बेक्ड व्हेजिटेबल्स - Baked Vegeables

Baked vegetables in English



वेळ: ३० मिनिटे

वाढणी: ३ जणांसाठी



साहित्य:

१ टेस्पून बटर

१ टीस्पून आले-लसूण-मिरची पेस्ट

१ कप कॉलीफ्लॉवरचे तुरे (मी ३/४ कप कॉलीफ्लॉवर आणि १/४ कप ब्रोकोली वापरली होती)

१/२ कप गाजर, लहान चौकोनी तुकडे

१/२ कप स्वीट कॉर्न (कॅनमधील)

१/४ कप फरसबी, १ सेमीच्या चकत्या

१/२ कप कांदा, बारीक चिरून

१/२ कप हिरवी भोपळी मिरची, लहान चौकोनी तुकडे

चवीपुरते मीठ

मसाले:- ३ चिमटी दालचिनी पावडर + २ चिमटी किंचीत भरड काळी मिरी + २ चिमटी वेलची पावडर

गरजेनुसार व्हाईट सॉस - रेसिपीसाठी इथे क्लिक करा

इतर साहित्य:

१/२ कप इटालीयन चीज ब्लेंड

१/२ कप चेडार चीज

१/४ कप ब्रेड क्रम्स (ऐच्छिक)

कृती:

१) ओव्हन ३५० F वर प्रीहिट करण्यास ठेवावे.

२) पॅनमध्ये बटर गरम करावे. आले-लसूण-मिरची पेस्ट घालून काही सेकंद परतावे. कांदा घालून पारदर्शक होईस्तोवर परतावा. नंतर कॉलीफ्लॉवर, गाजर, फरसबी, आणि भोपळी मिरची घालून मिनिटभर परतावे. आता कॉर्न, मीठ आणि मसाल्याचे मिश्रण घालून नीट मिक्स करावे.

३) परतलेल्या भाज्या ओव्हनसेफ काचेच्या भांड्यात काढाव्यात. यामध्ये गरजेनुसार व्हाईट सॉस घालावा. व्हाईट सॉसने भाज्या छान कोट झाल्या पाहिजेत. एकूण चीजामधील थोडे चीज यात मिक्स करावे. आणि उरलेले चीज आणि ब्रेड क्रम्स वरून सारखे पेरावे.

४) ओव्हनचे तापमान ४०० F करावे. मिश्रण ८ ते १० मिनिटे किंवा चीजचा वरचा थर हलकासा ब्राऊन होईस्तोवर बेक करावे.

तयार बेक्ड व्हेजिटेबल्स ब्राऊन ब्रेड बरोबर सर्व्ह कराव्यात.



टीप:

१) आवडीप्रमाणे वेगळ्या भाज्याही वापरू शकतो (उदा. मटार, बटाटा)

ओटमिल कूकिज - Oatmeal Cookies

Oatmeal Cookies in English

वेळ: ४५ मिनीटे
नग: साधारण १५ कूकिज

साहित्य:
दिड कप मैदा
१/२ टेस्पून बेकिंग पावडर
१ टिस्पून बेकिंग सोडा
१ बटर स्टिक, मऊसर (१/२ कप)
१ + १/४ कप ब्राऊन शुगर
एग रिप्लेसर पावडर, २ अंड्यासाठी
१ टिस्पून वॅनीला
दिड कप ओट्स
१ कप चॉकोलेट चिप्स किंवा चंक्स

कृती:
१) ओव्हन ३५० F (१७५ C) वर प्रिहीट करावे
२) ओव्हन गरम होतय तोवर मध्यम भांड्यात मैदा, बेकिंग पावडर आणि बेकिंग सोडा चाळून घ्यावा.
३) एका मोठ्या खोलगट भांड्यात बटर आणि ब्राऊन शुगर हलके होईस्तोवर फेसावे. एग रिप्लेसर पावडरमध्ये पाकिटावर लिहिलेल्या प्रमाणात पाणी घालून मिक्स करावे. हे मिश्रण घालून बटर+साखर फेटावे. त्यात मैदा घालून मिक्स करावे.
४) आता ओट्स घालून हातानेच मिक्स करावे. चॉकोलेट चिप्स घालून व्यवस्थित मिक्स करावे.
५) मिश्रण, ग्रिस केलेल्या बेकिंग ट्रेमध्ये आईसक्रिम स्कूपने एक-दोन इंचाच्या अंतरावर ठेवावे. नंतर स्कूप केलेले मिश्रणाचे गोळे हाताने दाब देऊन चपटे करावे. ओव्हनमध्ये मधल्या रॅकवर ट्रे ठेवून १६ ते १८ मिनीटे बेक करावे.
बेक झाल्यावर ट्रे बाहेर काढून कूकिज गार होवू द्याव्यात.

टीप:
१) कूकिमध्ये चॉकोलेट चिप्स बरोबर बेदाणे किंवा ड्राईड क्रॅनबेरीज घालू शकतो.
२) बेकिंगसाठी लागणारा वेळ ओव्हनच्या हिटींग पॉवरवर तसेच कूकिजच्या आकारावर अवलंबून आहे. त्यामुळे जर कूकिजचा शेप लहान असेल तर बेकिंगसाठी १४ मिनीटे पुरेशी होतील.
३) एग रिप्लेसर पावडरऐवजी २ मध्यम अंडी घालू शकतो.

