदलू शकतो. जर तुम्हाला खुडखुडीत पोळी हवी असेल तर मैदा जास्त आणि कणिककमी वापरावी तसेच गरम तेलाचे मोहनही घालावे. जर थोडी नरम पोळी हवी असेल तर फक्त गव्हाचे पिठ वापरावे आणि थंड तेलाचेच मोहन घालावे.

जाड पोह्यांचा चिवडा - Thick Poha Chivda

Fried Pohe Chiwda in Marathi

वेळ: साधारण १ तास
वाढणी: १० ते १२ प्लेट

साहित्य:
३ कप जाडे पोहे
१/२ कप शेंगदाणे
१/४ कप सुक्या खोबर्‍याचे पातळ काप
१/४ कप काजूचे तुकडे
१/४ कप चणा डाळं
५ ते ६ सुक्या मिरच्या किंवा १ टिस्पून लाल तिखट
५ ते ६ कढीपत्ता पाने
१/२ टिस्पून हळद
३ टिस्पून पिठी साखर
१/४ टिस्पून जिरेपूड
१ ते दिड कप तेल

कृती:
१) कढईत तेल गरम करा. तेलात शेंगदाणे, काजू, सुके खोबरे, कढीपत्ता, आणि चण्याचं डाळं वेगवेगळे तळून घ्या. एका परातीत हे सर्व काढून ठेवा.
२) उरलेल्या तेलात जाडे पोहे तळून घ्या. पोहे चांगले फुलले पाहिजेत पण रंग पांढरा शुभ्रच राहिला पाहिजे.
३) तळलेले पोहे परातीमध्ये काढावे. यामध्ये हळद, तिखट, जिरेपूड, मिठ आणि साखर घालून मिक्स करावे. तळलेले शेंगदाणे, काजू, खोबरे आणि डाळंही मिक्स करावे.
तळलेल्या पोह्याचा चिवडा तयार!

टीप्स:
१) पोहे शेवटीच तळावेत. कारण पोह्यातील बारीक कण जळून तेलाच्या तळाशी राळ बसतो.
२) पोह्यातील बारीक कण तेलात जळतात आणि तळाला बसतात. म्हणून कढईत एक लहान मेटलची चाळणी किंवा मेटलचे गाळणे घेऊन त्यात पोहे ठेवावे आणि हि चाळणी गरम तेलात बुडवून पोहे फुलेस्तोवर तळावे. पोहे फुलले कि लगेच चाळणी वर काढावी. म्हणजे पोहे तेलात सर्वत्र पसरणार नाहीत. तसेच तेलात जळलेले पोह्यातील कण तळाशीच राहतात.
३) चवीनुसार हळद, साखर, जिरेपूड, मिठ आणि लाल तिखट यांचे प्रमाण अड्जस्ट करावे. जर सुक्या लाल मिरच्या वापरणार असाल तर लाल तिखट घालू नये.
४) चण्याचं डाळं म्हणजे भाजकं डाळं जे आपण साध्या चिवड्यात वापरतो.

गार्लिक ब्रेड - Garlic Bread

Garlic bread in English

वेळ: साधारण १५ मिनीटे
१० ब्रेड स्लाईस

साहित्य:
१ फुट, फ्रेंच ब्रेडचा लोफ
कोशर मिठ किंवा साधे मिठ चवीप्रमाणे
२ ते ३ चिमटी ड्राय हर्ब्स (मी रोजमेरी आणि ओरेगानो वापरले होते)
गार्लिक बटर बनवण्यासाठी
४ टेस्पून बटर
१ टेस्पून ऑलिव ऑईल
५ लसणीच्या पाकळ्या, बारीक किसलेल्या

