Tuesday, May 24, 2011

खरबूजाचा ज्युस - Cantaloupe Juice

Musk Melon (Kharbuja) Juice in English

A refreshing summer Drink - Musk Melon Juice

वेळ: १० मिनीटे
२ जणांसाठी
healthy juice recipe, cantaloupe juice, musk melon juice, fruit juice recipeसाहित्य:
२ ते अडीच कप खरबुजाच्या मध्यम फोडी (टीप)
१/२ कप संत्र्याचा ज्युस
१/२ टिस्पून लिंबाचा रस
१/२ टिस्पून किसलेले आले
किंचीत काळं मिठ
चवीपुरती साखर (ऐच्छिक)

कृती:
१) खरबुजाच्या फोडी, संत्र्याचा रस, लिंबू रस, आलं आणि थोडं काळं मिठ एकत्र करून मिक्सरमध्ये बारीक वाटून घ्यावे.
२) मोठ्या गाळण्याने किंवा स्वच्छ सुती कपड्याने व्यवस्थित गाळून घ्यावे. गाळण्यामध्ये जो चोथा उरला असेल तो दाब देऊन निट पिळून घ्यावा.
३) तयार ज्युसची चव पाहावी. शक्यतो साखर घालू नये, पण लागल्यास १ ते २ चमचे घालावी.
ज्युस फ्रिजमध्ये गार करावा किंवा लगेच प्यायचा असल्यास बर्फाचे २-३ तुकडे घालून सर्व्ह करावा.

टीपा:
१) मी रेडीमेड संत्र्याचा ज्युस वापरला होता, त्यामुळे साखर घालावी लागली नाही. पण जर तुम्ही घरीच संत्र्याचा रस काढणार असाल तर चांगली रसदार संत्री वापरावी तसेच थोडी साखर घालावी.
२) खरबुज व्यवस्थित पिकलेले व गोड असावे म्हणजे चव छान लागेल. खरबुज कापताना आधी दोन भाग करावे, बिया काढून टाकाव्यात, सालं काढावीत आणि गराच्या फोडी कराव्यात.
३) जर घरी ज्युसर असेल तर तो वापरून छान ज्युस होईल.
४) आवडत असल्यास फ्रेश हर्ब्स जसे पुदीना, बेसिल वगैरेची २-४ पाने चुरडून घालू शकतो.

No comments:

Post a Comment