सोया व्हिट नानकटाई - Soya Wheat Nankatai

Nankatai in English

वेळ: ३० ते ४० मिनीटे
नग: २० ते २२ मध्यम नानकटाई

साहित्य:
८ टेस्पून अनसॉल्टेड बटर (१/२ कप)
६ टेस्पून पिठी साखर
१/२ कप गव्हाचे पिठ
१/२ कप सोयाबिन पिठ
१/४ टिस्पून बेकिंग पावडर
१/४ टिस्पून वेलची पावडर
२ टेस्पून पिस्त्याचे काप

कृती:
१) नानकटाई बनवण्यापूर्वी बटर २ तास फ्रिजबाहेर काढून ठेवावे म्हणजे एकदम मऊसर होईल. एका मध्यम आकाराच्या खोलगट ताटलीत बटर आणि साखर घ्यावी. आणि मिश्रण हलके होईस्तोवर जोरजोरात फेसावे.
२) ३५० डीग्री F (१७५ डीग्री सेल्सियस) वर ओव्हन प्रिहीट करावे.
३) बेकिंग ट्रे ला तूपाचा किंवा बटरचा हात लावून तयार ठेवावा. वरील प्रमाणासाठी साधारण २ ट्रे लागतील. एकच ट्रे असल्यास दोन विभागात नानकटाई बनवावी.
४) सोयाबिन पिठ, गव्हाचे पिठ, वेलची पावडर आणि बेकिंग पावडर एकत्र चाळून घ्यावी. चाळणीत जर पिठाचे गोळे अडकले असतील तर ते फोडून घ्यावेत. चाळलेले पिठ, बटर-साखरेच्या मिश्रणात घालावे आणि हाताने मळावे. व्यवस्थित गोळा तयार करावा. (कदाचित एखादा चमचा पिठ वाढवावे लागेल)
५) तयार गोळ्याचे साधारण २० ते २२ समान भाग करावे (१ इंच). प्रत्येक गोळा एकमेकापासून २ इंचाच्या अंतरावर ठेवावा. एका ट्रेमध्ये साधारण १२ ते १४ गोळे बसतील. प्रत्येक गोळ्यावर पेढ्याला लावतो तसे पिस्त्याचे काप लावून चेपावे.
६) ओव्हनच्या मधल्या रॅकमध्ये ट्रे ठेवावा व साधारण १२ ते १४ मिनीटे बेक करावे. बेक केल्यावर ट्रे बाहेर काढावा आणि गार होवू द्यावा. १५ मिनीटांनी खुसखूशीत अशा नानकटाई खाण्यासाठी तयार होतील.

टीपा:
१) मिठ नसलेले बटर वापरावे. बटर नसल्यास मऊसूत घरगूती लोणी वापरले तरी चालेल.
२) नानकटाईच्या मिश्रणात बदाम, काजू, पिस्त्याचे पातळ काप मिक्स केले तरीही छान चव येते.
३) नानकटाईसाठी मळलेला गोळा एकदम तुपकट नसावा. जर बटर जास्त वाटत असेल तर चमचाभर पिठ घालावे. कारण खुप तूपकट गोळा बेक केला तर नानकटाई एकदम बसक्या होतात. कणकेला मळतो इतपत गोळा घट्ट असला पाहिजे.

गार्लिक ब्रेड - Garlic Bread

Garlic bread in English

वेळ: साधारण १५ मिनीटे
१० ब्रेड स्लाईस

साहित्य:
१ फुट, फ्रेंच ब्रेडचा लोफ
कोशर मिठ किंवा साधे मिठ चवीप्रमाणे
२ ते ३ चिमटी ड्राय हर्ब्स (मी रोजमेरी आणि ओरेगानो वापरले होते)
गार्लिक बटर बनवण्यासाठी
४ टेस्पून बटर
१ टेस्पून ऑलिव ऑईल
५ लसणीच्या पाकळ्या, बारीक किसलेल्या

कृती:
१) ओव्हन ४०० F वर प्रिहीट करावे.
२) ब्रेड आडवा कापून दोन तुकडे करावे.
३) गार्लिक बटर स्प्रेड बनवण्यासाठी बटर १० सेकंद मायक्रोवेवमध्ये गरम करावा. उकळी येऊ देवू नये, फक्त बटर नरम होईल इतपतच गरम करावे. नंतर यात ऑलिव ऑईल आणि किसलेले लसूण घालून निट मिक्स करावे.
जर तुमच्याकडे मायक्रोवेव नसेल तर लहान पातेल्यात मध्यम आचेवर ऑलिव ऑईल कोमट करावे. त्यात बटर आणि किसलेले लसूण घालून व्यवस्थित मिक्स करावे.
४) तयार गार्लिक स्प्रेड ब्रेडच्या आतील पांढर्‍या भागावर लावावा तसेच डाव्या-उजव्या कडांनाही लावावा. ओरेगानो बोटांनी चुरगाळून पावावर भुरभूरावा. ५ ते ८ मिनीटे बेक करावे किंवा कडा लाईट ब्राऊन होईस्तोवर बेक करावे. चवीपुरते मिठ भुरभूरावे.
कटींग बोर्डवर बेक केलेला ब्रेड ठेवावा आणि धारदार सुरीने कापावा. १ ते दिड इंचाच्या स्ट्रिप्स कराव्यात. गार्लिकब्रेड जनरली, टोमॅटो पास्ता सॉसबरोबर सर्व्ह करतात पण नुसताही छान लागतो.