कृती:
१) ओव्हन ४०० F वर प्रिहीट करावे.
२) ब्रेड आडवा कापून दोन तुकडे करावे.
३) गार्लिक बटर स्प्रेड बनवण्यासाठी बटर १० सेकंद मायक्रोवेवमध्ये गरम करावा. उकळी येऊ देवू नये, फक्त बटर नरम होईल इतपतच गरम करावे. नंतर यात ऑलिव ऑईल आणि किसलेले लसूण घालून निट मिक्स करावे.
जर तुमच्याकडे मायक्रोवेव नसेल तर लहान पातेल्यात मध्यम आचेवर ऑलिव ऑईल कोमट करावे. त्यात बटर आणि किसलेले लसूण घालून व्यवस्थित मिक्स करावे.
४) तयार गार्लिक स्प्रेड ब्रेडच्या आतील पांढर्‍या भागावर लावावा तसेच डाव्या-उजव्या कडांनाही लावावा. ओरेगानो बोटांनी चुरगाळून पावावर भुरभूरावा. ५ ते ८ मिनीटे बेक करावे किंवा कडा लाईट ब्राऊन होईस्तोवर बेक करावे. चवीपुरते मिठ भुरभूरावे.
कटींग बोर्डवर बेक केलेला ब्रेड ठेवावा आणि धारदार सुरीने कापावा. १ ते दिड इंचाच्या स्ट्रिप्स कराव्यात. गार्लिकब्रेड जनरली, टोमॅटो पास्ता सॉसबरोबर सर्व्ह करतात पण नुसताही छान लागतो.

टीप:
१) स्प्रेड लावण्यापुर्वीही तुम्ही ब्रेडचे स्लाईस करू शकता. पण, त्यासाठी जास्त स्प्रेड बनवावा लागेल कारण प्रत्येक स्लाईसच्या ३ पांढर्‍या कडांना बटर स्प्रेड लावावा लागेल. तसेच ब्रेड स्ट्रिप्स जास्त बटर लावल्याने खुपच बटरी लागतील.

Labels:
Garlic Bread, Homemade garlic bread sticks

घडीच्या पोळ्या - Ghadichya Polya

Ghadichya Polya in English

वेळ: १५ ते २० मिनीटे
५ ते ६ पोळ्या



साहित्य:
१ कप पिठाची मळलेली कणिक (५ ते ६ मध्यम गोळे)
थोडे तेल
१/२ कप कणकेचे कोरडे पिठ

कृती:
१) तवा गरम करण्यास ठेवावा. कणकेचा एक गोळा घेऊन हाताने चपटा करावा. थोडे पिठ लावून ३ ते ४ इंच व्यासाची पुरी लाटावी. त्यावर थोडे तेल पसरवावे. आणि किंचीत कोरडे पिठ भुरभुरावे.
२) नंतर एक घडी करून अर्धगोल तयार करावा. त्यावरही थोडा तेलाचा हात आणि कोरडे पिठ भुरभुरावे. आणि परत घडी करावी. आता आकार त्रिकोणीसर झाला असेल. एका कोनावर लाटणे फिरवून पोळी गोलसर लाटावी. लागल्यास थोडे कोरडे पिठ लावावे.
३) पोळी नेहमीप्रमाणे तव्यावर भाजून घ्यावी.
पोळी भाजली गेली कि तव्यावरून काढून थोडी चुरगाळून घ्यावी यामुळे पोळीचे छान पदर सुटतील. तेल किंवा पातळ तूप लावून गरम सर्व्ह कराव्यात किंवा डब्यात भराव्यात.
अशाप्रकारे सर्व पोळ्या भाजून घ्याव्यात.

टीप:
१) घडीच्या पोळ्या करताना वरील कृतीप्रमाणे आतमध्ये तेल आणि पिठ लावून सर्व त्रिकोण तयार करून घ्यावेत. आणि मग पोळ्या लाटून भाजाव्यात म्हणजे पोळ्या करताना जास्त वेळ मोडणार नाही.

Labels:
Poli, Chapati, Ghadichya Polya, Roti, Indian Flat bread

गुलाबजाम - Gulabjamun

Gulabjam in English

सर्व चकलीच्या वाचकांना नववर्षाच्या आणि गुढीपाडव्याच्या हार्दिक शुभेच्छा !!

