Thursday, September 3, 2009

मेथी शंकरपाळे - methi shankarpale

methi Shankarpale in English

साधारण २ ते ३ जणांसाठी
वेळ: ३० मिनीटे

shankarpale, crispies, teatime snack, Fried snacksसाहित्य:
३/४ कप गव्हाचे पिठ
१/४ कप मैदा
१ टेस्पून तेल
२ टिस्पून कसूरी मेथी
२ चिमटी ओवा
चवीपुरते मिठ
तळण्यासाठी तेल

कृती:
१) मैदा, गव्हाचे पिठ आणि मिठ एकत्र करून घ्यावे. त्यात १ टेस्पून गरम तेलाचे मोहन घालावे. चमच्याने ढवळावे.
२) कसूरी मेथी हाताने चुरडून पावडर बनवावी आणि पिठात घालावी. तसेच ओवा घालून मिक्स करावे. पाण्याने घट्ट भिजवून १५ मिनीटे झाकून ठेवावे.
३) १५ मिनीटांनी मळलेल्या पिठाचे २ समान भाग करावे. १ पिठाचा गोळा एकदम पातळ लाटावा आणि सुकू नये म्हणून त्यावरझाकण ठेवून झाकावा. नंतर दसर्‍या पिठाची पोळी लाटावी. त्याच्या वरील बाजूस तेल लावावे आणि झाकलेली पोळी त्यावर ठेवावी. वरून थोडे दाबून एकदा लाटून घ्यावी. खुप जोरात लाटू नये दोन्ही पोळ्या एकमेकांना चिकटाव्यात म्हणून लाटावे.
४) कातणाने शंकरपाळाच्या आकारात कापून तेलात मध्यम आचेवर तळून घ्यावेत. एकदम सर्व न तळता ३-४ विभागात तळावेत. मोठ्या आचेवर तळले तर वरून ब्राऊन होतात पण लगेच मऊ पडतात. म्हणून मंद किंवा मध्यम आचेवर कडक होईस्तोवर तळावेत.
चहाबरोबर हे कुरकूरीत शंकरपाळे मस्तच लागतात.

Label:
crunchy snacks, shankarpale, shankarpare

No comments:

Post a Comment