टीप:
१) स्प्रेड लावण्यापुर्वीही तुम्ही ब्रेडचे स्लाईस करू शकता. पण, त्यासाठी जास्त स्प्रेड बनवावा लागेल कारण प्रत्येक स्लाईसच्या ३ पांढर्‍या कडांना बटर स्प्रेड लावावा लागेल. तसेच ब्रेड स्ट्रिप्स जास्त बटर लावल्याने खुपच बटरी लागतील.

Labels:
Garlic Bread, Homemade garlic bread sticks

झटपट ब्रेड पिझ्झा - Bread Pizza

Bread Pizza in English

२ जणांसाठी (२ पिझ्झा प्रत्येकी)
वेळ: २० मिनीटे

साहित्य:
४ ब्रेडचे स्लाईस (टीप १) (I used 'Arnold - whole wheat sandwich thins')
१/२ कप पिझ्झा सॉस (कृतीसाठी इथे क्लिक करा)
१/२ कप भोपळी मिरचीचे पातळ काप
१/२ कप कांद्याचे पातळ काप
टोमॅटोच्या १२ पातळ चकत्या
१/२ कप किसलेले पनीर (ऐच्छिक)
अर्धा ते पाऊण कप किसलेले चिझ (मी ग्रेटेड पिझ्झा ब्लेंड वापरला होता)
ड्राय बेसिल किंवा ओरेगानोची पाने
२ ते ३ चिमटी मिठ
सुक्या लाल मिरच्यांचा चुरा आवडीनुसार

कृती:
१) ओव्हन ४०० F वर प्रिहीट करण्यास लावावे. चिरलेल्या सर्व भाज्यांवर थोडे मिठ पेरावे.
२) प्रत्येक ब्रेड स्लाईसवर पिझ्झा सॉस लावावा. त्यावर टोमॅटो, कांदा आणि भोपळी मिरची घालावी. वरून किसलेले पनीर पेरावे. ड्राय बेसिल पाने चुरडून भुरभुरावीत.
३) आवडीनुसार चिज घालावे. आणि साधारण १० मिनीटे बेक करावे किंवा चिज वितळून किंचीत सोनेरी झाले कि लगेच पिझ्झा बाहेर काढावा.

गरमागरम सर्व्ह करावा. सर्व्ह करताना वरून चिमूटभर ड्राय रेड चिली फ्लेक्स आणि ड्राय बेसिल पाने क्रश करून भुरभुरावीत.

टीप:
१) मी होल व्हिट सॅंडविच थिन्स वापरले होते. आवडीनुसार तसेच उपलब्धतेनुसार चौकोनी व्हाईट ब्रेड स्लाईस किंवा व्हिट ब्रेड स्लाईस वापरू शकतो. परंतु, साधे ब्रेडचे स्लाईस पिझ्झा सॉस घातल्यावर ओलसर होतात. तेव्हा पिझ्झा सॉस, भाज्या घातल्यावर जास्त वेळ न घालवता लगेच बेक करण्यास ओव्हनमध्ये ठेवावे.
२) भोपळी मिरची, कांदा, टोमॅटो बरोबर मश्रुम, ऑलिव, पालक घालू शकतो तसेच अननसाचे तुकडेही पिझ्झावर छान लागतात.
३) पिझ्झा सॉस घरी बनवू शकतो किंवा हल्ली वेगवेगळ्या फ्लेवरमध्ये पिझ्झा सॉस मार्केटमध्ये विकत मिळतो, तो ही वापरला तरी चालतो.

बेक्ड करंजी - Baked Karanji

Dryfruit Karanji (baked) in English

३० ते ३५ लहान करंज्या
वेळ: ५० मिनीटे (सारण तयार असल्यास)

संबंधित पाककृती:-
ओल्या नारळाच्या करंज्या **** दिवाळी फराळ **** मेथी शंकरपाळे **** मटार बटाटा करंजी

साहित्य:
२ कप मैदा
३ टेस्पून तूप, पातळ
चिमूटभर मिठ
ड्रायफ्रुटचे सारण
दुध, पिठ भिजवण्यापुरते

स्टेप बाय स्टेप फोटोनुसार प्रेझेंटेशनसाठी इथे क्लिक करा.