साधारण १५ ते १८ गुलाबजाम
वेळ: साधारण १ ते सव्वा तास

साहित्य:
२५० ग्राम गुलाबजामचा खवा
साखरेचा पाक बनवण्यासाठी
दिड कप साखर
सव्वा कप पाणी
१/२ टिस्पून वेलचीपावडर
इतर साहित्य
तळण्यासाठी तेल किंवा तूप
१ टेस्पून मैदा
गरजेप्रमाणे दुध
चिमूटभर बेकिंग सोडा

कृती:
१) खव्याचा गोळा बारीक किसणीवर किसून घ्यावा. यात मैदा आणि अगदी किंचीत बेकिंग सोडा घालावा. निट मिक्स करावे. किंचीत दुध शिंपडून मळून घ्यावे. लागल्यास अगदी थोडे तूप हाताला लावून मध्यम मळावे. ओल्या कपड्याने हा गोळा झाकून ठेवावा.
२) दिड कप साखर, सव्वा कप पाणी एकत्र करून उकळत ठेवावे. एकतारी पाक करून घ्यावा. वेलचीपूड घालावी. पाक तयार होत असतानाच मळलेल्या गोळ्याचे दिड ते दोन सेमीचे गोळे बनवावे. गोळ्यांना चिर असू नये त्यामुळे तेलात टाकल्यावर गुलाबजाम फुटतात.
३) तेल व्यवस्थित गरम करून आच मध्यम (मिडीयम लो) करावी. तेलाचे तापमान तपासण्यासाठी प्रथम एक गोळा टाकावा. जर गोळा लगेच वर तरंगला तर तेल जास्त तापले आहे असे समजावे. आधी गोळा तळाला जाऊन काही सेकंदांनी तेलावर तरंगला पाहिजे. म्हणजे तेलाचे तापमान बरोबर आहे असे समजावे. मग आता जास्त गोळे तळणास सोडावेत. हे तरंगलेले गोळे अलगदपणे झार्‍याने गोलगोल हलवावे म्हणजे सर्व बाजूंनी एकसारखा रंग येईल. तसेच तळताना गुलाबजामवर तेल उडवावे म्हणजे निट तळले जातील. लालसर रंग आला कि तळलेले गोळे तेलातून बाहेर काढावे. व गुलाबजामची दुसरी बॅच तळून होईस्तोवर वार्‍यावर ठेवावी.
४) वरील पद्धतीनेच गुलाबजामची दुसरी बॅच तळण्यास सोडावी. गुलाबजाम तळावेत, बाहेर काढावेत आणि तळलेली पहिली बॅच गरम पाकात सोडावी. पाक एकदम उकळता गरम असू नये तसेच कोमटही नसावा.
गुलाबजाम पाकात किमान ५ ते ६ तास मुरवावे. शक्यतो आदल्या रात्री करून मुरवल्यास व्यवस्थित मुरतात.

टीप:
१) काही जणांना गुलाबजामला गुलाबाचा सुगंध आवडतो त्यासाठी पाकात १ ते २ थेंब रोज इसेंस घालावा.
२) जरा वेगळ्या पद्धतीने गुलाबजाम करायचे असतील तर खव्याचा गोळा वळताना लहान आकाराचे ड्रायफ्रुटचे तुकडे (काजू तुकडा, पिस्ता), खडीसाखरेचा चौकोन किंवा वेलचीचा दाणा असे गोळ्याच्या मध्यभागी घुसवून निट गोळा वळावा आणि तळावे.
३) मैद्याऐवजी आरारूट पावडर किंवा कॉर्न फ्लोर वापरले तरी चालते.
४) गुलाबजाम तळताना तेलाचे तापमान फार महत्त्वाचे असते. जास्त गरम तेल असेल तर गुलाबजामला लगेच लालसर रंग येतो पण आतून कच्चाच राहतो. आणि पाकात टाकल्यावर न शिजलेल्या भागात पाक मुरत नाही. त्यामुळे सुरूवातीला एकदोन गुलाबजाम टाकून तापमान अड्जस्ट करून घ्यावे.
५) गुलाबजामसाठीचा पाक खुप घट्ट करू नये त्यामुळे पाक गुलाबजाममध्ये निट मुरत नाही.
६) गुलाबजामसाठी वेगळा रवाळ असा खवा मिळतो तो वापरावा.