कृती:
१) मैदयात तूप आणि मिठ घालून तूप सर्व मैद्याला चोळून घ्यावे. दुध घालून मध्यमसर कणिक मळून घ्यावी. १५ मिनीटे झाकून ठेवावी.
२) कणिक २५ ते ३० समान छोटे गोळे करून घ्यावे. गोळा साधारण १ इंचाचा तरी असावा.
३) गोळा लाटून गोल पुरी करावी. मध्यभागी १ टेस्पून ड्रायफ्रुटचे सारण घालावे. अर्ध्या गोलाच्या कडेवर थोडे पाणी लावावे. दुसरी बाजू दुमडून पाणी लावलेल्या कडेवर आणावी. कडा चिकटवून घ्याव्यात. काटा-चमच्यातील काट्याने कडेवर डिझाईन बनवावे आणि कातणाने १/२ सेमी जागा सोडून कड कापावी. कापलेली पट्टी पुन्हा कणकेत मिक्स करावी किंवा ३ ते ४ करंज्या केल्यावर त्यांच्या पट्ट्या एकत्र करून नवी करंजी बनवावी.
४) सर्व करंज्या बनवून घ्याव्यात. सर्व बाजूनी तूपाचा हलकासा हात फिरवावा. बेकिंग ट्रेमध्ये अल्युमिनम फॉईल पसरवून त्यावर करंज्या अरेंज कराव्यात.
५) ओव्हन २७५ F वर प्रिहीट करावे. ओव्हन प्रिहीट झाल्या कि ४० ते ४५ मिनीटे बेक करावे.
खुप जास्तवेळ बेक करू नये. यामुळे छान ब्राऊन रंग येईल, पण आत भरलेले सारण जळेल.

टीप:
१) या जरी बेक केलेल्या करंज्या असल्या तरी पूर्ण डाएट करंज्या नाहीत, कारण पिठात आपण थोडे तूप घातले आहे. जर तूप घातले नाही तर करंज्या खुपच ड्राय होतात. आणि पटकन जळतात. म्हणून यामध्ये जे तळतानाचे तेल करंजीत शोषले जाते ते अवॉइड होते.

Labels:
Baked Karanji, Baked Gujiya, Diwali Recipes, Diwali Faral

पावभाजीचा पाव - How to make bread

Pavbhaji Bread in English

साधारण १० ते १२ पाव

Health Tip: How to choose the healthiest bread?

साहित्य:
३ कप सेल्फ राईजिंग फ्लोर किंवा मैदा (टीप १)
२ टिस्पून ड्राय यिस्ट
दिड टिस्पून साखर
१ टिस्पून मिठ (टीप)
४ टेस्पून तेल
दिड ते पावणेदोन कप कोमट पाणी
२ टेस्पून दूध


कृती:
१) एका लहान वाडग्यात १/२ कप कोमट पाणी घ्यावे. पाणी खुप गरम नसावे आणि अगदी गुळमूळीत कोमटही नको. या पाण्यात दिड टिस्पून साखर घालावी. थोडे ढवळून ड्राय यिस्ट घालून मिक्स करावे. यिस्ट activate होण्यासाठी ५ ते १० मिनीटे झाकून ठेवावे. १० मिनीटांनी जर मिश्रण फेसाळले असेल तर समजावे कि यिस्ट activate झालेय.
२) मोठ्या वाडग्यात ३ कप पिठ, यिस्टचे पाणी, मिठ आणि पाणी घालून एकदम मऊसर मळून घ्यावे. २ ते ३ मिनीटे थोडे कोरडे पिठ भुरभूरवून मळावे छान मळून घ्यावे. नंतर तेल घालून ५ मिनीटे मळावे. प्लेन सरफेसचा गोळा करून वाडग्यात ठेवावा. वरून झाकण ठेवून एक-दीड तास उबेला ठेवावे.
३) एक-दीड तासांनी पिठाचा गोळा दुप्पट आकाराचा होईल. थोडा तेलाचा हात लावून एकदा किंचित पंच करून घ्यावे.
४) बेकिंग ट्रेला थोडा तेलाचा हात लावावा आणि किंचीत कोरडे पिठ भुरभूरावे. १० एकसमान गोळे करावे आणि एकमेकांना चिकटून ठेवावे. वरून प्लास्टिकची पिशवी ठेवून पावाचे गोळे अजून फुलून येण्यासाठी १/२ तास झाकून ठेवावे.
५) १/२ तासाने ओव्हन ३७५ F (१८८ C) वर प्रिहीट करावे. ओव्हन प्रिहीट होईस्तोवर पावाच्या गोळ्यांवर दुधाने हलक्या हाताने ब्रशिंग करावे. ओव्हन प्रिहीट झाल्यावर पाव २० ते २२ मिनीटांसाठी बेक करावे. ओव्हन बंद करावा, ट्रे ३ ते ४ मिनीटांनी बाहेर काढावा. कोमट झाल्यावर पाव सर्व्ह करावा.
गरमगरम पाव मिसळ, पावभाजी, बटाटा वडा, छोले, पिंडी छोले या पदार्थांबरोबर छान लागतो.