Labels:
Gulabjamun, Gulabjam, gulabjam from khoya

फरसबी कोशिंबीर - Farasbi Koshimbir

Farasbichi Koshimbir in English

वाढणी: २ जणांसाठी
वेळ: १३ ते २० मिनीटे

साहित्य:
१ कप पातळ चिरलेली फरसबी (गोल चकत्या)
१ हिरवी मिरची
१/२ ते १ टिस्पून लिंबाचा रस
२ टेस्पून दाण्याचा कूट
२ टेस्पून ताजा खोवलेला नारळ
२ टेस्पून कोथिंबीर, बारीक चिरलेली
चवीपुरते मिठ
चवीपुरती साखर (साधारण १/२ टिस्पून)

कृती:
१) पातळ चिरलेली फरसबी कूकरमध्ये पाणी न घालता वाफवून घ्यावी. (टीप १)
२) मिरची बारीक चिरून त्यात चिमटीभर मिठ घालावे आणि मिरची व्य्वस्थित चुरडून घ्यावी.
३) वाफवलेली फरसबी एका वाडग्यात घ्यावी त्यात चुरडलेली मिरची, दाण्याचा कूट, नारळ, कोथिंबीर, मिठ, साखर घालून मिक्स करावे. चव पाहून कमी असलेला जिन्नस आवडीप्रमाणे घालावा.
जेवणात हि कोशिंबीर तोंडीलावणी म्हणून छान लागते.

टीप:
१) 'फरसबी पाणी न घालता शिजवावी' म्हणजे कूकरच्या तळाशी १ भांडे पाणी घालावे. तळाशी कूकरची जाळी असेल तर ती ठेवावी. कूकरच्या आतील डब्यात चिरलेली फरसबी ठेवावी व या डब्यात पाणी घालू नये. कूकर लावून साधारण १ ते २ शिट्ट्यांवर फरसबी शिजू द्यावी.
२) फोडणी न घालता ही कोशिंबीर छानच लागते, पण जर तुम्हाला जिर्‍याची फोडणी घालायची असेल तर, कढल्यात तूप गरम करून त्यात जिरे आणि हिंग घालून हि फोडणी तयार कोशिंबीरीत घालावी. आणि चमच्याने छान मिक्स करावे.
३) आवडत असल्यास थोडे दही घातले तरी छान चव येते. दही घातल्यास किंचीत मिरचीचे प्रमाण वाढवावे.

Labels:
Farasbi koshimbir, Maharashtrian Koshimbir recipes, Raita recipes

ग्रिक सलाड - Greek Salad

Greek Salad in English

वाढणी: १ मध्यम बाऊल
वेळ: १५ मिनीटे


साहित्य:
२ लेटुयुसची पाने, हातानेच तोडून घ्यावी (१ ते २ इंचाचे तुकडे)
१ लहान टोमॅटो, उभे काप करून
काकडीच्या ५ ते ६ पातळ चकत्या (काकडी सोलून)
लाल मुळ्याच्या ५ ते ६ पातळ चकत्या
१ पाती कांदा, १ इंचाचे तिरपे काप
लाल कांद्याची १ पातळ चकती, मोकळी करून
ड्रेसिंग:
१ टेस्पून ऑलिव ऑईल
१ टिस्पून लिंबाचा रस
चिमूटभर ड्राय ओरेगानो
१ लहान लसूण पाकळी, एकदम बारीक किसून
चवीनुसार मिठ आणि मिरपूड

कृती:
१) एक मोठे भांडे (मिक्सिंग बोल) घ्यावे. ड्रेसिंगच्या खाली दिलेले जिन्नस या भांड्यात एकत्र करावे. नीट मिक्स करावे.
२) सर्व्ह करायच्या वेळी लेटुयुसच्या पानाव्यतिरीक्त इतर भाज्या (कांदा, टोमॅटो, काकडी, मुळा, पाती कांदा) तयार ड्रेसिंगमध्ये अलगद हातांनी घोळवाव्या.
३) या घोळवलेल्या भाज्यांमध्ये लेट्युसची तोडलेली पाने घालावीत आणि हलकेच टॉस करा. खुप जास्तवेळ मिक्स करू नकात यामुळे भाज्यांचा, खासकरून लेट्युसचा करकरीतपणा जाऊन भाज्या कोमेजतात.
सलाड तयार झाले कि लगेच सर्व्ह करावे.

Labels:
Greek Salad, Greek Salad Dressing, Lettuce salad, Vegetable greek salad

हळदीचे लोणचे - Turmeric Pickle

Turmeric Pickle in English

१/२ कप लोणचे
वेळ: १५ ते २० मिनीटे

साहित्य:
१/२ कप किसलेली ओली हळद (कृती क्र. ३)
१० ते १२ मेथी दाणे
६ ते ७ हिरव्या मिरच्या
एका लिंबाचा रस
१ टेस्पून किसलेले आले
३/४ ते १ टिस्पून कुटलेली मोहोरी
फोडणीसाठी: १ टेस्पून तेल, १/२ टिस्पून मोहोरी, १/२ टिस्पून हिंग

कृती:
१) कढल्यात तेल गरम करावे. त्यात मेथी दाणे तळून घेऊन बाजूला काढावे.
२) त्याच तेलात मोहोरी घालून तडतडू द्यावी, हिंग घालून फोडणी तयार करावी. हि फोडणी दुसर्‍या एका भांड्यात ओतून गार होवू द्यावी.
३) ओली हळद स्वच्छ धुवून सोलावी व किसून घ्यावी. हिरव्या मिरच्या बारीक चिरून घ्याव्यात. तळलेले मेथी दाणे कुटून घ्यावे.
४) एका वाडग्यात किसलेली हळद, किसलेले आले, लिंबाचा रस, हिरव्या मिरच्या, मिठ, कुटलेली मोहोरी, कुटलेले मेथी दाणे असे सर्व एकत्र करावे. थंड केलेली फोडणी यामध्ये घालून निट मिक्स करावे.
हे लोणचे लगेच खायला घेतले तरी चालते. तसेच हवाबंद बरणीत १५ दिवस फ्रिजमध्ये सहज टिकते.

टीप:
१) जर किसलेले लोणचे नको असेल तर हळद सोलून बारीक तुकडे करावे. पण किसलेली हळद चांगली मिळून येते.

Labels:
Turmeric Pickle, Turmeric root pickle, olya Haladiche Lonche

फालूदा - Falooda

Falooda in English

वाढणी ४ जणांसाठी
वेळ: १० मिनीटे (साहित्य तयार असल्यास)



साहित्य:
८ स्कूप्स वेनिला आईसक्रिम
१/२ कप रूह अफ्जा रोझ सिरप
२ टेस्पून सब्जा बी
२ ते ३ कप थंड दूध
२ टेस्पून ड्राय फ्रुट्स, छोटे तुकडे
१ पॅकेट फालूदा शेवया
१ कप स्ट्रॉबेरी फ्लेवरची जेली
४ टेस्पून टूटी-फ्रुटीचे तुकडे
सजावटीसाठी चेरी

कृती:
१) फालूदा बनवायच्या किमान ५ तास आधी जेली बनवून फ्रिजमध्ये सेट करण्यास ठेवावी. जेली बनवण्यासाठी जेली पावडर आणून पाकीटावरील कृती वाचून जेली बनवावी.
२) सब्जा बी फालूदा बनवण्याच्या किमान २ ते ४ तास आधीच १/२ कप पाण्यात भिजवून ठेवाव्यात.
३) १ लिटर पाणी उकळवावे त्यात फालूदाच्या शेवया घालून ४ ते ५ मिनीटे शिजवाव्यात. गरम पाणी काढून टाकावे व थंड पाणी घालून दुसर्‍या भांड्यात थंड पाण्यासकट ठेवून द्यावे.
४) दुध आणि रोझ सिरप मिक्स करून घ्यावे. गोडपणा जर कमी वाटत असेल तर अजून थोडे रोझ सिरप घालावे. ढवळून तयार ठेवावे.
५) फालूदा बनवायच्या वेळेस ४ ग्लास घ्यावे . त्यात भिजवलेले सब्जा बी, जेली, शिजवलेल्या शेवया, आईसक्रिमचा १ स्कूप, दुध आणि परत त्यावर १ स्कूप वेनिला आईसक्रिम घालावे. ड्रायफ्रुट्स आणि चेरीने सजवावे. लगेच सर्व्ह करावे. सर्व्ह करताना ग्लासमध्ये १ स्ट्रॉ आणि चमचा घालून द्यावा.