टीप:
१) मी ब्रेड बनवण्यासाठी सेल्फ राईजिंग फ्लोर वापरले होते. सेल्फ राईजिंग फ्लोर म्हणजेच ऑल पर्पज फ्लोर, मिठ आणि बेकिंग पावडर यांचे मिश्रण. म्हणून सेल्फ राईजिंग फ्लोरसुद्धा ब्रेड बनवण्यासाठी वापरता येते फक्त यामध्ये मिठ आधीपासूनच असते म्हणून मिठ अगदी थोडेच घालावे. जर मैदा (ऑल पर्पज फ्लोर) वापरणार असाल तर मिठ दिलेल्या प्रमाणात घालावे.
२) पिठ तेल घालून जितके जास्त मळाल तितका जास्त पाव मऊ आणि हलका होईल.

Labels:
Indian Bread, Pav bhaji, Vada Pav

एगलेस खजूर आणि अक्रोडाचा केक

Eggless dates and walnut cake in English

साहित्य:
३/४ कप मैदा
१/२ कप खजूराचे तुकडे
१/४ कप पाणी, खजूर भिजवण्यासाठी
१/४ कप अक्रोडाचे तुकडे
७ oz कन्डेन्स मिल्क (३/४ कप + २ टेस्पून)
१/२ बटर स्टिक (४ टेस्पून), वितळवून
१ टिस्पून बेकिंग सोडा
१/२ टिस्पून बेकिंग पावडर
१/२ टिस्पून वेनिला इसेंस

कृती:
१) १/४ कप कोमट पाण्यात खजूराचे तुकडे साधारण ३० मिनीटे भिजवून ठेवावे. नंतर खजूर पाण्यातून काढावे, बिया काढून मिक्सरमध्ये पेस्ट करावी. पेस्ट करताना भिजवायला वापरलेले पाणी वापरावे.
२) ओव्हन ३२५ F (१६० C) वर प्रिहीट करावे. मैदा, बेकिंग पावडर आणि बेकिंग सोडा एकत्र करून २ ते ३ वेळा चाळून घ्यावे, यामुळे तिन्ही जिन्नस छान मिक्स होतील आणि गुठळ्या राहणार नाहीत. दुसर्‍या वाडग्यात कन्डेन्स मिल्क, वितळवलेले बटर आणि वेनिला इसेंस घालून मिक्स करावे. मैद्याचे मिश्रण घालून गुठळ्या न होता फेटून घ्यावे. नंतर त्यात खजूराची पेस्ट आणि अक्रोडाचे तुकडे घालून मिक्स करावे.
३) ओव्हनसेफ भांडे आतून बटरने ग्रिस करावे म्हणजे केक बेक झाला कि भांड्याला चिकटणार नाही. केकसाठीचे मिश्रण भांड्यात ओतावे आणि वरून चमच्याने सारखे करावे. प्रिहिट केलेल्या ओव्हनमध्ये मधल्या रॅकवर केकचे भांडे ठेवावे आणि ४५ मिनीटे बेक करावे.
४) ४५ मिनीटांनी ओव्हन बंद करावे, पण भांडे लगेच बाहेर काढू नये. ५ मिनीटांनी बाहेर काढावे.
५) ५ मिनीटांनी भांडे ओव्हनच्या बाहेर काढावे आणि जाळीच्या रॅकवर काढून ठेवावे आणि गार होवू द्यावे. केक गार झाला कि सावकाशपणे भांड्यातून बाहेर काढावा. कापण्यापूर्वी केक पूर्ण गार झाला पाहिजे.
१/२ इंचाचे तुकडे करून डब्यात भरून ठेवावा.

टीप:
१) प्रत्येक ओव्हनची हिटींग पॉवर वेगवेगळी असते त्यामुळे बेकिंगसाठी काही मिनीटे कमीजास्त होवू शकतात.
Labels:
eggless cake, Dates cake, Vanilla cake

पिझ्झा बेस - Pizza Base

Pizza Base in English

वाढणी : १ थिन क्रस्ट पिझ्झा बेस


साहित्य:
३/४ कप मैदा
१ टिस्पून ड्राय यिस्ट
१/२ टिस्पून साखर
१/२ टिस्पून मिठ
१/४ कप कोमट पाणी
थोडा सुका मैदा पिझ्झा लाटताना

कृती:
१) एका बोलमध्ये २ टेस्पून कोमट पाणी घ्यावे, त्यात १ टिस्पून ड्राय यिस्ट व १/२ टिस्पून साखर घालून मिक्स करावे. हे मिश्रण १० मिनीटे झाकून ठेवावे. ५ ते १० मिनीटात हे मिश्रण फेसाळेल.
२) ३/४ कप मैदा वाडग्यात घेऊन हे फेसाळलेले मिश्रण त्यात घालावे, मिठ आणि थोडे तेल घालावे. गरजेनुसार थोडे कोमट पाणी घेऊन पिठ एकदम मऊसर मळून घ्यावे (साधारण ७-८ मिनीटे) . मळलेले पिठ एकदम Elastic झाले पाहिजे. मळलेल्या पिठाच्या गोळ्याला तेलाचा हात लावून एका काचेच्या किंवा इतर कोणत्याही, बर्‍यापैकी खोलगट (साधारण ६-७ इंच ) भांड्यात ठेवून वरून निट झाकावे. उबदार ठिकाणी हे भांडे दिड तास ठेवावे म्हणजे पिठ फुगून येईल.
३) मळलेले पिठ व्यवस्थित फुगले कि ओव्हन ४८० F (२५० C) वर प्रिहीट करावे. यिस्टमुळे पिठात हवेचे बुडबुडे तयार होतात, म्हणून पिठ परत एकदा निट मळून घ्यावे (३ मिनीटे). मळताना थोडा तेलाचा हात लावावा.
४) सुका मैदा भुरभूरवून जाडसर पोळी लाटावी (१ सेमी). काट्याने (Fork) पूर्ण पोळीवर टोचावे म्हणजे बेक करताना फुगणार नाही. पोळीला वरून थोडे तेल लावावे.
५) साधारण ६-८ मिनीटे बेक करून घ्यावे.