टीप:
१) फालुदाच्या मधल्या लेयरमध्ये स्ट्रॉबेरी, द्राक्षं, अननसाचे तुकडे इत्यादी आंबटगोड चवीची फळे घातल्यास फालुदा दिसायला आकर्षक तसेच चवीला स्वादिष्ट लागतो.
Labels:
Falooda, Indian Dessert, Phalooda

फरसबीची भाजी - Farasbichi bhaji

Farasbichi Bhaji in English

२ ते ३ जणांसाठी
वेळे: २५ मिनीटे

साहित्य:
पाव किलो कोवळी फरसबी, चकत्या चिरून
१ टेस्पून तेल
फोडणीसाठी: १/८ टिस्पून मोहोरी, १/४ टिस्पून जिरे, १/८ टिस्पून हिंग, १/४ टिस्पून हळद, १/२ टिस्पून तिखट
४ कढीपत्ता पाने
२ टेस्पून ओला नारळ
१ टेस्पून शेंगदाण्याचा कूट
१ टिस्पून गोडा मसाला
१ टिस्पून गूळ
२ आमसुलं
चवीपुरते मिठ
सजावटीसाठी कोथिंबीर

कृती:
१) फरसबी बारीक चिरून घ्यावी. कूकरमध्ये २ शिट्ट्या करून फरसबी शिजवून घ्यावी. शिजवताना फरसबीत मिठ घालावे.
२) कढईत तेल गरम करून त्यात मोहोरी, जिरे, हिंग, हळद, तिखट, कढीपत्ता घालून फोडणी करावी. ओला नारळ घालून परतावे. त्यात शिजवलेली फरसबी घालावी. १/२ कप पाणी घालावे. त्यात शेंगदाण्याचा कूट, गोडा मसाला, गूळ आणि आमसुलं घालून मध्यम आचेवर थोडावेळ वाफ काढावी.
कोथिंबीरीने सजवून पोळीबरोबर सर्व्ह करावी.

Labels:
Green beans stir fry, French beans, farasbichi bhaji

गोभी मसाला - Gobhi Masala

Gobi Masala in English

वाढणी: २ ते ३ जणांसाठी


साहित्य:
२०० ग्राम कॉलीफ्लॉवरचे तुरे
२ टेस्पून तेल
३ हिरव्या मिरच्या
१/२ टिस्पून हळ्द
१ टेस्पून आलेलसूण पेस्ट
३/४ कप कांदा, बारीक चिरून (१ मध्यम)
१ कप टोमॅटो, बारीक चिरून (२ मध्यम)
३/४ कप दही
१ टिस्पून धणेपूड
१ टिस्पून जिरेपूड
चवीपुरते मिठ
१ टेस्पून कसूरी मेथी
कोथिंबीर सजावटीसाठी
तेल, कॉलीफ्लॉवरचे तुरे तळण्यासाठी

कृती:
१) कॉलीफ्लॉवरचे तुरे पाण्याने स्वच्छ धुवून घ्यावेत. पाणी पाघळून घ्यावे आणि पेपर टॉवेलने अधिकचे पाणी टिपून घ्यावे. तळणीसाठी तेल तापत ठेवावे. त्यात मध्यम आचेवर कॉलीफ्लॉवरचे तुरे गोल्डन ब्राऊन रंगावर तळून घ्यावे.
२) एका पॅनमध्ये २ टेस्पून तेल गरम करावे. त्यात हळद आणि आलेलसूण पेस्ट घालून ३० सेकंद परतावे. नंतर हिरव्या मिरच्या आणि चिरलेला कांदा घालून कांदा शिजेस्तोवर परतावे.
३) कांदा निट परतला गेला कि त्यात चिरलेले टोमॅटो घालून, टोमॅटो मऊ होईस्तोवर शिजवावेत. नंतर धणे-जिरेपूड घालून मिक्स करावे. लगेच तळलेले कॉलीफ्लॉवरचे तुरे घालून हलक्या हाताने मिक्स करावे. गॅस मंद आचेवर ठेवावा आणि दही घालून मिक्स करावे. चवीपुरते मिठ घालावे आणि गरजेनुसार थोडे पाणी घालून ढवळावे. मंद आचेवर ३ ते ४ मिनीटे शिजू द्यावे.
४) कसूरी मेथी चुरून पावडर करून घ्यावी आणि भाजीत घालावी. मिक्स करून मंद आचेवर पॅनवर झाकण ठेवून काही मिनीटे वाफ काढावी.
कोथिंबीरीने सजवून पोळी, रोटी किंवा नानबरोबर सर्व्ह करावे.

Labels:
Gobi Masla, how to make Gobi Masala, Cauliflower curry

इडली फ्राय - Idli Fry

Idli Fry in English

वाढणी: ३ जणांसाठी (प्रत्येकी ६ तुकडे)



साहित्य:
६ उरलेल्या इडल्या
तळण्यासाठी तेल
१/४ टिस्पून मिठ
१/२ टिस्पून लाल तिखट
१/२ टिस्पून चाट मसाला

कृती:
प्लेन इडली फ्राय बनवण्यासाठी
कढईत तेल गरम करत ठेवावे. प्रत्येक इडलीचे ३ उभे तुकडे करावे किंवा आवडीच्या शेपमध्ये कापावेत. गरम तेलात मिडीयम हाय गॅसवर तळून काढा. इडलीमध्ये आधीच मिठ असल्याने गरज असल्यास थोडे मिठ भुरभूरावे.
मसालेदार इडली बनवण्यासाठी
वरील प्रमाणेच इडल्या तळून घ्याव्यात. गरम असतानाच त्यावर थोडे मिठ, तिखट आणि चाट मसाला भुरभूरवून निट मिक्स करावे.

गरमागरम इडली फ्राय टोमॅटो केचप किंवा चटणीबरोबर खावे.

Labels:
Idli Fry, Fried Idli, Spicy Idli fry

गाजराची कोशिंबीर - Gajarachi Koshimbir

Carrot and Tomato Salad in English

वाढणी: २ ते ३ जणांसाठी

साहित्य:
१ कप गाजराचा किस (३ मध्यम गाजरं)
१ मध्यम टोमॅटो
२ लहान हिरव्या मिरच्या
२ टेस्पून कोथिंबीर, बारीक चिरून
२ टेस्पून शेंगदाण्याचा कूट
१ टिस्पून लिंबाचा रस
चिमूटभर हिंग
१/२ टिस्पून जिरे
१ टिस्पून तूप
१ टिस्पून साखर, किंवा चवीनुसार
चवीनुसार मिठ

कृती:
१) गाजराचा किस एका वाडग्यात घ्यावा. त्यात टोमॅटो बारीक चिरून घालावा. मिरच्या चिरून घ्याव्यात, थोडे मिठ घालून चुरडाव्यात आणि गाजराच्या किसात घालाव्यात. (टीप १)
२) यामध्ये शेंगदाण्याचा कूट, लिंबाचा रस, कोथिंबीर, मिठ आणि साखर घालून हलक्या हाताने मिक्स करावे.
३) कढल्यात तूप गरम करून त्यात हिंग, जिर्‍याची फोडणी करावी. हि गरम फोडणी लगेच कोशिंबीरीत घालावी आणि छान मिक्स करावे.
जेवताना तोंडीलावणी म्हणून हि कोशिंबीर छान लागते.

टीप:
१) मिरच्या चुरडून घालायच्या नसतील तर तूपाची फोडणी करतो त्यात चिरलेल्या मिरच्या घालाव्यात म्हणजे सर्व कोशिंबीरीला मिरचीचा तिखटपणा लागतो.
२) डाएटमुळे तुपाची फोडणी टाळायची असेल फोडणी न घालता, जिर्‍याचा स्वाद लागावा म्हणून एक-दोन चिमटी जिरेपूड घालावी.

Labels:
Gajarachi Koshimbir, Gajar Koshimbir, Carrot Salad

ग्वाकामोले - Guacamole

Guacamole in English

आवोकाडो हे खुप पौष्टीक आणि चविष्ट असे फळ आहे. भारतात आवोकाडो पाहायला मिळत नाही पण अमेरीकेतील बाजारात तरी अगदी सहज available असतो. कॉर्न चिप्सबरोबर आवोकाडो डीप किंवा ग्वाकामोले संध्याकाळच्या खाण्यासाठी चांगला आणि healthy पर्याय आहे. त्याचीच ही झटपट कृती.
आवोकाडोच्या औषधी गुणधर्मांविषयी वाचण्यासाठी इथे क्लिक करा - Avocado Health Benefits.