पिझ्झा सॉसची कृती (Pizza Sauce)
पनीर पिझ्झाची कृती (Paneer Pizza)

Labels:
Pizza Base, Easy Pizza Base Recipe, Pizza Dough

हुम्मूस - Hummus

Hummus and pita bread (English Version)

हुम्मुस (Hummus) हा पदार्थ मिडल इस्टमध्ये बनवला जाणारा चटणीसारखा पदार्थ आहे. या पदार्थात काबुली चणे (छोल्याचे चणे) हे मुख्यत्वे वापरले जातात.
हुम्मुसमध्ये "ताहिनी" (Sesame Paste) म्हणजेच भाजलेले तिळ व ऑलिव्ह ऑइल (Olive Oil) एकत्र वाटून केलेली पेस्ट वापरली जाते, पण थोडे बदल करून खालील कृतीत मी फक्त भाजलेल्या तिळाचा वापर केला आहे.
हुम्मुसबरोबर जोडीला पिटा ब्रेड सर्व्ह केला जातो. पिटा ब्रेडच्या कृतीसाठी इथे क्लिक करा.

वाढणी : साधारण १/२ कप



साहित्य:
१-२ लसूण पाकळ्या
३/४ कप मऊसर शिजवलेले काबुली चणे
१ ते २ टिस्पून भाजलेले तिळ
१ टेस्पून लिंबाचा रस
१/४ कप पाणी
१ टिस्पून ऑलिव्ह ऑइल (टीप १)
१/४ टिस्पून मिरपूड
२ टेस्पून चिरलेली कोथिंबीर
चवीनुसार मिठ

कृती:
१) वरील सर्व पदार्थ मिक्सरमध्ये बारीक वाटून घ्यावेत. डब्यात बंद करून फ्रिजमध्ये काही तास थंड करावे.

टीप:
१) हुम्मुसमध्ये ऑलिव्ह ऑइल हा महत्त्वाचा पदार्थ आहे. मी ऑलिव्ह ऑइल वापरले नव्हते तरीही चव छान लागली, त्यामुळे आपल्या आवडीनुसार याचा वापर करावा.
२) हुम्मुस २-३ दिवस फ्रिजमध्ये सहज टिकते.

Labels:
hummus, pita bread, dip recipe, how to make hummus, chickpea hummus,hummus without oilve oil

पिटा ब्रेड - Pita Bread

Pita Bread (English Version)

वाढणी : १ ब्रेड (६ इंची)


साहित्य:
१/४ कप मैदा
१ टिस्पून ड्राय यिस्ट (Active Dry Yeast)
३ टेस्पून कोमट पाणी (टीप १)
१/२ टिस्पून मिठ
१/२ टिस्पून साखर
१ टेस्पून ऑलिव्ह ऑइल

कृती:
१) प्रथम कोमट पाण्यात साखर घालून ढवळून घ्यावे. लगेच ड्राय यिस्ट घालून ढवळावे. हे मिश्रण १० मिनीटे झाकून ठेवावे ज्यामुळे यिस्ट active होईल आणि हे मिश्रण फेसाळेल.
२) मैदा एका वाडग्यात घ्यावा व त्यात मिठ घालून निट मिक्स करावे. त्यात यिस्टचे मिश्रण घालून मळून घ्यावे. आपल्याला हे पिठ एकदम सैलसर मळायचे आहे त्यामुळे गरज लागल्यास चमच्याने अजून थोडे कोमट पाणी घालून मळावे.
३) पिठ एकदम इलास्टिक होईस्तोवर मळावे. मळताना पिठ हाताला चिकटून नये म्हणून थोडे ऑलिव्ह ऑइल किंवा साधे तेल वापरावे. पिठ मळून एका भांड्यात ठेवावे.पूर्ण गोळ्याला वरून तेलाचा हात लावावा म्हणजे पिठ सुकणार नाही. मळलेले पिठ झाकून उबदार जागी साधारण तासभर ठेवावे.
४) तासाभराने पिठ फुलून दुप्पट आकाराचे झाले असेल. परत एकदा मळून त्यात तयार झालेले हवेचे बुडबुडे काढून टाकावेत. साधारण २-४ मिनीटे मळावे. मळताना शक्यतो अजून मैदा घालू नये.
५) ओव्हन ४५० F वर प्रिहीट करावे. ओव्हन प्रिहीट होईस्तोवर मळलेल्या पिठाची थोड्या मैदयाच्या सहाय्याने १/४ इंच जाडसर पोळी लाटावी. या पोळीवरील सुके पिठ अलगद झटकून टाकावे. पोळीचा पृष्ठभाग प्लेन असावा ज्यामुळे ब्रेड बेक केल्यावर फुलेल.
६) पोळीवर किंचित ऑलिव्ह ऑइलने ब्रशिंग करावे आणि baking sheet वर ठेवावी.ओव्हन प्रिहीट झाल्यावर हि पोळी ३-४ मिनीटे बेक करावी. बाहेर काढून बाजू पलटावी व दुसर्‍या बाजूने २-३ मिनीटे बेक करावी.
तयार पिटा ब्रेड हुम्मुसबरोबर सर्व्ह करावा.