वाढणी: २ जणांसाठी

साहित्य:
१ पिकलेला आवोकाडो (टीप १)
१/४ कप लाल कांदा, एकदम बारीक चिरलेला
१/४ कप लालबुंद टोमॅटो, बारीक चिरून
१/४ कप कोथिंबीर, बारीक चिरून
२ टिस्पून लिंबू रस
१ लहान हिरवी मिरची, बारीक चिरून
किंचीत मिठ
१/८ टिस्पून मिरपूड

कृती:
१) आवोकाडोमधील गर काढून घ्यावा. एका बोलमध्ये आवोकाडोमधील गर काट्याने (Fork) मॅश करून घ्यावा. पूर्ण मॅश करू नये, किंचीत गुठळ्या राहू द्याव्यात.
२) मॅश केलेल्या आवोकाडोमध्ये लिंबाचा रस, चिरलेला कांदा, टोमॅटो, कोथिंबीर, आणि मिरची घालून मिक्स करावे. थोडे मिठ आणि मिरपूड घालावी.
ग्वाकामोले किंवा आवोकाडो डिप, टॉर्टीया चिप्सबरोबर खुपच छान लागतो तसेच मेक्सिकन राईस आणि इतर मेक्सिकन डिशेस बरोबर मस्त जमून जातो.

टीप:
१) कच्च्या आवोकाडोचे साल गर्द हिरवे असते, तर पिकलेल्या आवोकाडोचे साल काळपट हिरवे झालेले असते. पण आवोकाडो घेताना खुप जास्त पिकलेलाही घेऊ नये, निट तपासून घ्यावा. सर्व बाजूंनी firm असला पाहिजे. कधी कधी जास्त पिकलेला आवोकाडो आतून खराब निघतो, तसेच चवीलाही चांगला लागत नाही.
२) ग्वाकामोले जर थोडा थंड करायचा असेल तर ग्वाकामोले एका काचेच्या बोलमध्ये ठेवून त्यावर प्लास्टिक रॅप करून तासभर फ्रिजमध्ये ठेवावे म्हणजे काळपट पडणार नाही. तासाभराने थंड ग्वाकामोले, टॉर्टीया चिप्सबरोबर सर्व्ह करावे.
३) कांदा टोमॅटोचे प्रमाण आवडीनुसार कमीजास्त करावे.
४) खायच्या आधी टॉर्टीया चिप्स ओव्हनमध्ये ५ मिनीटे बेक करावे, गरम चिप्समुळे चव खुप छान लागते आणि चिप्स जास्त कुरकूरीतही लागतात.

इडली रवा खांडवी - Idli Rava Khandavi

Idli Rava Khandvi in English


साहित्य:
१/२ कप इडली रवा
१/२ कप गूळ
१ कप पाणी (टीप)
२ चमचे तूप
१/२ टिस्पून वेलचीपूड
१/४ कप ओलं खोबरं

कृती:
१) तूपावर इडली रवा गुलाबीसर रंगावर भाजून घ्यावा. १ कप पाणी उकळवावे आणि भाजलेल्या रव्यात घालावे. १ वाफ काढावी.
२) वाफ काढून झाली कि त्यात नारळ, वेलचीपूड आणि गूळ घालावा व परत १-२ वेळा वाफ काढावी. थाळीला तूपाचा हात लावून घ्यावा. खांडवीचे मिश्रण थाळीत ओतून थापून घ्यावे. व वड्या पाडाव्यात.

टीप:
१) बाजारात इडली रवा वेगवेगळ्या क्वालिटीमध्ये मिळतो. कधीकधी बारीक असतो तर कधी जाडसर असतो. तेव्हा पाण्याचे प्रमाण पुढीलप्रमाणे कमी जास्त करावे.
बारीक रवा = १ भाग रवा : २ भाग पाणी
जाड रवा = १ भाग रवा : अडीचपट पाणी

Labels:
Idli Rava Khandvi, Khandvi recipe, Khandavi

Other Related Recipes

उपवासाची खांडवीची