टीप:
१) पाणी कोमटच असावे, गरम पाणी घेतल्यास यिस्ट मरते आणि हे पाणी वापरून जर पिठ भिजवले तर पिठ फुलणार नाही आणि त्यामुळे ब्रेड हलका होणार नाही.

Label:
Pita bread Hummus recipe Chickpea Humus recipe Pitta bread

नानखटाई (शॉर्ट ब्रेड) - Nankatai (Shortbread)

Short Bread in English

साहित्य:
५ १/२ टेस्पून बटर
१/४ कप साखर (सुपरफाईन)
१/२ कप + १/८ कप मैदा
१/४ कप तांदूळ पिठ
१/८ टिस्पून बेकिंग पावडर
चिमूटभर मिठ

कृती:
१) मैदा, तांदूळ पिठ, बेकिंग पावडर आणि मिठ हे सर्व एकत्र करून ५ वेळा चाळून घ्यावे ज्यामुळे सर्व जिन्नस एकसारखे मिक्स होतील.
२) मऊसर बटर आणि साखर एकत्र करून हॅण्डमिक्सरने फेसून घ्यावे. हे मिश्रण अगदी हलके झाले पाहिजे. साधारण ८ ते १० मिनीटे फेसावे.
३) ओव्हन ३२५ degree F वर प्रिहिट करावा. फेसलेल्या मिश्रणात हळूहळू चाळलेले पिठ घालून हॅण्डमिक्सरने एकत्र करून घ्यावे. मिश्रण नरमसर आणि हलके झाले पाहिजे.
४) ओव्हनसेफ भांड्यात (pie bakeware) या मिश्रणाचा १/२ इंचाचा थर द्यावा. थराचा पृष्ठभाग समान असावा. सुरीने अलगदपणे आवडीच्या शेपमध्ये आधीच कापून त्याच्या खुणा करून ठेवाव्यात. मिश्रण बेक केल्यावर कडक होईल आणि तेव्हा जर सुरीने कापले तर शॉर्ट ब्रेडचा चुरा पडेल.
५) मिश्रण ३० ते ३५ मिनीटे किंवा शॉर्ट ब्रेडचा रंग लाईट ब्राऊन होईस्तोवर बेक करावे. बेक करून झाले कि सुरीने ज्या खुणा केल्या आहेत, तिथून परत एकदा सुरी फिरवावी. शॉर्ट ब्रेड थंड होवू द्यावे. थंड झाल्यावर वेगळे करावेत.

Labels:
Short bread, Nankhatai, nankatai, shortbread cookie recipe

समोसा पफ - Samosa Puff

Samosa Puff In English

ही पाककृती खासकरून अमेरीकेतील समोसाप्रेमींसाठी आहे, Pillsbury चे रेफ्रिजरेटेड क्रेसेंट रोल्स कुठल्याही सुपरमार्केटमध्ये उपलब्ध असतात. क्रेसेंट रोल्स भारतात कुठे मिळतील याबद्दल मला फारशी कल्पना नाही.


साहित्य:
रेफ्रिजरेटेड क्रेसेंट रोल्स (Crescent Rolls)
(कुठल्याही सूपर मार्केटमध्ये रेफ्रिजरेटेड सेक्शनमध्ये मिळते.)
स्टफिंगसाठी:
२ शिजवलेले बटाटे
१ वाटी शिजवलेले हिरवे वाटाणे
३-४ हिरव्या मिरच्या बारीक चिरून
१ चमचा गरम मसाला
१ लहान चमचा आमचूर पावडर
१ चमचा धनेपूड
१ चमचा बडीशेप
१-२ चमचे तेल
फोडेणीसाठी मोहोरी, जिरे, हळद, कढीपत्ता
मीठ



कृती:
आपण समोसे बनवताना जसे सारण बनवतो तसेच सारण बनवायचे आहे.
१) बटाटे सोलून व्यवस्थित कुस्करून घ्यायचे.
२) कढईत २ चमचे तेल गरम करावे. त्यात मोहोरी, जिरे, हळद, कढीपत्ता, बडीशेप, मिरच्या घालाव्यात. वाटाणे घालून एक-दोन मिनीटे परतावे.
३) कुस्करलेले बटाटे घालावेत. गरम मसाला, धणेपूड, आमचूर पावडर आणि मिठ घालावे, व्यवस्थित मिक्स करावे.
४) क्रेसेंट रोल्सच्या "pipe shaped" पॅकमध्ये ८ त्रिकोणी चकत्या असतात. त्या अलगदपणे सेपरेट कराव्यात. त्यातील लहान बाजूवर १ ते दिड चमचा सारण ठेवावे. रोल करावा. चित्रात दाखवल्याप्रमाणे.
५) ओव्हन ३७० F वर प्रिहीट करावे. तयार केलेले रोल्स १५ -१८ मिनीटे बेक करावे.

टीप:
१) आपण आपल्या आवडीचे स्टफिंग बनवून व्हरायटी पफ बनवू शकतो.
२) तिखटपणा जास्त हवा असेल तर मिरचीचा ठेचा वापरावा.

Labels:
Samosa Puff, Samosa stuffing recipe, samosa recipe, spicy samosa recipe

काकडीचा केक - Kakadicha Cake

Kakadicha Cake

हा काकडीचा केक बराचसा तवसळी नावाच्या कोकणी पदार्थासारखा आहे. सणासुदीला गोडधोड म्हणून काकडीचा केक नक्की करून पाहा.

साहित्य:
२ वाट्या काकडीचा किस
१ वाटी रवा
१ वाटी गूळ
४ टेस्पून बटर
१ चमचा तूप
१ लहान चमचा वेलची पूड
बदामाचे काप

कृती:
१) काकडी सोलून किसून घ्यावी. दोन्ही हाताने दाबून त्यातले पाणी काढून टाकावे.
२) रवा तूपावर भाजून घ्यावा. मध्यम आचेवर कढईत बटर घालावे. त्यात रवा, गूळ आणि काकडीचा किस घालून ढवळत राहावे. ५-१० मिनीटांत रवा, गूळ, काकडीचा किस यांचे मिश्रण मिळून येते. त्यात वेलची पूड घालून ढवळावे.
३) ओव्हन ३७५ F ला प्रिहिट करावे. बेकिंग ट्रे मध्ये तूपाचा हात लावावा. त्यात तयार मिश्रणाचा १ इंचाचा थर करावा. त्यावर बदामाचे काप घालावे. १५-१८ मिनीटे बेक करावे. केकच्या कडा थोड्या गोल्डन ब्राऊन झाल्या कि केक तयार झाला असे समजावे.
४) केक ट्रेमधून काढावा सुरीने चौकोनी वड्या कराव्यात.

टीप:
१) हा केक गरम खायला जास्त छान लागतो. त्यामुळे जर थोडा उरलाच तर खाताना मायक्रोवेवमध्ये गरम करून खावा.
२) केक बेक केल्यावर थोडे नारळाचे दूध घालावे छान टेस्ट येते.

Labels:
Eggless Cake, Cucumber Cake, Homemade Cake, Cake recipe, Cucumber Semolina Cake, Semolina Cake

मिक्स बेक्ड वेजिटेबल - Mixed Baked Vegetables

Mix Baked Vegetable in English

साहित्य:
१ कप शिजलेल्या बटाट्याच्या फोडी
१/२ कप उभा बारीक चिरलेला कांदा
पाव कप गाजराच्या फोडी
पाव कप फरसबी चिरून (१ इंच)
पाउण कप अर्धवट शिजवलेले मटार + मका दाणे
१/२ कप भोपळी मिरची उभी चिरून
२ शिजलेल्या टोमॅटोची प्युरी
(मिक्सरवर प्युरी करताना पाणी घालू नये. प्युरी करताना मिक्सरमध्ये २ लसणीच्या पाकळ्या टाकाव्या)
८-१० काजू बी
३-४ कढीपत्ता पाने
२ लाल सुक्या मिरच्या
१ चमचा गरम मसाला
२ चमचे बटर
मीठ
३ टेस्पून कोथिंबिर
लिंबाचा रस

ओव्हनमध्ये बटाटा, गाजर, चिरलेल्या कांद्यातील थोडा कांदा, फरसबी, सिमला मिरची ३५० F वर १२-१४ मिनिटे बेक करावे. किंवा आपल्या घरातील ओव्हनच्या सेटींग प्रमाणे adjust करून भाज्या गोल्डन ब्राउन होवू द्याव्यात. त्यामुळे भाजीला छानसा स्वाद येतो.

कृती:
१) नॉनस्टीक फ्राईंग पॅनमध्ये मध्यम आचेवर बटर घालावे. कढीपत्ता, बेक
न केलेला कांदा, काजू बी घालावी. कांदा परतला गेला की लाल मिरचीचे तुकडे, बेक केलेल्या भाज्या घालाव्यात.
२) भाज्यांना थोडी वाफ काढावी. गरम मसाला घालावा. टोमॅटो प्युरी आणि लसूण यांचे मिश्रण घालावे. २-३ मिनीटे वाफ काढावी. त्यात मटार, मका दाणे घालावे. २-३ मिनीटे वाफ काढावी. मिठ घालावे. वरून बारीक चिरलेली कोथिंबीर घालावी. लिंबाचा रस घालावा.गरम गरम भाजी पोळीबरोबर किंवा पावाबरोबर खावी.

Labels:
mix vegetable recipe, baked vegetable recipe, mixed veg recipe, north indian recipe